სამხრეთის კარიბჭე. FM97.5 / LIVE

20 ოქრო და 25 ვერცხლი - ახალციხეში წარჩინებული მოსწავლეები დააჯილდოვეს

მთავარისაზოგადოება » განათლება 05.03.2014
ახალციხის მუნიციპალიტეტის სკოლების 45 წარჩინებული კურსდამთავრებული განათლების სამინისტრომ ოქროსა და ვერცხლის მედლებით ადგილობრივმა თვითმმართველობამ კი სიმბოლური საჩუქრებით დააჯილდოვა.

20 ოქრო და 25 ვერცხლი - ახალციხეში წარჩინებული მოსწავლეები დააჯილდოვეს

2012 -2013 სასწავლო წლის კურსდამთავრებულებს სახელობითი მედლები დღეს, 5 მარტს გადასცეს. წარჩინებულების დაჯილდოების ცერემონია, ახალციხის საგანმანათლებლო რესურსცენტრის ორგანიზებით, ახალციხის მუნიციპალიტეტის გამგეობის შენობაში შედგა. კურსდამთავრებულებს ოქროს და ვერცხლის მედლები ახალციხის მუნიციპალიტეტის საგანმანათლებლო რესურსცენტრის ხელმძღვანელმა ხათუნა ხმალაძემ გადასცა.

წარჩინებული მოსწავლეები დააჯილდოვა ახალციხის გამგეობამაც. კურსდამთავრებულებს თვითმმართველობისგან გადაეცათ გამომცემლობა „კლიოს“ - „საქართვლოს 100 ღირსშესანიშნაობა“.

„ეს არის ყველაზე მნიშვნელოვანი მომენტი, როცა 12-წლიანი სწავლის შემდეგ შენი შრომა ფასდება. მადლობას ვუხდი ყველას: სკოლას, მასწავლებლებს, ჩემს მშობლებს“,- ასე გამოხატა ემოცია ვალეს პირველი საჯარო სკოლის კურსდამთავრებულმა ნანი მანველიშვილმა.

45 მედალოსნიდან 20-მა ოქროს მედალი მიიღო, დანარჩენებმა კი ვერცხლის.

მუნიციპალიტეტის მასშტაბით ყველაზე მეტი, 6 ოქროს მედალი, ვალის პირველ საჯარო სკოლას ერგო; 4 ოქროს მედალი მიიღო ახალციხის მეორე საჯარო სკოლამ; 3 ოქრო ერგოთ ვალის მეორე და ახალციხის მეექვსე საჯარო სკოლებს; 2 ოქროს მედალი მიიღო ახალციხის პირველმა საჯარო სკოლამ, და თითო-თითო ახალციხის მესამე (სომხურმა) საჯარო სკოლამ და ახალციხის კერძო სკოლა „მზექამ“.

ვერცხლის მედლების რაოდენობა კი ასე გადანაწილდა, ყველაზე მეტი, ექვს-ექვსი ვერცხლის მედალი მიიღეს ახალციხის პირველმა და მეხუთე საჯარო სკოლებმა; სამ-სამი - სოფელ ანისა და ახალციხის მეექვსე საჯარო სკოლებმა; ორ-ორი - სოფელ კლდის სკოლამ და კერძო სკოლა „მზექამ“ და თითო-თითო - ახალციხის მესამე, ვალის მესამე და აწყურის საჯარო სკოლებმა.

როგორც ახალციხის საგანმანათლებლო რესურსცენტრში აცხადებენ, წარჩინებული კურსდამთავრებულთა ოქროსა და ვერცხლის მედლებით დაჯილდოების პროგრამა ერთ-ერთია იმ პროგრამებსა და პროექტებს შორის, რომელსაც სამინისტრო მოსწავლეთა მოტივაციის ამაღლების მიზნით ახორციელებს. მედალოსან კანდიდატთა შერჩევის კრიტერიუმები ეროვნული სასწავლო გეგმით რეგულირდება.

[თინათინ ზაზაძე, ახალციხე]


15.02.2018 ახალციხის მერია სტუდენტებისთვის 1000–ლარიან სტიპენდიას აწესებს

15.02.2018 საატესტატო გამოცდები შეცვლილი ფორმატით ჩატარდება

14.02.2018 2018 წელს ასპინძის ექვს სკოლაში საპირფარეშოებს გაარემონტებენ

13.02.2018 სოფელ დვირში საბავშვო ბაღის აშენებას ითხოვენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

15.02.2018 ახალციხის მერია სტუდენტებისთვის 1000–ლარიან სტიპენდიას აწესებს

15.02.2018 საატესტატო გამოცდები შეცვლილი ფორმატით ჩატარდება

15.02.2018 ახალციხეს ის გერბი ექნება, რომელიც მუნიციპალიტეტს გაყოფამდე ჰქონდა

15.02.2018 ბაკურიანი 'სკი კროსში' საერთაშორისო შეჯიბრს უმასპინძლებს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

20.12.2017 სკოლა ერთ ოთახში, ხუთი მოსწავლით [Photo/Video]

11.09.2017 ხმა სოფლიდან: სოფელ განძას მკვიდრების გატაცება [Audio]

26.05.2017 ისტორიული სოფელი ცხრა კომლით [Video]

27.04.2017 სოფელი სარო ახალი სიცოცხლის მოლოდინში [Photo/Video]

მსგავს თემაზე

ახალციხეში 60–მა კურსდამთავრებულმა კუთვნილი მედალი მიიღო
ბორჯომში წარჩინებული კურსდამთავრებულები დაჯილდოვდნენ
ადიგენში წარჩინებული მოსწავლეები მედლებით დაჯილდოვდნენ
ახალციხელ წარჩინებულ მოსწავლეებს ოქროსა და ვერცხლის მედლები გადასცეს
წარჩინებულ ახალციხელ კურსდამთავრებულებს მედლებით დააჯილდოვებენ
მედალოსანი მოსწავლეები სამცხე–ჯავახეთიდან
ინტელექტუალურ შეჯიბრში ვალის პირველმა სკოლამ გაიმარჯვა