FM97.5 / LIVE

ახალციხეში განახლებული ნაგავსაყრელი გაიხსნა

მთავარისაზოგადოება 22.01.2014
დღეს, 22 იანვარს, საქართველოს რეგიონული განვითარებისა და ინფრასტრუქტურის მინისტრმა დავით ნარმანიამ და მყარი ნარჩენების მართვის კომპანიის დირექტორმა გიორგი შუხოშვილმა ახალციხის მუნიციპალიტეტის ნაგავსაყრელი გახსნეს.

ახალციხეში განახლებული ნაგავსაყრელი გაიხსნა
ახალციხის მუნიციპალიტეტის საექსპლუატაციოდ მომზადებული მუნიციპალური ნარჩენების ნაგავსაყრელი სოფელ ჭაჭარაქში, დაახლოებით ხუთ ჰექტარ მიწის ფართობზეა განთავსებული.

ნაგავსაყრელი საქართველოს მყარი ნარჩენების კომპანიას საკუთრებაში 2013 წლის 10 ივლისს გადაეცა. პოლიგონის მოწესრიგებისა და ნარჩენების უსაფრთხოდ განთავსების მიზნით ტენდერი გამოცხადდა, რომელშიც შპს „ალიანსმა“ გაიმარჯვა.

მყარი ნარჩენების მართვის კომპანიის დირექტორის გიორგი შუხოშვილის განმარტებით, ორი თვის განმავლობაში აქ არაერთი სამუშაო ჩატარდა. მათ შორის: არსებული ნარჩენი მთლიანად გადაიფარა 30 სანტიმეტრიანი თიხოვანი მიწის გრუნტით, დაიტკეპნა და მოეწყო ახალი პოლიგონი, რომელიც შემოიღობა. გარდა ამისა, გაკეთდა შიდა გზები, შეტანილია დაახლოებით ორი წლის განმავლობაში გადასაფარი მიწის მარაგი და მიმდინარეობს უჯრედისკენ ნარჩენების განთავსება.

მისივე თქმით, ნაგავსაყრელის ტერიტორიაზე დამონტაჟებულია გამშვები ჯიხურები, აგრეთვე მოეწყო სადგომი მძიმე ტექნიკისთვის. იგეგმება სასწორის დადგმაც, რათა აღირიცხოს რა რაოდენობის ნარჩენი შედის ნაგავსაყრელზე.

აღნიშნული ნაგავსაყრელის მოსაწყობად ჯამში 450 ათასი ლარი დაიხარჯა. მყარი ნარჩენების მართვის კომპანიაში განმარტავენ, რომ ანალოგიური ნაგავსაყრელების მოწყობა სამცხე-ჯავახეთის სხვა მუნიციპალიტეტებშიც იგეგმება.

„ბორჯომში მიმდინარეობს პროექტი, რომელსაც ჰოლანდიის მთავრობა აფინანსებს და გარემოს დაცვის სამინისტროს ეგიდით ეწყობა. იქაც სრულიად სხვა სტანდარტების და ნორმების ნაგავსაყრელი იქნება, გარდა ამისა, ბაკურიანში იგეგმება გადამტვირთი სადგურების გაკეთება. დანარჩენ რაიონებში იგეგმება ნაგავსაყრელების მუდმივ საექსპლუატაციო რეჟიმში მოყვანა“, - ამბობს გიორგი შუხოშვილი.

შეგახსენებთ, რომ ახალციხის ნაგავსაყრელზე ნარჩენები შპს „კეთილმოწყობას“ გააქვს, რომელიც ქალაქ ახალციხის, ვალისა და სოფელ სხვილისის მოსახლეობას ემსახურება. სოფელ ჭაჭარაქში მცხოვრები მოსახლეობა ტერიტორიის შემოღობვას წლებია ითხოვდა. ადგილობრივები ამბობდნენ, რომ ნაგავსაყრელიდან გაფანტული პოლიეთილენის პარკები და სხვა ნარჩენები მათ პრობლემებს უქმნიდა.

ახალციხეში განახლებული ნაგავსაყრელი გაიხსნა

[თამარ თოთაძე, ახალციხე]


22.02.2020 პირველკლასელთა რეგისტრაცია მარტში დაიწყება

21.02.2020 სამცხე-ჯავახეთის უნივერსიტეტმა ავტორიზაცია გაიარა

19.02.2020 შრომატევადი და დაძლეული საქმე - მენტორის სტატუსის მქონე მასწავლებლები სამცხე-ჯავახეთიდან

13.02.2020 ჟვანიას სკოლამ ახალციხეში 'სახელმწიფო ენის სწავლების პროგრამის' კურსდამთავრებულებს სერტიფიკატები გადასცა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.02.2020 ფარავანჰესის დაცლის გამო, მდინარის სიახლოვეს გადაადგილება აიკრძალა

23.02.2020 ‘ტაო’ ქუთაისის ‘არესს’ შეხვდა

23.02.2020 მთავრობა ირანთან ფრენებს აუქმებს

23.02.2020 ‘რაც საჭირო იქნება, გავაკეთებთ’ - პრემიერი ირანთან ფრენების შეზღუდვაზე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

15.02.2020 თისელის ამბებს გიყვებით [ფოტო]

14.02.2020 გორგული – გორებს შორის მოქცეული სოფლის ისტორია [ფოტო/ვიდეო]

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

მსგავს თემაზე

ასპინძაში ნაგავსაყრელი განახლდა
ნინოწმინდის მუნიციპალიტეტში ნაგავსაყრელი განახლდა
საქართველო მყარი ნარჩენების სეპარირება-გადამუშავებაზე გადადის
ახალციხეში ნარჩენების მართვაზე იმსჯელეს
ბორჯომში ახალი ნაგავსაყრელი მოეწყო
ახალციხის ნაგავსაყრელი მოსახლეობას პრობლემებს უქმნის
ბორჯომ-ბაკურიანს ნარჩენების გადამტვირთი ახალი სადგური ემსახურება