FM97.5 / LIVE

პროკურატურა ადიგენის ყოფილ გამგებელს ბრალს ვერ უსაბუთებს?

მთავარისამართალი 04.04.2014
28 იანვრიდან 4 აპრილამდე, პროკურატურა, ადიგენის მუნიციპალიტეტის ყოფილი გამგებლის სიმონ პარუნაშვილის სასამართლო პროცესზე, საბოლოო სიტყვის წასაკითხად ვერ მოემზადა;

პროკურატურა ადიგენის ყოფილ გამგებელს ბრალს ვერ უსაბუთებს?

პროკურორის რევაზ მამადაშვილის ნაცვლად, სასამართლო პროცესზე, ისევე როგორც წინა სხდომაზე, დღესაც, 4 აპრილსაც, სხვა პროკურორი, ელიზავეტა დურგლიშვილი გამოცხადდა.

მამადაშვილის გამოუცხადებლობის მიზეზად, მის ნაცვლად სხდომაზე მოსულმა პროკურორმა, ამჯერადაც იგივე მიზეზი დაასახელა: „ბატონი რეზო თბილისში გამოიძახეს, სულ ახლახანს გახდა ჩემთვის ცნობილი, რომ საქმეში უნდა ჩავრთულიყავი“.

დურგლიშვილმა პროცესის გადადებისთვის გონივრული ვადა მოითხოვა: „პროცესი 2 კვირით მაინც უნდა გადავდოთ“.

მამადაშვილის პროცესზე გამოუცხადებლობამ დაცვის მხარის გაღიზიანება გამოიწვია.

„ეს პროკურატურის მხრიდან საბოტაჟია! პროკურატურა ჩიხში შევიდა, არ იციან ბრალი როგორ დაასაბუთონ. კიდევ რამდენი პროკურორი შეიძლება მოვიდეს?! თუ დასაჭერები არიან, დაიჭირეთ, დავიღალეთ!“ - განაცხადა სასამართლო დარბაზში ადვოკატმა ივანე ტატალაშვილმა.
პროკურატურა რომ ბრალს ვერ ასაბუთებს, ამაზე ადვოკატმა ეკა აბაშიძემაც ისაუბრა: „ყველაზე გონივრული იქნება, თუ პროკურატურა ბრალდებაზე იტყვის უარს“.

მოსამართლე გიორგი ლონდარიძის კითხვაზე, ელიზავეტა დურგლიშვილი მომავალ პროცესზე საბოლოო სიტყვის წასაკითხად თვითონ მოემზადება თუ „ისევ მამადაშვილი დაიბარებს რამეს“, პროკურორმა უპასუხა: „ვერ გეტყვით ბატონო მოსამართლევ“.

მომავალი სასამართლო პროცესი 16 აპრილს 15:00 საათზე ჩაინიშნა. თუმცა ადიგენის მაჟორიტარი დეპუტატი „ნაციონალური მოძრაობიდან“ ზურაბ ჩილინგარიშვილი დარწმუნებულია, რომ პროკურატურა საბოლოო სიტყვას ვერც 16 აპრილს წაიკითხავს: „არ ვიცით კიდევ რამდენი პროკურორი უნდა მოვიდეს. ცდილობენ ეს პროცესი არჩევნებამდე გააჭიანურონ, რადგან იციან რომ ადიგენში სიმონ პარუნაშვილი კენჭს იყრის“.

სასამართლოდან გამოსვლის შემდეგ დაცვის მხარის წარმომადგენლებს პროკურორი რევაზ მამადაშვილი, რომელიც დურგლიშვილის განცხადებით დღეს თბილისში გამოიძახეს, ქუჩაში შეხვდათ. სიმონ პარუნაშვილმა მას ფოტო გადაუღო და ფეისბუქის გვერდზე გაავრცელა. ფოტო ახალციხის ცენტრში, ცენტრალურ პარკთანაა გადაღებული.

იმის გადასამოწმებლად, რატომ ვერ გამოცხადდა დღეს მამადაშვილი პროცესზე, მას „სამხრეთის კარიბჭე“ ტელეფონით დაუკავშირდა. კითხვაზე დღეს ის ნამდვილად იმყოფება თუ არა ქალაქში, გვიპასუხა: „ეს კორპორაციული საკითხია და ვერ გიპასუხებთ“.
რაც შეეხება კითხვას, იგი ნამდვილად შეხვდა თუ არა პარუნაშვილს ქუჩაში გვიპასუხა: „ეს თავად მას ჰკითხეთ“ და ტელეფონი გაგვითიშა.

ადვოკატის ივანე ტატალაშვილის განცხადებით, მას მამადაშვილი ქუჩაში იმ წინა პროცესის დასრულების შემდეგაც შეხვდა, როცა ვითომ თბილისში გამოძახების გამო სასამართლოში ვერ გამოცხადდა. „მითხრა მე პაიკი ვარ, რასაც ზემოთ გადაწყვეტენ, მე იმას ვასრულებო“, - განაცხადა ტატალაშვილმა დღეს სასამართლო დარბაზში.

პროკურატურა ადიგენის ყოფილ გამგებელს ბრალს ვერ უსაბუთებს?
რევაზ მამადაშვილი, სიმონ პარუნაშვილის გადაღებული ფოტო
[თამუნა უჩიძე, ახალციხე]


08.07.2020 ეროვნულ გამოცდაზე 10 აბიტურიენტი არ გამოცხადდა

06.07.2020 ‘საშუალო სირთულის ტესტი იყო’ - პირველი გამოცდა დასრულდა

06.07.2020 ახალციხის საგამოცდო ცენტრში 7 აბიტურიენტი არ გამოცხადდა

06.07.2020 ერთიანი ეროვნული გამოცდები დაიწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.07.2020 პროტესტი სათხეში – რატომ გადაკეტეს გზა ადგილობრივებმა

06.07.2020 რატომ ვერ შენდება აბასთუმანში ავტოსადგომი - 9 მილიონიანი ტენდერი მესამედ გამოცხადდა

06.07.2020 ახალციხის 4 სოფელში სტიქიის მიერ მიყენებულ ზარალს ითვლიან

06.07.2020 'გამოსხივების გამო ცუდად ვხდებით' – ბოლაჯურში მაგთის ანძის გადატანას ითხოვენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

რატომ არ წაიკითხა პროკურორმა საბოლოო სიტყვა ადიგენის ყოფილი გამგებლის სასამართლო პროცესზე?
ორი ჩავარდნილი პროცესის შემდეგ, ადიგენის გამგებლის პროცესზე პროკურორი საბოლოო სიტყვას კითხულობს
პროკურორი რევაზ მამადაშვილი გარდაიცვალა
ვინ ჩაანაცვლებს რევაზ მამადაშვილს პროკურატურაში?
ახალციხის ყოფილი გამგებლის პროცესზე პროკურორი მეოთხედ შეიცვალა
ადიგენის გამგებელს 3000 ლარის ოდენობის გირაო დააკისრეს
პროკურორის საბოლოო სიტყვა ადიგენის გამგებლის საქმეზე