FM97.5 / LIVE
მამუკა ხვედელიანის მიმართ, რომელსაც მამაკაცის სკამის ფეხით გაუპატიურებაში სდებდნენ ბრალს, სამართალწარმოება გრძელდება.">

ხვედელიანის სასამართლო პროცესები სააპელაციო სასამართლოში გრძელდება

მთავარისამართალი 19.11.2013
ბორჯომის პოლიციის ყოფილი უფროსის მამუკა ხვედელიანის მიმართ, რომელსაც მამაკაცის სკამის ფეხით გაუპატიურებაში სდებდნენ ბრალს, სამართალწარმოება გრძელდება.

ხვედელიანის სასამართლო პროცესები სააპელაციო სასამართლოში გრძელდება
მამუკა ხვედელიანსა და მის ყოფილ თანამშრომლებს, ალექსანდრე ბლიაძეს, სერგო სამსონიძეს, გიორგი ბლიაძესა და გიორგი ლომიძეს სამცხე-ჯავახეთის საოლქო პროკურატურა ბრალს დამამცირებელ და არაადამიანურ მოპყრობაში სდებს.

ყოფილ ბრალდებულებს, რადგან მათ მიმართ პირველი ინსტანციის სასამართლომ გამამართლებელი განაჩენი გამოიტანა, თავის მართლება ახლა უკვე თბილისის სააპელაციო სასამართლოში უხდებათ. სამცხე-ჯავახეთის ოლქის პროკურორმა მირიან ჭუმბურიძემ ახალციხის რაიონული სასამართლოს გადაწყვეტილება თბილისის სააპელაციო სასამართლოში აგვისტოში გაასაჩივრა.

ჭუმბურიძესაც და ყოფილი ბრალდებულების ადვოკატებსაც, გამარჯვების იმედი აქვთ. მათი თქმით, საქმეში ახალი გარემოებები არ არის და სამართალწარმოება, საქმეში უკვე არსებული მტკიცებულებებით გრძელდება.

„ისევ ის შედეგი დადგება, რაც პირველი ინსტანციის სასამართლოში დადგა. პროკურატურას იგივე პოზიცია აქვს და მტკიცებულებების გარეშე საუბრობს იმაზე, რომ თითქოს დანაშაულია ჩადენილი“, - ამბობს მამუკა ხვედელიანის ადვოკატი ზაზა მირიდაშვილი.

მისივე თქმით, პროკურატურამ მხოლოდ იმიტომ გაასაჩივრა ახალციხის სასამართლოს გადაწყვეტილება, რომ უნდა გაესაჩივრებინა: „პროკურატურა თუ დარწმუნებულია იმაში, რომ მაგ მტკიცებულებებით სხვანაირი განაჩენი შეიძლება დადგეს, მაშინ მალადეც პროკურატურას!“

სააპელაციო სასამართლოში ხვედელიანისა და მისი ყოფილი თანამშრომლების სამი პროცესი უკვე გაიმართა. მომავალი პროცესი კი 17 დეკემბერსაა ჩანიშნული.

„ბრალდებაც და დაცვის მხარეც საბოლოო, შემაჯამებელ სიტყვებს წარმოვთქვამთ და მერე მოსამართლე გამოიტანს განაჩენს. არ მგონია, რომ განაჩენიც 17 დეკემბერსვე გამოცხადდეს“, - ამბობს მირიდაშვილი.

მას შემდეგ რაც ხვედელიანი ახალციხის რაიონული სასამართლოს დარბაზიდან გაათავისუფლეს, სხვადასხვა მედია საშულებებით არაერთხელ გავრცელდა ინფორმაცია იმის შესახებ, რომ მან ქვეყანა დატოვა და მიიმალა. თუმცა, როგორც პროკურორი მირიან ჭუმბურიძე აცხადებს, ბორჯომის პოლიციის ყოფილი უფროსი ყველა პროცესს ესწრება. მისი ადვოკატი კი ამბობს, რომ ხვედელიანს გათავისუფლებიდან დღემდე საქართველოს საზღვრები არ გადაულახავს.

მანამდე კი, სანამ ხვედელიანის საქმეზე კიდევ ერთი განაჩენი გამოცხადდება, შესაძლოა მის წინააღდეგ სისხლის სამართლებრივი დევნა სამცხე-ჯავახეთის პროკურატურამ ისევ დაიწყოს. 22 წლის რევაზ არუცევის მკვლელობაში გარდაცვლილის ოჯახის წევრები მამუკა ხვედელიანს ადანაშაულებენ.

„პროკურატურა რევაზ არუცევის მკვლელობის ფაქტს იძიებს და თუ დანაშაულებრივი ქმედება გამოიკვეთება, ბუნებრივია საქმეს შესაბამისი მსვლელობა მიეცემა“, - ამბობს სამცხე-ჯავახეთის ოლქის პროკურორი გიორგი პაპუაშვილი.

შეგახსენებთ, რომ ბორჯომის პოლიციის ყოფილ უფროსსა და ბორჯომში "ნაციონალური მოძრაობის" მაჟორიტარი დეპუტატობის ყოფილ კანდიდატს მამუკა ხვედელიანს ბრალი მამაკაცის სკამის ფეხით გაუპატიურებაში ედებოდა. თუმცა იგი, ახალციხის რაიონულმა სასამართლომ მიმდინარე წლის 3 ივლისს უდანაშაულოდ სცნო და ყოფილ თანამშრომლებთან ერთად დარბაზიდან გაათავისუფლა.

[თამუნა უჩიძე, ახალციხე]


06.07.2020 ახალციხის საგამოცდო ცენტრში 7 აბიტურიენტი არ გამოცხადდა

06.07.2020 ერთიანი ეროვნული გამოცდები დაიწყო

05.07.2020 ეროვნული გამოცდები და რეკომენდაციები

05.07.2020 6 ივლისიდან პროფესიული კოლეჯები სასწავლო პროცესს განაახლებენ

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

06.07.2020 სამცხე–ჯავახეთში 9 და 10 ივლისს სეტყვაა მოსალოდნელი

05.07.2020 ხვალ, 6 ივლისს, წყალი შეწყდება კურცხანის წყლით მოსარგებლე სოფლებში

04.07.2020 ‘მთელი მოსავალი განადგურდა’ – სტიქია ახალციხეში [ფოტო]

04.07.2020 სურსათის ეროვნული სააგენტოს ინფორმაცია

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

მსგავს თემაზე

მამაკაცის გაუპატიურებაში ბრალდებული ბორჯომის პოლიციის ყოფილი უფროსი სააპელაციო სასამართლომაც გაამართლა
მამუკა ხვედელიანის საქმე უზენაეს სასამართლოში გაასაჩივრეს
გაგრძელდება თუ არა ბორჯომის პოლიციის ყოფილი უფროსის  სასამართლო პროცესები
შეეწირა თუ არა ხვედელიანის საქმეს პროკურორი
ახალციხის სასამართლოში დღეს ბორჯომის პოლიციის ყოფილ უფროსს დაკითხავენ
პროკურატურა კვლავ ხვედელიანის საქმეზე მუშაობს
ხვედელიანის ადვოკატი: გამორიცხულია მამუკამ ქვეყანა დატოვოს