FM97.5 / LIVE

სახალხო დამცველი უკანონო თვალთვალის ფაქტების გამოძიებას ითხოვს

მთავარისამართალი 28.01.2014
საქართველოს სახალხო დამცველი აცხადებს, რომ პირადი ცხოვრების ამსახველი ჩანაწერების განადგურების ერთჯერადი აქცია ვერ უზრუნველყოფს ადამიანის პირადი სივრცის ხელშეუხებლობისთვის მყარ სამართლებრივ გარანტიებს და ფარული თვალთვალის პრაქტიკის გამოძიების აუცილებლობაზე საუბრობს.

სახალხო დამცველი უკანონო თვალთვალის ფაქტების გამოძიებას ითხოვს
28 იანვარს მსოფლიო პერსონალური მონაცემების დაცვის საერთაშორისო დღეს აღნიშნავს. ამ დღესთან დაკავშირებით საქართველოს სახალხო დამცველი დადებითად აფასებს იმ ფაქტს, რომ 2013 წლის 5 სექტემბერს საქართველოს შინაგან საქმეთა სამინისტროში, პირადი ცხოვრების ამსახველი ფარული ფოტო და ვიდეო ჩანაწერების გარკვეული ნაწილი განადგურდა და ფარული თვალთვალის პრაქტიკის გამოძიების აუცილებლობას უსვამს ხაზს.

2013 წელს საქართველოს შინაგან საქმეთა სამინისტრომ განაცხადა, რომ მოქალაქეებზე უკანონო თვალთვალის შედეგად, მოიპოვებოდა ათასობით ვიდეო და ფოტო მასალა, მათ შორის პირადი ცხოვრების ამსახველი კადრები. საქართველოს მთავრობის დადგენილების საფუძველზე შეიქმნა „უკანონო მიყურადებისა და ფარული ჩანაწერების საკითხებზე მომუშავე დროებითი კომისია“, რომელშიც წევრის სტატუსით, საქართველოს სახალხო დამცველიცაა მიწვეული. საქართველოს სახალხო დამცველი მიიჩნევს, რომ ფარული ჩანაწერები არ უნდა განადგურდეს იმ ფორმით, რომ ხელი შეეშალოს გამოძიების ინტერესებს.

„უკანონოდ მოპოვებული, პირადი ცხოვრების ამსახველი ჩანაწერების განადგურების მსგავსი ერთჯერადი აქცია ვერ უზრუნველყოფს ადამიანის პირადი სივრცის ხელშეუხებლობისთვის მყარ სამართლებრივ გარანტიებს. აუცილებელია, სახელმწიფოს მხრიდან ადამიანის ამ ფუნდამენტური უფლების შელახვის ფაქტები ეფექტურად იქნეს გამოძიებული და დადგეს შესაბამისი პირების პასუხისმგებლობის საკითხი.

სახელმწიფოს მხრიდან ადამიანის უფლების დარღვევის ფაქტების აღიარება, დამნაშავე პირების გამოვლენა და დასჯა გახდება მსგავსი დარღვევების პრევენციის საფუძველი. მსგავსი დანაშაულის გამოუძიებლობა და მის ჩამდენ პირთა პასუხისმგებლობის გარეშე დატოვება, ხელს შეუწყობს დაუსჯელობის სინდრომის გაძლიერებას, რაც წლების განმავლობაში, ადამიანის უფლებათა სფეროში ერთ–ერთ გამოწვევას წარმოადგენდა. ამასთან, მნიშვნელოვანია, რომ დაბალი რანგის შემსრულებლებთან ერთად, გამოვლინდეს და დადგეს ორგანიზატორთა პასუხისმგებლობის საკითხი”, - ნათქვამია საქართველოს სახალხო დამცველის განცხადებაში.

განცხადების თანახმად, ფარული ჩანაწერების გამოძიებასთან დაკავშირებით მნიშვნელოვანია ადამიანის უფლებათა დაცვის საკითხებში ევროკავშირის სპეციალური წარმომადგენლის - თომას ჰამერბერგის მოსაზრება. მისი განცხადებით, აუცილებლად უნდა დაიწყოს გამოძიება იმ კადრებზე, რომელიც ადამიანის წამებას ასახავს და უნდა დადგეს წამებაში მონაწილე პირების პასუხისმგებლობის საკითხი. ამასთან, ჰამერბერგის რეკომენდაციით, პირადი ცხოვრების ამსახველი ფარული ჩანაწერების განადგურებისას დიდი სიფრთხილის გამოჩენაა საჭირო, რათა არ მოხდეს პირადი ცხოვრების ამსახველ მასალასთან ერთად, გამოძიებისთვის მნიშვნელოვანი ჩანაწერების განადგურება.

„როგორც ცნობილია, 2014 წლის 29 იანვარს ფარული ჩანაწერების საკითხებზე მომუშავე კომისიის მორიგი სხდომა გაიმართება. სახალხო დამცველი იმედს იტოვებს, რომ მიღებული იქნება გადაწყვეტილება სრულად იქნეს გამოძიებული უკანონო თვალთვალის ფაქტები. ამასთან, საქართველოს სახალხო დამცველი მოუწოდებს სამართალდამცავ ორგანოებს აწარმოონ სწრაფი და ეფექტიანი გამოძიება მოცემული დანაშაულებრივი ფაქტების გახსნის მიზნით“, - აცხადებს ომბუდსმენი.

[sknews.ge]


03.07.2020 რა უნდა გაითვალისწინონ აბიტურიენტებმა – გამოცდების ჩატარების წესები დაზუსტდა

02.07.2020 აბიტურიენტები PCR-ტესტირების ჩატარებას სამცხე–ჯავახეთის 3 კლინიკაში შეძლებენ

02.07.2020 როგორ უნდა აიმაღლოს პრაქტიკოსმა მასწავლებელმა სტატუსი

02.07.2020 გამოცდის მსვლელობისას აბიტურიენტს პირბადის გაკეთება არ მოუწევს - გიორგი გახარია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.07.2020 შაბათ–კვირას სამცხე–ჯავახეთში იწვიმებს

03.07.2020 ეროვნულ გამოცდებზე ბორჯომიდან ახალციხემდე აბიტურიენტები უფასოდ იმგზავრებენ

03.07.2020 ბაკურიანში ზაფხულის სეზონი 10 ივლისს გაიხსნება

03.07.2020 სამცხე-ჯავახეთის მუზეუმმა 11 დღეში 230 ვიზიტორი მიიღო

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

სახალხო დამცველმა სამართალდამცავებს წამზომი ჩაურთო[Video]

სახალხო დამცველი 7 ნოემბრის მოვლენების გამოძიებას ითხოვს
სახალხო დამცველი საზოგადოებას ადამიანის უფლებების შესახებ ანგარიშს წარუდგენს
სახალხო დამცველი: ფსიქიკური აშლილობის მქონე პირთა უფლებების დაცვა სახელმწიფოს მოვალეობაა
სახალხო დამცველის აპარატი ჭელაში განვითარებულ მოვლენებს ეხმიანება
სახალხო დამცველი მუსლიმებს ყურბან–ბაირამის დღესასწაულს ულოცავს