FM97.5 / LIVE

ავტოსაგზაო შემთხვევებით სამცხე-ჯავახეთი მესამე ადგილზეა

მთავარისაზოგადოება 08.05.2014
2012 წელს, ავტოსაგზაო შემთხვევის შედეგად, საქართველოში 605 ადამიანი დაიღუპა და 7734 დაშავდა. ავტოავარიების სიხშირითა და დაშავებულების მაჩვენებლით, საქართველოს რეგიონებს შორის, სამცხე-ჯავახეთის მესამე ადგილზეა.

ავტოსაგზაო შემთხვევებით სამცხე-ჯავახეთი მესამე ადგილზეა
იმისათვის, რომ მსგავსი სტატისტიკა შეიცვალოს, ფონდმა „პარტნიორობა საგზაო უსაფრთხოებისთვის“, საქართველოს მასშტაბით, ახალი პროექტი „მეგობრული გზები“ დაიწყო. ფონდში განმარტავენ, რომ პროექტის მიზანი საგზაო უსაფრთხოების სფეროში არსებული პრობლემების გადაჭრა და გზებზე არსებული, ეგრეთ წოდებული, შავი წერტილების შემცირება.

პროექტის ხელმძღვანელები ფიქრობენ, რომ მოქალაქეების დახმარებით საქართველოს რეგიონებში, გზებზე არსებულ, ეგრეთ წოდებულ, შავი წერტილებს, ანუ იმ ადგილებს მოუყრიან თავს, სადაც ყველაზე ხშირად ხდება საგზაო შემთხვევები.

„შემდეგ უნდა მოვახდინოთ ამ შავი წერტილების აღმოფხვრა“, - განმარტავს ფონდ „პარტნიორობა საგზაო უსაფრთხოებისთვის“ დირექტორი ირაკლი იზორია.

პროექტის პრეზენტაცია დღეს, 8 მაისს, ახალციხეში, არასამთავრობო ორგანიზაცია „დემოკრატ მესხთა კავშირის“ საკონფერენციო დარბაზში შედგა. პროექტის ხელმძღვანელებმა შეკრებილებს პროექტი გააცნეს და აუხსნეს, როგორ შეუძლიათ საგზაო უსაფრთოებაში თავიანთი წვლილის შეტანა.

„პროექტში ჩართვა ძალიან მარტივია, პირველ რიგში უნდა შემოვიდნენ ჩვენს ვებ-გვერდზე, სადაც არის ორი განყოფილება, საგზაო შემთხვევებისა და შავი წერტილების. ახალგაზრდებს საშუალება აქვთ აღწერონ პრობლემა, რუქაზე მიუთითონ ადგილი, სადაც აღნიშნული პრობლემაა, გადაიღონ ფოტო ან ვიდეო და ატვირთონ. შემდეგ ჩვენ ამ ინფორმაციას ამოვიღებთ და როცა მოგვარების ეტაპზე გადავალთ, მივმართავთ იმ ადამიანებს, რომლებიც უფლებამოსილი არიან აღმოფხვრან ეს შავი წერტილები“, - ამბობს ირაკლი იზორია.

ორგანიზაციის ინფორმაციით, საქართველოს გზებზე ავტო ავარიის შედეგად, 2012 წელს საქართველოში 605 ადამიანი დაიღუპა და 7734 დაშავდა. ირაკლი იზორია ამბობს, რომ იმ რეგიონებს შორის, სადაც ყველაზე მეტი ავტოსაგზაო შემთხვევა ხდება, სამცხე-ჯავახეთის მესამე ადგილზეა: „ანუ სადაც სიკვდილიანობა და დაშავებულების რაოდენობა არის ძალიან მაღალი. ეს გამოწვეულია გზებზე არსებული სიტუაციით, არასწორად დამონტაჟებული საგზაო ნიშნებით, ქცევის კულტურით, რომელიც მოსახლეობას გააჩნია. სტატისტიკური მონაცემებით თუ ვიმსჯელებთ, ნამდვილად ბევრი სამუშაოა ამ რეგიონში იმისთვის, რომ პრობლემა მოგვარდეს“.

ფონდი „პარტნიორობა საგზაო უსაფრთხოებისთვის“, 2006 წელს, საერთაშორისო საავტომობილო ფედერაციისა (FIA Foundation) და ადგილობრივი ორგანიზაციების მხარდაჭერით დაფუძნდა. ფონდი მიზნად ისახავს საგზაო უსაფრთხოების სფეროში არსებული პრობლემების გადაჭრას.

ავტოსაგზაო შემთხვევებით სამცხე-ჯავახეთი მესამე ადგილზეა

[თამარ თოთაძე, ახალციხე]


24.01.2020 რა გზით შეუძლიათ პედაგოგებს გამოცდაზე დაკლებული 5 კრედიტქულის შევსება

22.01.2020 სამცხე-ჯავახეთის საჯარო სკოლებში 39 ვაკანტური ადგილია

20.01.2020 სამცხე-ჯავახეთში პრაქტიკოსი მასწავლებლის სტატუსი 2 716 პედაგოგს აქვს

15.01.2020 საჯარო სკოლებში სწავლა განახლდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

24.01.2020 ასპინძაში სახალხო დღესასწაული ‘ასპინძობა’ პირველად ჩატარდება

24.01.2020 ბორჯომის მხარეთმცოდნეობის მუზეუმს რეაბილიტაცია ჩაუტარდება

24.01.2020 კოხტა-პლატოს სასრიალო ტრასა გაიხსნა

24.01.2020 მესხეთის ქუჩიდან სამშენებლო ნარჩენები გაიტანეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

12.12.2019 არყის გამოხდა ხალხური მეთოდით სოფელ ხერთვისში [ფოტო/ვიდეო]

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

მსგავს თემაზე

შსს საგზაო მოძრაობის უსაფრთხოების პროგრამას იწყებს
შსს-ს ინფორმაციით, 2016 წელს ავტოსაგზაო შემთხვევებს 581 ადამიანი ემსხვერპლა
კვირის აქცენტი: ავტოსაგზაო შემთხვევები და საგზაო უსაფრთხოება [ვიდეო]

“შენი გულისთვის, შენი უსაფრთხოებისთვის” –  აქცია ახალციხეში [Photo]
‘გაუფრთხილდი სიცოცხლეს, შეანელე!’ – საგზაო უსაფრთხოების გლობალური კვირეული
კონკურსი სკოლებში საგზაო მოძრაობის უსაფრთხოების თემაზე
ამოქმედდა თუ არა მართვის მოწმობის 100 ქულიანი სისტემა – შსს–ს განმარტებები