FM97.5 / LIVE

დედამიწის დღე ახალციხეში ერთი დღის დაგვიანებით აღნიშნეს

მთავარისაზოგადოება 23.04.2014
რა არის კლიმატის ცვლილება; რატომ არის დედამიწაზე დღეს ისეთი პირობები, როგორიც არის და რა როლი ეკისრება თითოეულ ადამიანს დედამიწის გადარჩენაში - ახალციხეში დედამიწის დღე, 22-ის ნაცვლად, 23 აპრილს აღნიშნეს.

დედამიწის დღე ახალციხეში ერთი დღის დაგვიანებით აღნიშნეს
შეხვედრა „ახალციხის დემოკრატიული ჩართულობის ცენტრში", ცენტრის ორგანიზებით მოეწყო. საკითხზე ახალციხის პირველი და მეექვსე საჯარო სკოლის „ეკო კლუბის“ წევრებმა და „საზოგადოებრივი განვითარების ახალციხის ცენტრის“ ხელმძღვანელმა ნუგზარ თათეშვილმა იმსჯელეს.

„სკოლის მოსწავლეები, ეს ზუსტად ის კარგი სამიზნე ჯგუფია, ვისთან ერთადაც მეტი უნდა ვიმუშავოთ. მსოფლიოს უდიდესი მოსახლეობა ამ პრობლემით არის შეწუხებული, ყველა ამაზე საუბრობს, მაგრამ რეალურად ძალიან ცოტამ თუ იცის რა არის კლიმატის ცვლილება“, - ამბობს ნუგზარ თათეშვილი.

შეხვედრაზე აჩვენეს დოკუმენტური ფილმი, სახელწოდებით „სახლი“.

„ეს ფილმი გადაღებულია კლიმატის ცვლილებებზე და იმაზე, თუ როგორი იყო დედამიწა რამდენიმე საუკუნის წინ, როგორ იცვალა ადამიანების მიერ ბუნებაში ჩარევით სახე და რა მდგომარეობა გვაქვს დღეს“, - განმარტავს თათეშვილი.

მსოფლიოში დედამიწის დღე პირველად 1970 წელს აღინიშნა. ამ დღის დაარსების ინიციატივა ამერიკელი გარემოსდამცველის, სენატორ გეილორდ ნელსონის სახელს უკავშირდება. ეს დღე გეოლორდ ნელსონმა 1970 წელს, მას შემდეგ დააარსა, როცა სანტა ბარბარას საბადოდან ნავთობი დაიღვარა, რამაც ოკეანის დაბინძურება და წყლის ბინადართა განადგურება გამოიწვია. მისი მოწოდებით მაშინ 20 მილიონი ამერიკელი გამოვიდა დედამიწის დასაცავად.

დედამიწის დღე მსოფლიოში ერთ-ერთი ყველაზე მასშტაბური გარემოსდაცვითი ღონისძიებაა. ყოველი წლის 22 აპრილს, სხვადასხვა ღონისძიებაში 195-ზე მეტი ქვეყნის 20 ათასამდე ორგანიზაცია და მილიონობით მოხალისე, დედამიწაზე გარემოს გაუმჯობესების მიზნით მონაწილეობს. საქართველო 1990 წლიდან შეუერთდა იმ ქვეყნების რიცხვს, სადაც დედამიწის დღე აღინიშნება.

დედამიწის დღე ახალციხეში ერთი დღის დაგვიანებით აღნიშნეს

[თამარ თოთაძე, ახალციხე]


01.06.2020 'აბიტურიენტებისთვის გამოცდები სრულიად უსაფრთხოდ ჩატარდება' – ტიკარაძე

30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.06.2020 ‘გაუშვეს რატომღაც ერთი ტესტის საფუძველზე, მეორე იყო სუსტად დადებითი’ - გამყრელიძე ნინოწმინდელ კაცზე

03.06.2020 ‘ეს არ არის დადასტურებული’ - მარინა ეზუგბაია ნინოწმინდის შემთხვევაზე

03.06.2020 300-ზე მეტი ფერმერი სასოფლო-სამეურნეო ტექნიკას თანადაფინანსებით შეიძენს

03.06.2020 ‘კარანტინიდან დაბრუნებულ კაცს დაახლოებით 100 ადამიანთან ჰქონდა კონტაქტი’ – მერის წარმომადგენელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

22 აპრილს, დედამიწის დღეს, ახალციხე არ შეუერთდება
22 აპრილი დედამიწის საერთაშორისო დღეა
22 აპრილი დედამიწის საერთაშორისო დღეა
დასუფთავების მასშტაბური აქცია სამცხე–ჯავახეთში დედამიწის დღეს
ახალციხეში დედამიწის დღე აღნიშნეს
ბორჯომში „დედამიწის საათს“ აღნიშნავენ
საქართველოში ‘კლიმატის ცვლილებების კვირეული’ მიმდინარეობს