FM97.5 / LIVE

სახალხო დამცველი სახელმწიფო უწყებებს გენდერული ნიშნით ძალადობის აღმოფხვრისაკენ მოუწოდებს

მთავარისაზოგადოება 25.11.2013
საქართველოს სახალხო დამცველი ქალთა მიმართ ძალადობის აღმოფხვრის საერთაშორისო დღესთან დაკავშირებით განცხადებას ავრცელებს, რომელშიც ნათქვამია, რომ გენდერული ძალადობის წინააღმდეგ ბრძოლა, მსხვერპლთა დაცვა და დახმარება მხოლოდ სექტორთა შორის თანამშრომლობითაა შესაძლებელი.

სახალხო დამცველი სახელმწიფო უწყებებს გენდერული ნიშნით ძალადობის აღმოფხვრისაკენ მოუწოდებს
ამავე დროს, სახლხო დამცველი მოუწოდებს სახელმწიფო უწყებებს გატარდეს ყველა სათანადო ღონისძიება გენდერული ნიშნით ძალადობის აღმოფხვრისა და დაზარალებულთა დაცვისათვის; გაძლიერდეს დაცვის ღონისძიებები, როგორც საჯარო, ისე კერძო სფეროში; ქალთა სქესის ნიშნით შევიწროების პრევენციისათვის განსაკუთრებული ყურადღება დაეთმოს უსაფრთხოების დაცვას საზოგადოებრივი თავშეყრის ადგილებში, ტრანსპორტსა და ქუჩებში; გამოძიებისა და საქმის წარმოების ყველა ეტაპზე ქალთა შევიწროების, თუ სხვა ტიპის ძალადობის ფაქტები განხილული იქნას როგორც გენდერული ძალადობა და მათზე სათანადო რეაგირება მოხდეს.

სახალხო დამცველის განცხადებაში ნათქვამია, რომ 2013 წელს სახალხო დამცველის ოფისში შეიქმნა გენდერული თანასწორობის დეპარტამენტი, რომელიც უზრუნველყოფს სახალხო დამცველის რეგულარულ უფლებადაცვით საქმიანობაში გენდერული თანასწორობის საკითხების ინტეგრირებას საქართველოში გენდერული თანასწორობის გაძლიერებისათვის. აღნიშნული ინიციატივით სახალხო დამცველის აპარატი პირველი სახელმწიფო ინსტიტუტია, რომელმაც გენდერული თანასწორობის საკითხებზე სტრუქტურული ერთეულის შექმნა უზრუნველყო.

16 დღიანი კამპანიის ფარგლებში, რომელიც 25 ნოემბრიდან, ქალთა მიმართ ძალადობის აღმოფხვრის საერთაშორისო დღიდან იწყება, საქართველოს სახალხო დამცველის გენდერული თანასწორობის დეპარტამენტისა და USAID დემოკრატიული ჩართულობის ცენტრების ერთობლივი ორგანიზებით თემაზე „გენდერის ძირითადი საკითხები და ძალადობის წინააღმდეგ ბრძოლა“ საქართველოს 10 ტერიტორიულ ერთეულში ტრენინგების ჩატარებაა დაგეგმილი.

"სამწუხაროდ, საქართველოში კვლავ პრობლემად რჩება გენდერული თანასწორობის მიღწევა ეკონომიკურ, სოციალურ და პოლიტიკურ სფეროებში. მიუხედავად საკანონმდებლო, ინსტიტუციურ და სამოქალაქო საზოგადოების დონეზე განხორციელებული არაერთი პოზიტიური ცვლილებისა, კვლავ მაღალია ოჯახში ძალადობისა და საზოგადოებრივ ცხოვრებაში გენდერული ნიშნით დისკრიმინაციის მაჩვენებელი, რაც თავის მხრივ, არღვევს თანასწორუფლებიანობისა და ადამიანური ღირსების პატივისცემის პრინციპებს და ართულებს ქალის შესაძლებლობათა სრულად გამოვლენას ქვეყნისა და საზოგადოების საკეთილდღეოდ", - ნათქვამია სახალხო დამცველის განცხადებაში.

2012 წელს სახალხო დამცველმა რეკომენდაციით მიმართა საქართველოს პარლამენტს რათა მომხდარიყო ევროპის საბჭოს 2011 წლის „ქალთა მიმართ ძალადობის და ოჯახში ძალადობის პრევენციისა და აღკვეთის შესახებ“ კონვენციის (სტამბულის კონვენცია) დროული რატიფიკაცია. სახალხო დამცველი კვლავ მოუწოდებს საქართველოს პარლამენტს, გადაიდგას ქმედითი ნაბიჯები კონვენციის რატიფიცირებისათვის.

შეგახსენებთ, რომ 25 ნოემბერს, ქალთა მიმართ ძალადობის აღმოფხვრის საერთაშორისო დღეს, სრულიად მსოფლიო აღნიშნავს. ნიშანდობლივია, რომ ამავე დღეს იწყება 16 დღიანი საერთაშორისო კამპანია გენდერული ძალადობის წინააღმდეგ, რომელიც მიზნად ისახავს გენდერული ძალადობის ყველა ფორმის წინააღმდეგ ბრძოლას საზოგადოებრივი ცნობიერების ამაღლების გზით და გენდერული ძალადობის მსხვერპლთა მიმართ ქალთა სოლიდარობის დემონსტრირებას მთელი მსოფლიოს მასშტაბით.

[SKnews.ge]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

11.11.2019 ბორჯომის მოსახლეობას სასმელი წყალი არ მიეწოდება

11.11.2019 რა ღონისძიებები გაიმართება 'ზარზმობის' დღესასწაულზე

10.11.2019 ილია მეორე: ქართველი ადამიანი, უარყოფს, თრგუნავს, ნიჭიერ ადამიანებს

10.11.2019 ბექა ბერძენიშვილი მსოფლიო ჩემპიონატის ბრინჯაოს პრიზიორია

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

ახალციხეში გენდერულ ძალადობაზე იმსჯელეს
ახალციხეში გენდერული ძალადობის შესახებ შეხვედრა გაიმართა
სახალხო დამცველი: მძიმეა ქალთა მიმართ ძალადობის მიმართულებით არსებული რეალობა
სახალხო დამცველის წარმომადგენლებმა ახალციხეში შეხვედრა გამართეს
ფემიციდის შემთხვევებზე ზედამხედველობას სახალხო დამცველის აპარატი  განახორციელებს
გოგონა დაიბადა – გამოფენა გენდერული ნიშნით სქესის შერჩევის წინააღმდეგ
ახალციხეში გენდერული ძალადობის შემთხვევებზე იმსჯელეს