FM97.5 / LIVE

თვითმმართველი ქალაქი და ოთხი მუნიციპალიტეტი - ახალციხის მუნიციპალიტეტი ოპტიმიზაციის შემდეგ

მთავარიპოლიტიკა 18.03.2014
მას შემდეგ, რაც ახალციხე თვითმმართველი ქალაქი გახდება, მის გაერთიანებაში შევა სოფლები: მინაძე, ჭაჭარაქი, ივლიტა და ღრელი, დანარჩენი სოფლები კი ოთხ მუნიციპალიტეტში გაერთიანდება: აწყურის, ვალის, ურაველისა და წყრუთის.

თვითმმართველი ქალაქი და ოთხი მუნიციპალიტეტი - ახალციხის მუნიციპალიტეტი ოპტიმიზაციის შემდეგ
ახალციხის მუნიციპალიტეტის გამგებლის მოადგილის მალხაზ ჟუჟუნაძის განმარტებით, საქართველოში არსებული მუნიციპალიტეტები თავისი სიდიდით ევროპაში მეორე ან მესამე ადგილზეა, ამდენად, ეფექტურად რომ მოხდეს მართვა, მუნიციპალიტეტის ოპტიმიზაციაა გათვალისწინებული.

ოპტიმიზაციის შედეგად ამჟამინდელი ახალციხის მუნიციპალიტეტი თვითმმართველ ქალაქად და ოთხ მუნიციპალიტეტად დაიყოფა. 47 სოფლიდან 4: მინაძე, ჭაჭარაქი, ივლიტა და ღრელი რომლის შემადგენლობაშია საფარის მონასტერი, ახალციხის შემადგენლობაში იქნება, დანარჩენი 43 სოფელი კი აწყურის, ვალის, ურაველისა და წყრუთის მუნიციპალიტეტებში გაერთიანდება.

„აწყურის მუნიციპალიტეტში შევა: აწყურის, აგარის, ფერსისა და კლდის საკრებულო; ვალის მუნიციპალიტეტში გაერთიანდება: ქალაქ ვალის, საძელის, პამაჯის, სხვილისისა და წყალთბილის საკრებულო. ერთი გამონაკლისი იქნება ამ შემთხვევაში, სოფელი ივლიტა, რომელიც სხვილისის საკრებულოში შედის და ახალციხეს შეუერთდება. რაც შეეხება ურაველის მუნიციპალიტეტს, აქ შევა ურაველისა და ანდრიაწმინდის საკრებულო. წყრუთის მუნიციპალიტეტში შევა წყრუთის, ელიაწმინდისა და სვირის საკრებულოები“, - გვიხსნის მალხაზ ჟუჟუნაძე.

მისივე თქმით, მოესწრება თუ არა ეს დაყოფა ადგილობრივი თვითმმართველობის არჩევნებამდე, ჯერ უცნობია.

„ეს არის ჯერ მხოლოდ რეკომენდაცია. სამინისტროდან ჩამოვლენ, მოსახლეობას შეხვდებიან, მათთან ერთად განიხილავენ ამ საკითხს. მოსახლეობასთან განხილვის გარეშე ამ გადაწყვეტილებას არ მიიღებენ“, - ამბობს ჟუჟუნაძე.

აღნიშნულთან დაკავშირებით, საქართველოს რეგიონული განვითარებისა და ინფრასტრუქტურის სამინისტროსა და მთავრობის კანცელარიის წარმომადგენლები ახალციხის მუნიციპალიტეტში ვიზიტს ხვალ, 19 მარტს გეგმავდნენ, თუმცა, შეხვედრა გადაიდო. როდის ესტუმრებიან ცენტრალური ხელისუფლების წარმომადგენლები ახალციხის მუნიციპალიტეტს, გამგეობაში ჯერ ინფორმაცია არ აქვთ.

[თამარ თოთაძე, ახალციხე]


11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

10.07.2020 ეროვნულ გამოცდაზე გასულ აბიტურიენტს კორონავირუსი დაუდასტურდა

09.07.2020 ახალციხეში უფროსი, წამყვანი და მენტორის სტატუსის მქონე პედაგოგებს სერტიფიკატები გადასცეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

11.07.2020 კომპენსაციის მიმღებ პირთა წრე კიდევ გაფართოვდა - შემოსავლების სამსახური

11.07.2020 ‘4 თვეა შემოსავლის გარეშე ვართ’ – პანდემიის გამო საქორწილო ბიზნესი მნიშვნელოვნად დაზარალდა

11.07.2020 11 ივლისს საქართველოში წვიმა და სეტყვაა მოსალოდნელი

10.07.2020 ბესიკ ამირანაშვილი ადგილობრივებს: 'ხვალ დილით მწყემსები დატოვებენ მთას' [ვიდეო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

სად ვის ავირჩევთ მომავალ არჩევნებზე
ახალციხის მუნიციპალიტეტში ქონების გაყოფისთვის ემზადებიან
ახალციხის მერიამ 63 თანამშრომლის შესარჩევად კონკურსი გამოაცხადა
ფეხბურთში მუნიციპალიტეტის პირველობისთვის, აწყურის და მუგარეთის გუნდები იბრძოლებენ
ახალციხის საკრებულოში 18–ვე მაჟორიტარი 'ოცნებიდან' იქნება
გამგებელი სოფლის რწმუნებულებს ნიშნავს
ფეხბურთის ტურნირში პირველობა აწყურის გუნდმა მოიპოვა