FM97.5 / LIVE

ბორჯომში ინფიცირებულ კაცთან კონტაქტში მყოფ 24 პირს ტესტირება ჩაუტარდა

მთავარისიახლე, საზოგადოება, კორონავირუსი 02.06.2020
ბორჯომში კორონავირუსზე ტესტირება ჩაუტარდა 24 პირს, რომლებსაც კორონავირუსით ინფიცირებულ კაცთან პირდაპირი და ირიბი კონტაქტი ჰქონდათ. პირი ქალაქში ორი დღით იმყოფებოდა და ამ დრომდე უცნობია, ჩამოსვლამდე დაინფიცირდა თუ ბორჯომიდან წასვლის შემდეგ.

ბორჯომში ინფიცირებულ კაცთან კონტაქტში მყოფ 24 პირს ტესტირება ჩაუტარდა

ინფიცირებულთან კონტაქტში მყოფ 24 ადამიანს ანალიზი 1-ელ ივნისს აუღეს. მათგან ერთ-ერთი „სამხრეთის კარიბჭესთან“ ამბობს, რომ პირი, რომელსაც კორონავირუსი დაუდასტურდა, ბორჯომში, „ბოლო ზარის“ მოსალოცად იყო ჩამოსული. მას მთელი კლასი 23 მაისს შეხვდა: „გუშინ ამიღეს ანალიზი, თბილისიდან იყო მეგობარი ჩამოსული ბორჯომში ბოლო ზარის მისალოცად და სწორედ მაგედან მქონდა კონტაქტი. კლასს მოგვილოცა [სკოლის დამთავრება] და გამოდის, რომ მთლიან კლასთან ჰქონდა შეხება“.

საწინააღმდეგოს ამბობენ ბორჯომის საზოგადოებრივი ჯანდაცვის ცენტრში. მათი თქმით, ინფიცირებულ პირს პირდაპირი კონტაქტი მხოლოდ ორ ადამიანთან ჰქონდა, რომლებიც უკვე გამოკვლეულია და პასუხი უარყოფითია. ამ ეტაპზე კი ელოდებიან იმ პირების ანალიზის პასუხებს, რომლებსაც „ამ პირთან არაპირდაპირი კონტაქტი ჰქონდათ“: „სხვა ქალაქიდან იყო პირი ჩამოსული და გარკვეული საეჭვო კონტაქტები იყო. [ამ პირებს ტესტირება] იმიტომ ჩაუტარდათ, რომ არაპირდაპირი კონტაქტები იყვნენ დადასტურებული შემთხვევის. ზუსტად არ ვიცით, ეს პირი როდის დასნებოვნდა, აქ ჩამოსვლამდე, თუ აქ ჩამოსვლის შემდეგ და სიფრთხილის მაქსიმალური ზომის მიზნით ჩაუტარდათ. ასევე ტესტირება ჩაუტარდა იმ ორ ადამინს, რომლებიც ბორჯომში იყვნენ მასთან პირდაპირ კონტაქტიში და ისინი უარყოფითები არიან“, - ამბობს ბორჯომის საზოგადოებრივი ჯანდაცვის ცენტრის ხელმძღვანელი მანანა რატიანი.

24 ადამიანის ანალიზის პასუხი სავარაუდოდ, 2 ივნისს საღამოს იქნება. რატიანი ამბობს, ამ ეტაპზე საეჭვო კონტაქტები თვითიზოლაციაში არიან, მათ არანაირი სიმპტომი არ აღენიშნებათ: „სიმპტომი რომ ჰქონოდათ, სახლში, თვითიზოლაციაში კი არ დავტოვებდით, გადავიყვანდით საკარანტინო ზონაში. ახლა თვითიზოლაციაში სახლში არიან ესენი. არ არის ჯერ პასუხები და არ ვიცი, როდის იქნება“.

ჯანდაცვის ცენტრის ინფორმაციით, კორონავირუსის სიმპტომები არ ჰქონდა არც ინფიცირებულ პირს: „საკმაოდ დიდი პერიოდი გავიდა, ერთ კვირაზე მეტია, რაც ამ პიროვნებას თბილისში დაუდასტურდა [კორონავირუსი], ისიც იმიტომ დაუდასტურდა, რომ დადასტურებული შემთხვევის კონტაქტი იყო და გატესტეს, თორე ჩივილები არ ჰქონია“, - ამბობს რატიანი.

[ნუკა სტეფნაძე, თაკო ფეიქრიშვილი, ბორჯომი]


03.07.2020 რა უნდა გაითვალისწინონ აბიტურიენტებმა – გამოცდების ჩატარების წესები დაზუსტდა

02.07.2020 აბიტურიენტები PCR-ტესტირების ჩატარებას სამცხე–ჯავახეთის 3 კლინიკაში შეძლებენ

02.07.2020 როგორ უნდა აიმაღლოს პრაქტიკოსმა მასწავლებელმა სტატუსი

02.07.2020 გამოცდის მსვლელობისას აბიტურიენტს პირბადის გაკეთება არ მოუწევს - გიორგი გახარია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

03.07.2020 შაბათ–კვირას სამცხე–ჯავახეთში იწვიმებს

03.07.2020 ეროვნულ გამოცდებზე ბორჯომიდან ახალციხემდე აბიტურიენტები უფასოდ იმგზავრებენ

03.07.2020 ბაკურიანში ზაფხულის სეზონი 10 ივლისს გაიხსნება

03.07.2020 სამცხე-ჯავახეთის მუზეუმმა 11 დღეში 230 ვიზიტორი მიიღო

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ბორჯომში ინფიცირებულ პირთან კონტაქტში მყოფი 24 პირის ანალიზის პასუხი ცნობილია
COVID 19–ით ინფიცირებულს ბორჯომში 13 ადამიანთან ჰქონდა კონტაქტი
ბორჯომში კორონავირუსის პირველი შემთხვევა დაფიქსირდა
ბორჯომში კორნავირუსით ინფიცირებულთან კონტაქტში მყოფი 12 პირის ანალიზის პასუხი ცნობილია
'44 წლის ნინოწმინდელ კაცს, რომელიც შეცდომით სახლში გაუშვეს კორონავირუსი დაუდასტურდა' – ჯანდაცვის ცენტრი
ადიგენში 10 დღის წინ სტუმრად მყოფ ახალგაზრდას კორონავირუსი დაუდასტურდა
‘სოფელი არ ჩაიკეტება, იგეგმება მოსახლეობის თერმოსკრინინგი’ – სამხარეო ადმინისტრაცია