FM97.5 / LIVE

ვანო მერაბიშვილი: ჩვენს ჯინაზე ანადგურებენ რაბათს

მთავარისაზოგადოება 19.11.2013
ყოფილი პრემიერ-მინისტრი ვანო მერაბიშვილი დღევანდელ სასამართლო პროცესზე კულტურის მინისტრის გურამ ოდიშარიას განცხადებას გამოეხმაურა, რომელიც ახალციხის ციხეში მდებარე მეჩეთის გუმბათის ფერის შეცვლას უკავშირდება.

ვანო მერაბიშვილი: ჩვენს ჯინაზე ანადგურებენ რაბათს
ყოფილმა პრემიერ-მინისტრმა ვანო მერაბიშვილმა თბილისის საქალაქო სასამართლოში დღეს გამართულ სხდომაზე ახალციხის ციხესთან დაკავშირებით განცხადება გააკეთა. როგორც მერაბიშვილმა აღნიშნა, მისთვის ცნობილია, რომ დღევანდელი მთავრობა ახალციხის ციხეში ოქროსფერი გუმბათის დემონტაჟს გეგმავს.

"ეს ოქროს გუმბათი არ არის რომელიმე ერთი ცალკეული შენობის გუმბათი. ეს არის მთელი კომპლექსის და უფრო მეტიც, ახალი კონცეფციის - ქართული იერუსალიმის - გვირგვინი. ახალციხეში არასდროს ერთდროულად არ ფუნქციონირებდა ყველა ის დაწესებულება, რომლის თავმოყრაც ახლა, ჩვენს დროს მოხერხდა. ერთ ადგილას თავმოყრილია განახლებული მეჩეთი, მართლმადიდებლური და კათოლიკური ეკლესია. იგეგმებოდა იქვე მდებარე სინაგოგის რესტავრაცია და განახლებული ქუჩებითა და შენობებით ამ ყველაფრის ერთმანეთთან, ერთ კომპლექსში გაერთიანება", - განაცხადა ვანო მერაბიშვილმა.

მისივე თქმით, ყოველივე ამას სამცხე-ჯავახეთისთვის და აქ მცხოვრები მოსახლეობისთვის განვითარება, დასაქმება და პერსპექტივა უნდა მოეტანა. ამის სიმბოლოს კი სწორედ ეს ოქროს გვირგვინი წარმოადგენდა.

"ახალციხეს, როგორც მესხეთის დედაქალაქს ბევრი ნგრევა აქვს ნანახი. ახალციხეზე ყოველთვის გადიოდა ისტორიული დაპირისპირების ფრონტი. 8-ე საუკუნიდან ეს მხარე და ეს ქალაქი მოწინავე კულტურული და რელიგიური ცენტრი იყო. 16-ე საუკუნეში აქ ისლამი გაბატონდა. გადაწყდა წაშლილიყო ქრისტიანული კვალი ახალციხეში, ეკლესიები მეჩეთებად გადაკეთდა, ხოლო თავად ციხე ტყვეთა სავაჭრო ადგილად აქციეს. ის ხალხი, ვინც მაშინ ეკლესიებს ანგრევდა, უცხოელი დამპყრობლები არ ყოფილან. ისინიც გამაჰმადიანებული ქართველები იყვნენ. მოგვიანებით ახალციხე რუსული იმპერიის ნაწილი გახდა. და კიდევ ერთხელ, ამჯერად რუსული იმპერიის სამსახურში მყოფი ქართველების ხელით, ისლამის კვალის წასაშლელად მეჩეთები ეკლესიებად გადააკეთეს.

მოგვიანებით კომუნისტები დაეუფლნენ ამ მხარეს და მათაც დაიწყეს წარსულის კვალის წაშლა. არაერთგზის დანგრეული და გადაკეთებული ეკლესიები დახურეს და ციხის ტერიტორიაზე სამხედრო ჰოსპიტალი განათავსეს. ესეც ძველის სიძულვილით კეთდებოდა და ვინც ამას აკეთებდა ისინიც ქართველები იყვნენ - ქართველები, რომელთაც სძულდათ წარსული და მისი წაშლა ჰქონდათ განზრახული", - განაცხადა ვანო მერაბიშვილმა და აღნიშნა, რომ დღესაც იგივე მეორდება, როცა ქართველები, მათი კვალის წასაშლელად, მათ ჯინაზე რაბათს ანადგურებენ.

მერაბიშვილის თქმით, ახალმა ხელისუფლებამ ახალციხის ციხეში არსებული ობიექტები მიზანმიმართულად დახურა. ახლა კი კომპლექსის მთავარი სიმბოლოს დემონტაჟი განიზრახეს. ვანო მერაბიშვილმა ახალ ხელისუფლებას მოუწოდა, რომ თუ აღნიშნული კომპლექსის და ქალაქის განვითარებას არ აპირებენ, ნგრევისგან მაინც შეიკავონ თავი.

"დღევანდელი ხელისუფლება ამ ნგრევას სხვადასხვა ტერმინებით და მიზნებით ნიღბავს. მუსულმანებს, რუსებს და კომუნისტებსაც საკმარისი მიზეზები და საბაბები ჰქონდათ, როდესაც ანგრევდნენ. ამას ისინი განახლებას, წარსულისგან გათავისუფლებას და სამართლიანობის აღდგენას არქმევდნენ. ადრე თუ გვიან, დარწმუნებული ვარ ყველანი მივხვდებით, ისევე როგორც ევროპელები მიხვდნენ შუა საუკუნეების მიჯნაზე, რომ შეუძლებელია ნგრევამ სიკეთე და განვითარება მოიტანოს. 21-ე საუკუნეში კონკრეტული შენობების დანგრევით ისტორიის წაშლა შეუძლებელია", - განაცხადა ვანო მერაბიშვილმა.

[sknews.ge]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

13.11.2019 სხვილისში შვიდსულიან ოჯახს სოციალური დახმარება მოუხსნეს

13.11.2019 რა გაკეთდება რეგფონდიდან მიღებული 4 409 036 ლარით ახალციხეში

13.11.2019 ახალციხის ციხეზე კონცერტი გაიმართება

13.11.2019 ივლიტაში მდინარეზე გადასასვლელი ხიდის მშენებლობის პროექტს საჯაროდ განიხილავენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

მერაბიშვილი: თქვენ ვერ შეძლებთ რაბათში ვერაფრის მოშლას
ვანო მერაბიშვილი მთავარი პროკურორის ზეწოლაზე საუბრობს [Video]
ახალციხის ციხეში მყოფ 'ნაციონალების' აქტივისტს ვანო მერაბიშვილის მხარდასაჭერი პლაკატი ჩამოართვეს
ვანო მერაბიშვილი: სტატუსის თემა ”ოცნების” პროვოცირებულია
ვანო  მერაბიშვილი - ”ნუ ვაპირებთ არჩევანს უკან დაბრუნებისაკენ”
რატომ ატირდა ვანო მერაბიშვილის დედა 'ნაციონალების' შეხვედრაზე
ახალციხის ციხეში მასობრივ შემცირებებს უარყოფენ