FM97.5 / LIVE

ამბულატორიების ასაშენებლად სამცხე-ჯავახეთში გამოდარებას ელოდებიან

მთავარისაზოგადოება 23.01.2014
სამცხე-ჯავახეთში სამედიცინო ამბულატორიების მშენებლობა ჯერ არ დაწყებულა. მუნიციპალიტეტების ხელმძღვანელები მკაცრ კლიმატურ პირობებზე საუბრობენ და აცხადებენ, რომ სამუშაოები გამოდარებისთანავე დაიწყება.

ამბულატორიების ასაშენებლად სამცხე-ჯავახეთში გამოდარებას ელოდებიან
სამცხე-ჯავახეთის ექვსივე მუნიციპალიტეტში ამბულატორიებს მუნიციპალური განვითარების ფონდი აშენებს. თითო მუნიციპალიტეტში თითო სოფელია შერჩეული.

ახალციხის მუნიციპალიტეტში ახალი ამბულატორია სოფელ სვირში, ყოფილი საბჭოს შენობის ეზოში შენდება. სამუშაოები ამ დრომდე არ დაწყებულა. სვირის რწმუნებულის ვეფხვია სამსონიძის თქმით, სოფელში ამბულატორიის ასაშენებლად ყველაფერი მზად არის, თუმცა მშენებლობის დაწყება ცუდი ამინდის გამო ვერ ხერხდება.

„უკვე გარკვეულია ადგილი, სადაც ამბულატორია უნდა აშენდეს. ორი კვირის წინ გეოლოგმა მიწის სინჯებიც აიღო, თუმცა, პასუხი ჯერ არ მოსულა, ყველა დოკუმენტაცია მზად არის, ახლა გამოდარებას ველოდებით“,- ამბობს ვეფხვია სამსონიძე.

თოვლის დადნობას ელოდებიან ბორჯომის მუნიციპალიტეტშიც. როგორც ადგილობრივ ხელისუფლებაში განმარტავენ, იმ ადგილზე სადაც ახალი ამბულატორია უნდა აშენდეს, დიდი თოვლის გამო სამუშაოებს ვერ იწყებენ. ბორჯომის მუნიციპალიტეტში ახალი ამბულატორია დაბა ახალდაბაში შენდება.

ანალოგიური პრობლემის გამო არ იწყება ამბულატორიის მშენებლობა ადიგენის მუნიციპალიტეტის სოფელ ზანავში.

„სამუშაოების დასაწყებად თანხა უკვე ჩარიცხულია. რამდენიმე დღეში ის ადგილი, სადაც ამბულატორია უნდა აშენდეს, მუნიციპალიტეტის ბალანსზე გადმოვა, სხვა ყველა საკითხი მოგვარებულია, სავარაუდოდ აპრილიდან სამუშაოებსაც დავიწყებთ“,- ამბობს ადიგენის მუნიციპალიტეტის გამგებლის მოვალეობის შემსრულებელი არსენ ბალახაშვილი.

ერთ-ერთი ახალი ამბულატორიის მშენებლობა ასპინძის მუნიციპალიტეტის სოფელ ოთაში იყო დაგეგმილი, თუმცა როგორც ასპინძის მუნიციპალიტეტის საკრებულოს თავმჯდომარე ალექსანდრე პაპაშვილი ამბობს, ოთის ნაცვლად ამბულატორია სოფელ ხიზაბავრაში აშენდება.

„ოთის მოსახლეობა ძალიან მცირეა, გარდა ამისა, ამ სოფელს სხვა სოფლებთან კავშირი არ აქვს და ცენტრს მარტივად უკავშირდება“,-ამბობს ალექსანდრე პაპაშვილი და აქვე ამატებს, რომ სოფელი ხიზაბავრა საავადმყოფოს ადმინისტრაციასთან კონსულტაცების გავლის შემდეგ შეარჩიეს: „საავადმყოფოში ვიკითხეთ, რომელ სოფელს უფრო ესაჭიროებოდა ამბულატორია, ამის შემდეგ სამინისტროსთან შეთანხმებით შევარჩიეთ ხიზაბავრა. გარდა ამისა, ეს სოფელი უფრო მოწყვეტილია ცენტრს“.

ხიზაბავრაში ამბულატორია ექთანს საკუთარ სახლში აქვს გახნილი, რომელიც სამ სოფელს საროს, თმოგვსა და ვარგავს ემსახურება. ალექსანდრე პაპაშვილის თქმით, აღნიშნულ სოფელში ამბულატორიის მშენებლობა გაზაფხულიდან დაიწყება.

შეგახსენებთ, რომ ჯანდაცვის სამინისტროს მიერ შერჩეულ მუნიციპალიტეტებში ჯამში მუნიციპალური განვითარების ფონდი 81 ამბულატორიას აშენებს. პროექტის საერთო ღირებულება 2.400.000 ლარია.

[მანანა სარაშვილი, ახალციხე]


01.06.2020 'აბიტურიენტებისთვის გამოცდები სრულიად უსაფრთხოდ ჩატარდება' – ტიკარაძე

30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.06.2020 ‘გაუშვეს რატომღაც ერთი ტესტის საფუძველზე, მეორე იყო სუსტად დადებითი’ - გამყრელიძე ნინოწმინდელ კაცზე

03.06.2020 ‘ეს არ არის დადასტურებული’ - მარინა ეზუგბაია ნინოწმინდის შემთხვევაზე

03.06.2020 300-ზე მეტი ფერმერი სასოფლო-სამეურნეო ტექნიკას თანადაფინანსებით შეიძენს

03.06.2020 ‘კარანტინიდან დაბრუნებულ კაცს დაახლოებით 100 ადამიანთან ჰქონდა კონტაქტი’ – მერის წარმომადგენელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

სვირში ახალი ამბულატორია აშენდება
სამცხე ჯავახეთში 6 ამბულატორია აშენდება
სამცხე-ჯავახეთში ამბულატორიების მშენებლობა დაიწყო
ამბულატორიების მშენებლობა მიმდინარე კვირაში დაიწყება
დაბა ახალდაბაში ამბულატორიის დამონტაჟება დასრულდა
სოფელ აგარაში ამბულატორია შენდება
ახალციხის ცხრა სოფელს ახალი ამბულატორია ექნება