FM97.5 / LIVE

‘ახალციხის საკრებულოს მუშაობა არის ფორმალური“- გამჭვირვალობის კვლევის პრეზენტაცია

მთავარისიახლე, პოლიტიკა 23.07.2020
საკრებულოს დეპუტატების მიერ არასრულად შევსებული დეკლარაციები, გაცდენილი სხდომები, შეუსაბამო ხარჯები და ერთხმად დამტკიცებული საკითხები - „საერთაშორისო გამჭვირვალობა – საქართველომ“ ახალციხის საკრებულოს სამწლიანი მუშაობა შეისწავლა.

‘ახალციხის საკრებულოს მუშაობა არის ფორმალური“- გამჭვირვალობის კვლევის პრეზენტაცია

კვლევის შედეგები დღეს, 23 ივლისს ახალციხელებს „საერთაშორისო გამჭვირვალობა – საქართველოს“ სამცხე-ჯავახეთის კოორდინატორმა, თამუნა უჩიძემ გააცნო. შეხვედრას ახალციხის საკრებულოდან მხოლოდ სამი დეპუტატი ესწრებოდა, ასევე იმყოფებოდნენ არსამთავრობო ორგანიზაციების და სახალხო აპარატის წარმომადგენლები.

„ახალციხის საკრებულო მთავარ ფუნქციას ასრულებს ძალიან სუსტად. შეიძლება ითქვას, რომ კონტროლის ფუნქცია არის ფორმალური ხასიათის და არა რეალური. 283 საკითხიდან, აბსოლუტურად ყველა საკითხი საკრებულოს უმრავლესობამ გაიტანა, მხოლოდ ერთი აღმოჩნდა ისეთი რომელსაც თანხმობა არ მისცეს და იმ საკითხის კენჭისყრაზე გატანა სხდომაზე გადაიფიქრეს, აბსოლუტურად იგივე ხდება კომისიების მუშაობაზეც, რეალურად რაც შედის საკრებულოში მერიიდან აბსოლუტურად იგივე გამოდის“,-აღნიშნა უჩიძემ.

მისივე თქმით, ახალციხის საკრებულოს ხარჯები მუშაობის შეუსაბამოა, 2017-2019 წლებში ხუთი ფრაქციის მუშაობისას 320 ათას ლარზე მეტია დახარჯული.

,,მაგალითად, ახალციხის საკრებულოში ხუთი მუდმივმოქმედი ფრაქციიდან ინიციატივა საკრებულოში მხოლოდ ერთმა წარადგინა, არადა მათი საქმიანობისთვის ჯამში 320 000 ლარზე მეტია დახარჯული"- ამბობს თამუნა უჩიძე.

არასამთავრობო ორგანიზაციის კოორდინატორმა ის დეპუტატებიც დაასახელა, რომლებიც სხდომებს ყველაზე ხშირად აცდენენ.

2017 წლის ნოემბრიდან 2019 წლის დეკემბრის ჩათვლით, ახალციხის საკრებულოში 40 სხდომა გაიმართა, სადაც დღის წესრიგით გათვალისწინებული 303 საკითხი განიხილეს. დეპუტატებმა საკრებულოს სხდომები 340-ჯერ გააცდინეს, მათ შორის 334 -არასაპატიო მიზეზით.

მათ შორის ყველაზე მეტი გაცდენა „ქართული ოცნების“ დეპუტატ კობა გელაშვილსა და „ნაციონალური მოძრაობის“ დეპუტატ ნატო დარბაიძეს უფიქსირდებათ.

„თუ ორ საათზე დამირეკავენ და ოთხზე სხდომაა, შეიძლება ამ მოკლე დროში ვერ მოვახერხო მისვლა ოჯახური პირობებიდან გამომდინარე. გარდა ამისა, იქ [სხდომაზე] რამის თქმის შედეგს ვერასდროს ვერ ვხედავ“,-თქვა ნატო დარბაიძემ, რომელიც შეხვედრას ესწრებოდა.

კვლევის შედეგების პრეზენტაციაზე არასამთავრობო ორგანიზაციების წარმომადგენლებიც ესწრებოდნენ, რომლებმაც აღნიშნეს, რომ საკრებულოში საკითხის შეტანას ურჩევნიათ პირდაპირ მერიას მიმართონ.

„საკრებულოში რომ შევიტან წინადადებას გელა ნოზაძე [საკრებულოს თავმჯდომარე] მაინც მერთან ათანხმებს, მირჩევნია რომ ეს დროს არ დავკარგო და წავიდე და პირდაპირ მერთან [ზაზა მელიქიძესთან] მოვაგვარო, ძალიან ცუდია რომ ეს რეალობაა“- განაცხადა შეხვედრაზე საკრებულოს ყოფილმა წევრმა და „ახალციხის ახალგაზრდული ცენტრის“ ხელმძღვანელმა, მაკა სუდაძემ.

სასოფლო–საკონსულტაციო ცენტრის დირექტორი გურამ ჯინჭველაძე ფიქრობს, რომ საკრებულოს სხდომების მსგავსად, ბიუჯეტის განხილვებიც ფორმალურ ხასიათს ატარებს: „ჩამორიკრიკებულად იძახიან, რომ ეკითხები რაღაცას ასე უნდა იყოსო გეუბნებიან, რატომ უნდა იყოს ასე? როცა მოქალაქეს რაღაცაზე კითხვა გაქვს, ლოგიკური პასუხი უნდა გასცე“.

თამუნა უჩიძემ პრეზენტაციის ბოლოს იმ რეკომენდაციებზეც ისაუბრა, რომლებიც ახალციხის საკრებულოს მუშაობის შესწავლის შემდეგ მოამზადეს:

„საკრებულოს წევრები უფრო აქტიურად უნდა იყვნენ ჩართულნი საზედამხედველო საქმიანობაში, კერძოდ უფრო ხშირად უნდა იყენებდნენ კონტროლის მექანიზმებს, გადადგან ქმედითი ნაბიჯები სახელმწიფო შესყიდვების პროცესის, მსხვილი ინფრასტრუქტურული პროექტების ზედამხედველობის მიზნით“.

რატომ ვერ შეძლო საკრებულოს თავმდჯომარე გელა ნოზაძემ შეხვედრაზე დასწრება და რას ფიქრობს "გამჭვირვალობის" კვლევზე უცნობია, "სამხრეთის კარიბჭე" ნოზაძეს ვერ დაუკავშირდა, მისი ტელეფონი გამორთულია.

‘ახალციხის საკრებულოს მუშაობა არის ფორმალური“- გამჭვირვალობის კვლევის პრეზენტაცია

[მარიამ ბარძიმაძე]


06.08.2020 სამხედროებსა და მათ ოჯახის წევრებს სახელმწიფო სწავლის საფასურის ნახევარს გადაუხდის

06.08.2020 კოლეჯ ‘ოპიზარში’ ავტორიზაცია კიდევ 8 პროგრამამ გაიარა

06.08.2020 სოციალურად დაუცველი სტუდენტების გარკვეულ კატეგორიას სწავლის საფასური დაუფინანსდება

05.08.2020 ქართულ ენასა და ლიტერატურაში ეროვნული გამოცდების შედეგები ცნობილია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.08.2020 როგორი ამინდია მოსალოდნელი სამცხე–ჯავახეთში 15 აგვისტომდე

10.08.2020 ‘ენზელ მკოიანს და მის ოჯახს სიცოცხლის მოსპობით ემუქრებიან, ითხოვენ 5 მლნ დოლარს’ – ადვოკატი

09.08.2020 ახალქალაქის საავადმყოფოში ჩხუბში მონაწილე სულ სამი პირი შეიყვანეს

09.08.2020 ‘ბევრ ქალაქს არ აქვს ბედნიერება, რომ თავისი სახელობის წმინდანი ჰყავდეს’ – მიტროპოლიტი თეოდორე

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

03.08.2020 სამი ციხის ისტორია

29.07.2020 მესხების მუსხი [აუდიო]

28.07.2020 წადი ამ ზაფხულს ზააბახას

06.07.2020 მივდივართ საროში [ფოტო]

მსგავს თემაზე

ახალციხის საკრებულოს დეპუტატებმა სხდომები არასაპატიო მიზეზით 334–ჯერ გააცდინეს – გამჭვირვალობა
გამოკითხვა: როგორ აფასებთ ახალციხის საკრებულოს მუშაობას? [ვიდეო]
ახალციხის საკრებულოს სხდომებზე ყველაზე მეტი გაცდენა დეპუტატ კობა გელაშვილს აქვს
ახალციხის ორი მოწვევის საკრებულოს ყველაზე გამცდენი დეპუტატი კობა გელაშვილია
‘ოცნებას’ ბორჯომის საკრებულოში სამი ფრაქციიდან მხოლოდ ერთი დაურეგისტრირეს
უმცირესობამ საკრებულოს სხდომა პროტესტის ნიშნად დატოვა
ქალაქ ახალციხის საკრებულოში ჩაშლილი სხდომა განახლდა