FM97.5 / LIVE

ახალციხის თვითმმართველობამ რელიგიის, განათლებისა და ტურიზმის მიმართულებით ინფორმაციის მოკვლევა დაიწყო

მთავარისაზოგადოება 04.02.2014
ახალციხის ადგილობრივი თვითმმართველობა მუნიციპალიტეტში არსებული ეკლესიების, კულტურის დაწესებულებებისა და სასტუმროების შესახებ მონაცემებს აგროვებს.

ახალციხის თვითმმართველობამ რელიგიის, განათლებისა და ტურიზმის მიმართულებით ინფორმაციის მოკვლევა დაიწყო
სამივე მიმართულებით ინფორმაციის მოძიება ახალციხის მუნიციპალიტეტის კულტურის სამსახურმა დღეს, 4 თებერვალს, სოფლის რწმუნებულებს დაავალა. მომზადებულია სპეციალური ანკეტებიც, რომელთა შესავსებად რწმუნებულებს ერთი კვირის ვადა აქვთ.

გამგეობის დაინტერესების საგანი ახლად აშენებული ეკლესიებია. მაგალითად, ანკეტაში, რომელიც XX საუკუნის მეორე ნახევარში აშენებულ ეკლესიებს ეხება, რწმუნებულებს შემდეგი მონაცემები აქვთ მოსაკვლევი: ახლად აშენებული ეკლესიის ადგილმდებარეობა და მიკუთვნებული სახელწოდება; ეკლესიის აშენების თარიღი და აქვთ თუ არა მშენებლობის შესახებ პროექტი. ცალკე გრაფა ეთმობა შენიშვნებს.

გაცილებით ვრცელი და მრავლისმომცველია ანკეტა განათლების მიმართულებით. ამ შემთხვევაში რწმუნებულებმა უნდა მოიძიონ ინფორმაცია კულტურის ყველა იმ დაწესებულების შესახებ, რაც მათ სოფელში ან თემში არსებობს, იქნება ეს: კულტურის სახლი, კლუბი, ბიბლიოთეკა, სკოლა თუ მუზეუმი. ასევე, უნდა აღწერონ შენობისა და ინვენტარის მდგომარეობა და უნდა მოიკვლიონ ინფორმაცია ამავე ტერიტორიაზე არსებული სპორტული ინფრასტრუქტურის შესახებ.

ცალკე გრაფა ეთმობა 17-დან 26 წლამდე ახალგაზრდებს. რწმუნებულებს ევალებათ გაარკვიონ ამ ასაკის რამდენი კაცი და რამდენი ქალი ცხოვრობს მათ სამოქმედო ტერიტორიაზე. სამოქალაქო განათლების ხელშეწყობის რა სახის ღონისძიებები ტარდება და ვის მიერ; სკოლის გარეშე განათლების რომელი წრეები და ჯგუფები არსებობს; რა კულტურული ღონისძიებები ტარდება და ვის მიერ და ასევე, რა არის წამყვანი სპორტული სახეობა ამ ტერიტორიაზე.

ნაკლებად ინფორმაციულია ანკეტა სასტუმროების შესახებ. ამ შემთხვევაში რწმუნებულებს ევალებათ სასტუმროს დასახელება, მისამართი, ტიპი და საკონტაქტო ინფორმაცია მოიძიონ.

ახალციხის მუნიციპალიტეტის გამგებელი ბესიკ ბლიაძე ამბობს, რომ ეს მონაცემები აქამდეც უნდა ყოფილიყო მოძიებული: „ეს ინფორმაცია დაგვეხმარება სხვადასხვა სახის ღონისძიებების სწორედ დაგეგმვაში, ტურიზმის განვითარებაში.
ინფორმაციის დონეზე ჩვენ აუცილებლად უნდა ვფლობდეთ ახალციხის მუნიციპალიტეტის სოფლებში სად რა ისტორიული ძეგლია, რამდენი საოჯახო სასტუმროა, რამდენი ახალგაზრდა ცხოვრობს და ა.შ“,- ამბობს ბლიაძე.

რწმუნებულებმა კითხვარები მომავალ კვირას უნდა მიიტანონ. აღნიშნული ინფორმაცია თავს ახალციხის მუნიციპალიტეტის კულტურისა და ძეგლთა დაცვის სამსახურში მოიყრის.

[მანანა სარაშვილი, ახალციხე]


23.09.2020 საფეხური: ბორჯომის ბაღებში სწავლის დაწყების ნებართვას ელოდებიან [აუდიო]

21.09.2020 სამცხე-ჯავახეთის 20 სკოლაში 25 ვაკანტური ადგილია

21.09.2020 ახალქალაქის 8 სოფელში მცირე ბიბლიოთეკები მოეწყო

18.09.2020 1046 სტუდენტი სწავლის გასაგრძელებლად სომხეთში დაბრუნდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

27.09.2020 მართლმადიდებელი ეკლესია ჯვართამაღლებას აღნიშნავს

27.09.2020 სოხუმის დაცემიდან 27 წელი გავიდა

26.09.2020 რუსთავთან ავარიისას დაშავებულ 6 წლის ბავშვს ნეიროქირურგიული ოპერაცია ჩაუტარდა

26.09.2020 ახალციხეში ავარიის შედეგად დაშავებული მძღოლის მდგომარეობა დამაკმაყოფილებელია

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

23.09.2020 SKამბები: 'მრავალგვაროვანი' კლდე [აუდიო]

22.09.2020 როცა მუდმივად ეძებ - ახალგაზრდა არქეოლოგი ახალციხიდან [ვიდეო]

16.09.2020 SKამბები: მიქელ თამარათი [აუდიო]

10.09.2020 SKამბები: უშახტოდ დარჩენილი მეორე შახტა [აუდიო]

მსგავს თემაზე

რა დაავალა თამარ გოგოლაძემ  სოფლის რწმუნებულებს
სოფლის რწმუნებულებს 'ნაგავსაყრელების' მოწესრიგება დაევალათ
რატომ მოსთხოვა გამგებელმა რწმუნებულებს მოხსენებითი ბარათების დაწერა
ახალციხეში ა ჰეპატიტის  გავრცელების ეშინიათ
გამგებელმა რწმუნებულებს შესრულებული სამუშაოს ანგარიში მოსთხოვა
ახალციხის ახალმა გამგებელმა რწმუნებულებს მოუსმინა
ახალციხის გამგებელმა რწმუნებულებს სოფლის კრებები დაუწუნა