FM97.5 / LIVE

'ნანა დემეტრაშვილმა 20 წელი გაუძლო ინტრიგებს' - მესხეთში რეჟისორის შემოქმედება გაიხსენეს

მთავარისაზოგადოება 26.04.2014
მესხეთის თეატრის ფოიეში, ნანა დემეტრაშვილის საიუბილეო დღეების ფარგლებში, მისი შემოქმედების ამსახველი ფოტოები, პუბლიკაციები და სასცენო დეკორაციები გამოიფინა და მისი მოღვაწეობის შესახებ წიგნის პრეზენტაცია გაიმართა.

'ნანა დემეტრაშვილმა 20 წელი გაუძლო ინტრიგებს' - მესხეთში რეჟისორის შემოქმედება გაიხსენეს
მესხეთის (ახალციხის) პროფესიული სახელმწიფო თეატრის ფოიეში გამოფენილ სპექტაკლების ფოტოებს, საგაზეთო პუბლიკაციებს, კოლეგებთან და მუშაობის პერიოდში გადაღებული ფოტოებსა და ნანა დემეტრაშვილის მიერ დადგმული პიესების სასცენო დეკორაციებს ერთი რამ აერთიანებდა, ყველა მათგანი იმ პერიოდიდან იყო, რა პერიოდშიც ნანა დემეტრაშვილი მესხეთში მოღვაწეობდა.

ნანა დემეტრაშვილის ქალიშვილი, ანა ნიკოლაშვილი, რომელიც საიუბილეო დღეების ავტორი და სულისჩამდგმელია, ამბობს, რომ ეს მხოლოდ მცირე ნაწილია იმ დიდი და საინტერესო არქივიდან, რაც ნანა დემეტრაშვილმა დატოვა და რაც მას მესხეთთან აკავშირებს.

„იმდენად საინტერესო მასალები აღმოვაჩინეთ საორგანიზაციო პერიოდში, ძნელი იყო შერჩევა. შევეცადეთ მაქსიმალურად წარმოგვეჩინა ყველაფერი“, - ამბობს იგი.

'ნანა დემეტრაშვილმა 20 წელი გაუძლო ინტრიგებს' - მესხეთში რეჟისორის შემოქმედება გაიხსენეს

გამოფენის პარალელურად, თეატრის ფოიეში ნანა დემეტრაშვილის მოღვაწეობის შესახებ ნინო ჩხიკვიშვილის წიგნის - „მესხური ოდისეა“, პრეზენტაცია გაიმართა. ავტორი ამბობს, რომ წიგნის დაწერის იდეა ნანა დემეტრაშვილის სიცოცხლის პერიოდშივე გაუჩნდა.

„ცუდად რომ იყო, მითხრა, აუცილებლად გამოვჯანმრთელდები და წიგნისთვის საარქივო მასალებს მესხეთიდან მე თვითონ ჩამოგიტანო. საოცრად ოპტიმისტი იყო. არქივის ჩამოტანა მის ქალიშვილს მოუწია“, - იხსენებს ნინო ჩხიკვიშვილი.

წიგნში ნანა დემეტრაშვილის ცხოვრებასა და შემოქმედებაზე მოგვითხრობს. აქვეა პირადი მიმოწერები, მაყურებელთა შთაბეჭდილებები, მათი მადლობის წერილები, ლექსები და ჩანახატები...

გამოფენის სტუმრები მთელი საღამოს განმავლობაში იხსენებდნენ ნანა დემეტრაშვილს.

„ნანა დემეტრაშვილს ყოველდღე სჭირდება გახსენება, რადგან მან შექმნა არაჩვეულებრივი თეატრი. მას ყოველთვის გავაჯიბრებ ნებისმიერ გმირს, იმ პირობებში თეატრის შექმნა ძალიან რთული იყო“, - ამბობს საქართველოს კინოსა და თეატრის მსახიობი ნოდარ მგალობლიშვილი და ამატებს, რომ მესხეთში უცილებლად უნდა იყოს მისი სახელობის თეატრი და ქუჩა.

„20 წელი არცერთ ახალშექმნილ თეატრს და ხელმღვანელს არ უმოღვაწია. ამდენი ხანი გაუძლო ინტრიგებს, სხვადასხვა წინააღმდეგობებს, პრობლემებს, ასეთი რამ ძალიან იშვიათად ხდება“, - ამბობს ნოდარ მგალობლიშვილი.

შეგახსენებთ, მესხეთში ნანა დემეტრაშვილის საიუბილეო დღეები დღეს, 26 აპრილს, მემორიალური დაფის გახსნით დაიწყო.

'ნანა დემეტრაშვილმა 20 წელი გაუძლო ინტრიგებს' - მესხეთში რეჟისორის შემოქმედება გაიხსენეს

[მანანა სარაშვილი, ახალციხე]


14.08.2020 სკოლებში სწავლა 15 სექტემბერს დაიწყება

14.08.2020 განათლების სამინისტრომ სკოლებისთვის ახალი რეკომენდაციები შეიმუშავა

12.08.2020 ნინოწმინდაში 3 მლნ ლარად სკოლის რეაბილიტაცია იგეგმება

12.08.2020 ‘შეიძლება რისკი შეექმნას სექტემბერში სწავლის დაწყებას’ – ეკატერინე ტიკარაძე

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

13.08.2020 რუსთაველის ქუჩაზე საკანალიზაციო სისტემა გაწმინდეს

13.08.2020 ავტომობილების განბაჟება 2021 წლის მარტამდე გადავადდება – გახარია

12.08.2020 მარაკანას სტადიონი 'დევნილთა დასახლებას'

12.08.2020 ‘სტადიონი ამორტიზებულია’ – ‘ბორჯომი’ ლიგის საშინაო მატჩებს მცხეთაში გამართავს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

12.08.2020 სიმტკიცე და სიმაგრე ციხე–ქალაქ თმოგვისა [აუდიო]

03.08.2020 სამი ციხის ისტორია

29.07.2020 მესხების მუსხი [აუდიო]

28.07.2020 წადი ამ ზაფხულს ზააბახას

მსგავს თემაზე

ახალციხეში ნანა დემეტრაშვილის საიუბილეო დღეები დაიწყო
ნანა დემეტრაშვილის საიუბილეო დღეების ღონისძიებათა განრიგი
რას ნახავს მაყურებელი ნანა დემეტრაშვილის საიუბილეო დღეებზე
ნანა დემეტრაშვილის საიუბილეო დღეების პირველი დღე დასრულდა
მესხეთის თეატრს შესაძლოა სახელწოდება შეეცვალოს
გამოფენა, სპექტაკლები, სტუმრები, ფეიერვერკი - ქართული თეატრის დღე მესხეთში აღნიშნეს
მესხეთის თეატრი 140 წლის იუბილეს ზეიმობს