FM97.5 / LIVE

ჭელაში შეკრებილი ქრისტიანები დაიშალნენ და რეფერენდუმისთვის იწყებენ მზადებას

მთავარისაზოგადოება 28.11.2013
ადიგენის მუნიციპალიტეტის სოფელ ჭელაში შეკრებილი ქრისტიანები და სასულიერო პირები, რომლებიც მინარეთის დაბრუნებას აპროტესტებდნენ, დაიშალნენ. ქრისტიანები ითხოვენ მეჩეთებისა და მინარეთების საკითხი რეფერენდუმით გადაწყდეს.

ჭელაში შეკრებილი ქრისტიანები დაიშალნენ და რეფერენდუმისთვის იწყებენ მზადებას
ჭელის მეჩეთთან შეკრებილმა სასულიერო პირებმა და მართლმადიდებელმა მრევლმა ტერიტორია უკვე დატოვეს. თუმცა, ადგილზე რჩებიან სამართალდამცავები. მუსლიმები მეჩეთში იმყოფებიან. რაიმე ექსცესი რომ არ მომხდარიყო, ადგილობრივი მუსლიმები დღეს მეჩეთთან არ შეკრებილან.

დღეს, 28 ნოემბერს, დილიდან, ჭელაში ათობით სამართალდამცავი იყო მობილიზებული. საღამოს 17:00 საათისთვის მათი რაოდენობა გაცილებით გაიზარდა.

არასამთავრობო ორგანიზაცია „საზოგადოებრივი დარბაზის“ ხელმძღვანელი გოდერძი კუბლაშვილი ამბობს, რომ ამდენი პოლიციელის მობილიზება საჭირო არ იყო: „არანაირი ექსცესი არ ყოფილა. არცერთი ქრისტიანი არ დაუშვებს, რომ მარხვის პირველ დღეს რაიმე მოხდეს. მოვემზადებით რეფერენდუმისთვის, იურისტებთან და კვალიფიციურ ადამიანებთან ერთად. საბოლოოდ გადაწყვეტს ერი, უნდა თუ არა მინარეთები საქართველოში. თუ ერი გადაწყვეტს, რომ უნდა, მაშინ ჩვენც დავეთანხმებით, მაგრამ თუ გადაწყვეტს, რომ არ უნდა, მაშინ მთელმა მსოფლიომ გაიგოს, რომ არ გვინდა“.

ჭელაში სასულიერო პირები, მართლმადიდებელ მშობელთა კავშირის წევრები და მესხეთის სხვადსხვა სოფლების მცხოვრებლები იყვნენ შეკრებილი.

„არ მიმაჩნია სწორად ძირძველ ქრისტიანულ მიწაზე მინარეთის დადგმა. მეჩეთში ილოცონ, არავინ უშლით, მაგრამ მინარეთის დადგმა და იქიდან ყოველ დილით მოლის ყვირილი, არ არის მიზანშეწონილი ჩვენთვის. არ გვინდა, რომ აქ იდგას მინარეთი და ამიტომ შევიკრიბეთ. აბასთუმნიდან სწორედ ამისთვის ჩამოვედით“, - გვითხრა ნანული დემეტრაძემ.

ჭელაში მართლმადიდებლური ტაძრის მშენებელი ბერდია ქაფიანიძე ამბობს, რომ ამ პროტესტით საკუთარი აზრი დააფიქსირეს.

„ჩვენ ჩვენი აზრი ყოველთვის უნდა დავაფიქსიროთ, ეს რომ გაატარო, უარესი მოხდება. ამიტომ, ჩვენი მოთხოვნაა, რომ ჩატარდეს რეფერენდუმი, რადგან ეს ჩვენი ქვეყანაა და უნდა გვკითხონ, სანამ 20-30 კაცი რამეს გადაწყვეტს“, - ამბობს ბერდია ქაფიანიძე და ამატებს, რომ დღეს პარაკლისის გადახდა დასრულებულია, ხვალიდან კი სამართლებრივი ბრძოლა იწყება. ქრისტიანები რეფერენდუმის საკითხებთან დაკავშირებით ოფიციალურად დაიწყებენ მომზადებას.

შეგახსენებთ, ჭელაში მოჭრილი მინარეთი 27 ნოემბერს, ღამით დააბრუნეს. მეორე დღეს კი სოფელში ქრისტიანები შეიკრიბნენ და მინარეთის დაბრუნება მშვიდობიანად გააპროტესტეს.
[sknews.ge]


26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

20.05.2020 მეთორმეტეკლასელებისთვის სასწავლო პროცესი დასრულდა

19.05.2020 მოსწავლის შეფასების რომელი ფორმა აირჩიეს ახალციხის სკოლებში

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

26.05.2020 სომხეთში კოვიდინფიცირების 289 ახალი შემთხვევა დაფიქსირდა

26.05.2020 არალი-წარბასთუმნის გზის რეაბილიტაციისთვის მილიონ-ნახევარი დაიხარჯება

26.05.2020 Google საქართველოს დამოუკიდებლობის დღეს ულოცავს

25.05.2020 26 მაისი საქართველოს დამოუკიდებლობის დღეა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ჭელის მეჩეთთან ქრისტიანი სასულიერო პირები პარაკლისს იხდიან
ჭელაში ქრისტიანები შეიკრიბნენ [Photo]
ჭელაში მცხოვრები მუსლიმები ფიქრობენ, რომ ქრისტიანები არ დაუპირისპირდებიან
ჭელაში მცხოვრები ქრისტიანები მინარეთზე საუბარს ერიდებიან

აქციის მონაწილეები შეთანხმდნენ, არ დაუშვან მინარეთის ჭელაში დაბრუნება
ჯემალ პაქსაძე: 'არ იგეგმება მინარეთების დადგმა, ვიდრე არ შევუთანხმდებით სამუფთო სამმართველოს'