"სამხრეთის კარიბჭე"–FM97.5 / LIVE

ახალციხეში ბავშვთა ფეხბურთის განვითარებაზე იმსჯელეს

მთავარისაზოგადოება 11.07.2012
საქართველოს ფეხბურთის ფედერაციის წარმომადგენლები დღეს რეგიონის ფეხბურთის ფედერაციის პრეზიდენტს გელა მაისურაძეს, მწვრთნელებს, გუნდისა და საფეხბუთო კლუბის წარმომადგენლებს შეხვდნენ და საფეხბურთო სკოლების სპორტსკოლისგან გამოყოფისა და ლიცენზირების საკითხებზე იმსჯელეს

ახალციხეში ბავშვთა ფეხბურთის განვითარებაზე იმსჯელეს

შეხვედრის ინიციატორი რეგიონის ფეხბურთის ფედერაციის პრეზიდენტი გელა მაისურაძე იყო. მისი თქმით, ფედერაციის წარმომადგენლების ვიზიტის მიზანი იურიდიული საკითხების მოგვარებაა.

- ”თითქმის ყველა რეგიონში გამოსწორდა მდგომარეობა და ჩამოყალიბდა საფეხბურთო კლუბები. აუცილებელია სკოლები ფედერაციაში გაწევრიანდნენ, რადგან ჩვენ არ გაგვაჩნია მათი კონტროლის ბერკეტი და შესაბამისად იურიდიულად გვეზღუდება მათი დახმარების უფლება”, - ამბობს გელა მაისურაძე.

შეხვედრაზე ბავშვთა ფეხბურთის განვითარებაზეც ისაუბრეს.

საქართველოს ფეხბურთის ფედერაციის იურიდიული განყოფილების უფროსმა კესო ჩხიკვაძემ განაცხადა, რომ აუცილებელია მოხდეს საფეხბურთო სკოლების ლიცენზირება. ამისათვის, სკოლას გარკვეული დოკუმენტაციის შეგროვება დასჭირდება. მათ უნდა ჰქონდეთ ამონაწერი სამეწარმეო რეესტრიდან, რომ ნამდვილად არსებობენ, აქვთ წესდება, რომელიც მიმართულია ფეხბურთის განვითარებაზე, აქვთ შესაბამისი მატერიალური ბაზა და ა.შ.

- ”აგრეთვე, ის, რომ აღიარებს ფეხბურთის ფედერაციას, ფიფასა და უეფას დებულებებს და აქედან გამომდინარე, შემოდის იმ დიდ საერთაშორისო დონის ორგანიზაციის სივრცეში რომელსაც ფიფა და უეფა ქვია. მათი ერთადერთი ლეგიტიმური ორგანიზაცია საქართველოში კი არის საქართველოს ფეხბურთის ფედერაცია”, - ამბობს კესო ჩხიკვაძე.

შეხვედრას რეგიონის ყველა მუნიციპალიტეტის საფეხბურთო კლუბების, გუნდებისა და სკოლების წარმომადგენლები დაესწრნენ. მათი თქმით, აუცილებელია საფეხბურთო სკოლები სპორტსკოლას გამოეყოს, ეს ხელს შეუწყობს ფეხბურთის განვითარებას რეგიონში.

- ”მეტი ყურადღება უნდა მიექცეს ბავშვთა ფეხბურთს, იმსათვის რომ კარგი შედეგი მივიღოთ და ის არ დაგვემართოს, რაც ”მესხეთს” დაემართა. მისი დაშლის ერთ-ერთი მიზეზი ისიც იყო, რომ ადგილობრივი კადრები არ ჰყავდათ”, - განაცხადა საფეხბურთო კლუბის ”ვარძიის” პრეზიდენტმა პავლე ფოცხვერაშვილმა.

შეხვედრას, რომელიც ”დემოკრატიული ჩართულობის ცენტრში” ჩატარდა, სამცხე-ჯავახეთის ახალდანიშნული გუბერნატორი, ივანე წიკლაურიც უნდა დასწრებოდა. თუმცა, იგი მხოლოდ დისკუსიის დასასრულს გამოჩნდა, ფეხბურთის კლუბებისა და გუნდების წევრებს დახმარებას დაჰპირდა, ჟურნალისტებთან კი კომენტარი არ გააკეთა.

[თინათინ ზაზაძე, ახალციხე]


27.03.2017 რა ეტაპზეა პირველ სკოლაში სარემონტო სამუშაოები

27.03.2017 ინტელექტუალური თამაშში – ‘საბა’, პირველობა მეხუთე სკოლას ერგო

27.03.2017 პროფესიულ პროგრამებზე რეგისტრაცია დაიწყო

23.03.2017 მოხის საჯარო სკოლის საქმეზე EMC შიდა აუდიტის დასკვნას ასაჩივრებს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

28.03.2017 ნინოწმინდის გამგეობამ მისალოცი ტექსტი შეასწორა

28.03.2017 ნინოწმინდის გამგეობა, უვიზო რეჟიმის ნაცვლად, ასოცირების ხელმოწერას გვილოცავს [Photo]

28.03.2017 საქართველოში პოლიეთილენის პარკების მოხმარება შეიზღუდება

28.03.2017 ბორჯომში შშმ პირებისათვის დღის ცენტრი გაიხსნება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

23.03.2017 ბერძნების სოფელი ახალციხეში [Video]

17.03.2017 Жизнь продолжается [Audio]

06.03.2017 "სოხუმი" სოფელ ზემო ენთელში [Video/Photo]

24.02.2017 'ეს სოფელი ყველაფერს მოწყვეტილია' [Video]

მსგავს თემაზე

სამცხე–ჯავახეთის ფეხბურთის ფედერაციაში  საპრეზიდენტო არჩევნებისთვის ემზადებიან
საფეხბურთო კლუბ ‘მესხეთს’  დაშლა ემუქრება
ახალციხეში მინი–ფეხბურთის ტურნირი იწყება
‘მესხეთმა ‘ რეგიონულ ლიგაში თამაში დაიწყო
"თაობა მაXიმუმი": პრობლემები ფეხბურთის აკადემია "მესხეთში" [Audio]
ფეხბურთის მატჩები დიდ ეკრანზე
ახალციხის ცენტრალურ სტადიონს სტატუსი ეცვლება