FM97.5 / LIVE

ლიკანში მცხოვრებმა დევნილებმა საცხოვრებელი უნდა აირჩიონ

მთავარისაზოგადოება 20.11.2013
ბორჯომში, ლიკანი 2-ში მცხოვრებმა დევნილებმა საცხოვრებლის რამდენიმე ალტერნატივიდან ერთი უნდა აირჩიონ. სამინისტროში ირწმუნებიან, რომ მათი პრობლემები მალე მოგვარდება.

ლიკანში მცხოვრებმა დევნილებმა საცხოვრებელი უნდა აირჩიონ
საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი დავით დარახველიძე, ადგილობრივი ხელისუფლების წარმომადგენლებთან ერთად, 17 ნოემბერს, ბორჯომში მცხოვრებ დევნილებს შეხვდა და მათ პრობლემებს გაეცნო.

ლიკანი 2-ში მცხოვრები აფხაზეთიდან დევნილი გივი როსტობაია ამბობს, რომ მინისტრს საცხოვრებელი პირობების გაუმჯობესება სთხოვეს: „20 წელია ჩვენთან მინისტრი არ მოსულა, ამხნის განმავლობაში არავინ შეგვიწუხებია, მაგრამ ახლა ჩვენი მდგომარეობა უკიდურესად მძიმეა“.

დავით დარახველიძესთან ერთად, დევნილებს ლტოლვილთა სამინისტროს შიდა ქართლისა და სამცხე-ჯავახეთის ტერიტორიული ორგანოს უფროსის მოვალეობის შემსრულებელი თამაზ გვიმრაძე და ის პირებიც სტუმრობდნენ, რომელთაც ის შენობა ეკუთვნით, რომელშიც დევნილები ცხოვრობენ.

თამაზ გვიმრაძის თქმით, დავით დარახველიძემ შენობის მფლობელებს ბორჯომის ყოფილი საავადმყოფოს ყიდვა შესთავაზა, სადაც რეაბილიტაციის შემდეგ დევნილებს შეასახლებენ.

„ლიკანი 2-ის კერძო მესაკუთრეები თუ აღნიშნულ წინადადებას არ დაეთანხმებიან, მაშინ მათ უკვე შესყიდული შენობის დათმობა მოუწევთ. შენობა სამინისტროს გადაეცემა, რის შემდეგადაც სამინისტრო კაპიტალურად გაარემონტებს და ფართებს სულადობის მიხედვით გადავანაწილებთ“, - ამბობს გვიმრაძე.

მისივე თქმით, არსებობს საცხოვრებლის სხვა რამდენიმე ალტერნატივაც.

„ბორჯომში, არდაგანის დასახლებაში, არის 10-სართულიანი შენობა, რომლის გარემონტებაც შეიძლება და ვისაც სურვილი ექნება ისინი გადავლენ. გარდა ამისა, ადგილობრივი გამგეობა დევნილებს დაჰპირდა, რომ ბორჯომში ახალი საცხოვრებელი კორპუსის ასაშენებლად ადგილს გამოუყოფს“,-ამბობს გვიმრაძე.

დევნილებს ახალი საცხოვრებლის აშენების იდეა მოსწონთ. გივი როსტობაიას თქმით, შენობა სადაც ისინი ცხოვრობენ რეაბილიტაციას აღარ ექვემდებარება.

„პირადად მე მირჩევნია, რომ ახალი შენობა აგვიშენონ, თუმცა ახალგაზრდების აზრი უფრო გასათვალისწინებელია, როგორც მათ უნდათ, ისე გაკეთდეს ყველაფერი. მე დღეს ვარ, ხვალ აღარ ვიქნები“,-ამბობს როსტობაია.

რას აირჩევენ დევნილები შეთავაზებულიდან, ამ ეტაპზე უცნობია. ამ ეტაპზე უცნობია შენობის მფლობელის პოზიციაც, იყიდის ბორჯომის ყოფილი საავადმყოფოს შენობას თუ დათმობს იმ კორპუსებს, სადაც ამჟამად ცხოვრობენ დევნილები.

თამაზ გვიმრაძე ირწმუნება, რომ დევნილების პრობლემა რაც შეიძლება მალე უნდა მოგვარდეს: „მაქსიმალურად მოკლე ვადებში მათ ნორმალური ცხოვრების პირობები უნდა მივცეთ, რადგან მათი მდგომარეობა მართლაც უკიდურესია. თუმცა, ეს არ მოხდება ერთ და ორი თვეში, ამას დასჭირდება მეტი დრო“.

შეგახსენებთ, რომ სანატორიუმის ოთხსართულიან კორპუსში, აფხაზეთიდან და სამაჩაბლოდან დევნილი, 80 ოჯახი ცხოვრობს. 1937 წელს აშენებული შენობა ავარიულ მდგომარეობაშია. პირველ სართულზე ცხოვრება შეუძლებელია. დაზიანებული საკანალიზაციო მილების გამო, ფეკალური მასა პირველ სართულზეა გაშლილი. აქ მცხოვრებლები ამბობენ, რომ ხშირად აქ ქვეწარმავლებიც ჩნდებიან. ცხოვრება მეორე სართულზეც შეუძლებელი გახდა. რამდენიმე ოთახს იატაკი და ჭერი, ფაქტობრივად, აღარ აქვს.

ლიკანში მცხოვრებმა დევნილებმა საცხოვრებელი უნდა აირჩიონ

[მანანა სარაშვილი, ბორჯომი]


01.06.2020 'აბიტურიენტებისთვის გამოცდები სრულიად უსაფრთხოდ ჩატარდება' – ტიკარაძე

30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.06.2020 ‘გაუშვეს რატომღაც ერთი ტესტის საფუძველზე, მეორე იყო სუსტად დადებითი’ - გამყრელიძე ნინოწმინდელ კაცზე

03.06.2020 ‘ეს არ არის დადასტურებული’ - მარინა ეზუგბაია ნინოწმინდის შემთხვევაზე

03.06.2020 300-ზე მეტი ფერმერი სასოფლო-სამეურნეო ტექნიკას თანადაფინანსებით შეიძენს

03.06.2020 ‘კარანტინიდან დაბრუნებულ კაცს დაახლოებით 100 ადამიანთან ჰქონდა კონტაქტი’ – მერის წარმომადგენელი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ლიკანში მცხოვრებ დევნილებს დახმარების იმედი გაუჩნდათ
ბორჯომში დევნილებს ბინებს უნაწილებენ
"ლიკანში" მცხოვრები დევნილების ბედი ისევ გაურკვეველია
რა კრიტერიუმებით შეარჩევენ იმ დევნილებს, ვინც ბორჯომში ახალ ფართს დაიკავებს?
ბორჯომში 64  დევნილ ოჯახს ბინას გადასცემენ
რატომ არ მოსწონთ დევნილებს 45-ლარიანი შემწეობა?
დევნილების გაუსაძლისი ცხოვრება ”ლიკანში”