FM97.5 / LIVE

„უნიმედი სამცხეს“ მშობიარეებს თვითმმართველობის საჩუქრები არ შეხვდათ

მთავარისაზოგადოება 03.03.2014
დედის დღის აღსანიშნავად „უნიმედი სამცხეში“ მისული თვითმმართველობის თანამშრომლები დაცვამ შენობაში არ შეუშვა.

„უნიმედი სამცხეს“ მშობიარეებს თვითმმართველობის საჩუქრები არ შეხვდათ
ახალციხის სამედიცინო დაწესებულება „უნიმედი სამცხეში“ მისულ კულტურის სამსახურის თანამშრომლებს დაწესებულების უსაფრთხოების სამსახურმა განუმარტა, რომ ვიდრე ადმინისტრაციასგან ნებართვას არ აიღებდნენ, შენობაში ვერ შეუშვებდნენ.

„ოთხი დღის წინ შევუთანხმდით სამშობიარო განყოფილების უფროსს ვასილ ძინძიბაძეს, მაგრამ მაინც არ შეგვიშვეს“, - ამბობს ახალციხის მუნიციპალიტეტის გამგეობის განათლების, კულტურის, სპორტის, ძეგლთა დაცვისა და ახალგაზრდულ საქმეთა სამსახურის უფროსი კახა კოპაძე.

თვითმმართველობის თანამშრომლებს ვითარების გარკვევა აღარ უცდიათ.

„შეურაცხყოფილად ვიგრძენით თავი. გაუგებრობა მოხდა, არ ვიცი ვისი ბრალია“, -ამბობს კოპაძე.

ახალციხის სამედიცინო დაწესებულება „უნიმედი სამცხეს“ საზოგადოებასთან ურთერთობის სამსახურში განმარტავენ, რომ ეს უბრალოდ გაუგებრობა იყო. თვითმმართველობა დაწესებულების ხელმძღვანელობას უნდა შეთანხმებოდა და მსგავსი პრობლემა არ შეიქმნებოდა.

„როდესაც დაწესებულებაში სტუმრები მოდიან, ნებისმიერ შემთხვევაში უნდა დაუკავშირდნენ ხელმძღვანელობას, ან საზოგადოებასთან ურთიერთობის სამსახურს. დაცვამ უარი უთხრა იმიტომ, რომ უნდა გაერკვია ხელმძღვანელობასთან. ისინი განაწყენდნენ და უკან წამოვიდნენ. შეთანხმება უნდა მომხარიყო არა ექიმთან, არამედ დირექტორთან. მსგავსი აქტივობას აუცილებელია დაესწროს დირექტორი“,- ამბობს „უნიმედი სამცხეს“ საზოგადოებასთან ურთერთობის სამსახურის წარმომადგენელი თეო ლალიაშვილი.

ახალციხის მუნიციალიტეტის გამგეობის კულტურის სამსახურში ამბობენ, რომ დაწესებულებაში ასვლას აღარ გეგმავენ: „გადავწყვიტეთ გავარკვიოთ მშობიარეების მისამართები და სახლში მივუტანთ საჩუქრებს“.

შეგახსენებთ, დღეს, 3 მარტს, თვითმმართველობამ ახალშობილების დედებს დედის დღე ყვავილებითა და ჩვილების მოსავლელი ნივთების კომპლექტით მიულოცა. გაუგებრობის გამო საჩუქრები დღეს მხოლოდ კლინიკა „იმედის“ მშობიარეებმა მიიღეს.

[თინათინ ზაზაძე, ახალციხე]


03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.12.2019 5 დეკემბერს ახალციხეში დენი აღარ გაითიშება – 'ენერგო–პრო ჯორჯია'

04.12.2019 ახალციხის ცხრა სოფელს ახალი ამბულატორია ექნება

04.12.2019 მართლმადიდებლები ღვთისმშობლის ტაძრად მიყვანებას აღნიშნავენ

04.12.2019 5 დეკემბერს ახალციხეში დენი გაითიშება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

მსგავს თემაზე

„უნიმედი სამცხეს“ ექთნებს ტესტირება ჩაუტარდებათ
ახალციხის კულტურის სამსახურის უფროსი კახა კოპაძე გარდაიცვალა
„უნიმედი სამცხეს“ თანამშრომლები სამი თვის უხელფასობას აპროტესტებენ
ახალციხის სამედიცინო დაწესებულებას ახალი სპეციალისტები დაემატა [R]
ადგილობრივმა ხელისუფლებამ მშობიარეები დაასაჩუქრა
სხვა კლინიკაში მუშაობის გამო ‘უნიმედი სამცხედან’ ქირურგი გაათავისუფლეს
„უნიმედი სამცხეში“ საოპერაციოდ გამზადებულ პაციენტებს რამდენიმე საათი ალოდინეს