FM97.5 / LIVE

ახალციხის სალონებში მომსახურების საფასური გაიზარდა

მთავარისიახლე, საზოგადოება 29.05.2020
მას შემდეგ რაც, პანდემიის გამო დაკეტილი სალონები გაიხსნა და მუშაობა აღდგა, სალონების ნაწილში მომსახურების საფასურმა მინიმუმ ორი ლარით მოიმატა. მათი განმარტებით, მომსახურების გაძვირება პროდუქტზე ფასების მომატებამ განაპირობა.

ახალციხის სალონებში მომსახურების საფასური გაიზარდა

საქართველოში სილამაზის სალონები და ესთეტიკური ცენტრები 18 მაისს გაიხსნა. სამსახურში გასულ სტილისტებს და სხვა თანამშრომლებს, მათთვის საჭირო პოროდუქციაზე ფასები უკვე მომატებული დახვდათ. „სამხრეთის კარიბჭე“ ახალციხეში მდებარე ხუთ სალონში იმყოფებოდა, აქედან ორში გვითხრეს, რომ ფასები გაზარდეს.

თეონა ბირჩაძე სილამაზის სალონ „იმიჯ სტუდიოს“ სტილისტია, ამბობს, რომ პირველ ეტაპზე ფასმა თმის შეჭრასა და შეღებვაზე მოიმატა.

„პანდემიამდე 5 ლარი ღირდა, თუმცა ახლა თმის შეჭრა და შეღებვა 7 ლარი გახდა. ერთი მიზეზი ისაა, რომ პროდუქციაზე რომელსაც ვიყენებთ ფასები გაორმაგდა. დოლარის კურსიც სულ იმატებს. გარდა ამისა, სადეზინფექციო ხსნარები და სხვა რაღაცებიც გვჭირდება, ამიტომ გვიწევს გაძვირება“,-ამბობს თეონა.

მომსახურების საფასური გაიზარდა სილამაზის სალონ „ფეშენშიც“: „ყველაფერზე მოვამატეთ 1-2 ლარი“.

ამ დრომდე იგივე ფასებია „ქვინში“, თუმცა ვარაუდობენ რომ შესაძლოა მათაც მოუწიოთ მომატება.

„ძველი მარაგი გვაქვს, ვნახოთ ახალი პროდუქცია რა ფასში შემოგვივა. ჯერ–ჯერობით ისევ ძველ ფასებში ვემსახურებით“,-გვითხრეს სალონში.

კორონავირუსის პრევენციის მიზნით, სილამაზის სალონებმა და ესთეტიკური მედიცინის ცენტრებმა ჯანდაცვის სამინისტროს მიერ კონკრეტულად მათზე მორგებული რეკომენდაციები უნდა დაიცვან. ესენია:

• მომსახურეობის მიღებამდე მომხმარებლებმა უნდა ისარგებლონ წინასწარი დაჯავშნის სისტემით იმგვარად, რომ არ მოუწიოთ შიდა სივრცეში მოცდა;

• სილამაზის სალონებმა და ესთეტიკური მედიცინის ცენტრებმა მომხმარებლებს და დასაქმებულებს უნდა მიაწოდონ ინფირმაცია ვირუსთან დაკავშირებული პრევენციული ღონისძიებების შესახებ;

• საერთო სივრცეში 5კვ.მ ფართზე უზრუნველყოფილი უნდა იყოს 1 მომხმარებლის დაშვების შესაძლებლობა, თითოეულ სამუშაო უბანს შორის უნდა იყოს დაცული არანაკლებ 2მ დისტანცია (იმ შემთხვევაში თუ ვერ ხერხდება დისტანციის დაცვა, სამუშაო უბნები გამოყოფილი უნდა იყოს ისეთი ბარიერებით, რომლის რეცხვა/დეზინფექციაც შესაძლებელი იქნება)

• ისეთ სალონებს და მედიცინის ცენტრებს, რომლებსაც ჰყავთ 20 და მეტი მომხმარებელი უნდა განახორციელონ დასაქმებულების/ვიზოტორების ყოველდღიური თერმოსკრინინგი (ობიექტზე შესვლის წინ);

• შესასვლელებში უნდა იყოს განთავსებული დეზობარიერები, შესაბამისი სავალდებულო ნიშნის მითითებით;

• იმ შემთხევაში, როდესაც პროცედურა ითვალისწინებს მოცდის პერიოდს, განისაზღვროს კონკრეტული ადგილი მომხმარებლის განსათავსებლად, რომელიც დაშორებული იქნება არანაკლებ 2 მეტრის დისტანციით სხვა პირებისგან;

• ანგარიშწორებისას უპირატესობა უნდა მიენიჭოს ბარათით გადახდას.

გარდა სალონში მომუშავე ადამიანებისა, გარკვეული რეკომენდაციების დაცვა მოეთხოვება თავად მომხმარებელსაც. იგი სალონში დროულად უნდა გამოცხადდეს და სავალდებულა ჰქონდეს ინდივიდუალური დაცვის საშუალებები, მათ შორის პირბადე აუცილებლად. სალონში შესვლისთანავე უნდა ჩაიტაროს ხელის ჰიგიენა.

გარკვეული ვალდებულებები ენიჭებათ დამსაქმებლებსაც, კერძოდ:

• განათავსოს თვალსაჩინო ადგილას განცხადებები COVID-19-ის პრევენციული ღონისძიებების შესახებ;

• სალონის შესასვლელში, დასაქმებულებისა და ვიზიტორებისთვის, განათავსოს ხელის ანტისეპტიკური საშუალებები;

• უზრუნველყოს დასაქმებულები და ვიზიტორები ხელის დაბანის გამართული საშუალებებით (ხელსაბანი ნიჟარა, თხევადი საპონი და ხელის გასამშრალებელი ერთჯერადი ხელსახოცები);

• უზრუნველყოს სამუშაო ადგილები ერთჯერადი ხელსახოცებითა და სუფთა პირსახოცებით;

• უზრუნველყოს დასაქმებულები, სამუშაოს სპეციფიკის გათვალისწინებით შესაბამისი ინდივიდუალური დაცვის საშუალებებით:

- იმ პროცედურების წარმოებისას, როდესაც შესაძლებელია კონტაქტი სისხლთან და ბიოლოგიურ სითხეებთან ერთჯერადი ხელთათმანების გამოყენება.
- იმ პროცედურების წარმოებისას, როდესაც შესაძლებელია სისხლისა და ბიოლოგიური სითხეების გაფრქვევა, დამცავი ტანსაცმელისა და სათვალის გამოყენება.
- ნიღბებით ნებისმიერი პროცედურების დროს. ნიღბების შეცვლა უნდა განხორციელდეს დაბინძურების შესაბამისად, მაგრამ არაუმეტეს 4 საათში ერთხელ.

• მიაწოდოს ინფორმაცია დასაქმებულებს ინდივიდუალური დაცვისა და ჰიგიენური საშუალებების სწორად გამოყენებასა და შემდგომში მათ შენახვა/მოხსნაზე;

• უზრუნველყოს გამოყენებული თეთრეულის ცვლისა და რეცხვის მართებული რეჟიმის დაცვა;

• სამუშაო ადგილებზე განათავსოს ხშირად შეხებადი ზედაპირების დასამუშავებელი სადეზინფექციო საშუალებები და უზრუნველყოს მათი სწორად მოხმარების პრაქტიკა (პერსონალის ინფორმირება/ტრენირება);

• უზრუნველყოს სამუშაო პროცესში გამოყენებული ინსტრუმენტებისა და აღჭურვილობის დეზინფექცია/სტერილიზაცია;

• პერიოდულად, დღეში რამდენჯერმე, უზრუნველყოს სამუშაო სივრცეების/სათავსების ბუნებრივი ვენტილაცია. ბუნებრივი ვენტილაციის შეუძლებლობის შემთხვევაში, უზრუნველყოს ხელოვნური ვენტილაცია გარედან შემოსული ჰაერის გაზრდილი კონცენტრაციით;

• უზრუნველყოს დასაქმებულთა/მომხმარებელთა მიერ გამოყენებული ერთჯერადი ხელსახოცებისა, თუ სხვა გამოყენებული ჰიგიენური ნარჩენებისთვის დახურული კონტეინერების განთავსება, რომელშიც ჩაფენილი იქნება ერთჯერადი პლასტიკური პაკეტი. ნარჩენების პარკის ამოღება და განკარგვა მოახდინოს ერთჯერადი ხელთათმანების გამოყენებით. უზრუნველყოს ასეთი ნარჩენების დროული გატანა შესაბამისი პირის/სამსახურის მიერ;

• მომსახურებისთვის ანგარიშსწორების მაგიდა უზრუნველყოს გამჭვირვალე ბარიერით, უკიდურეს შემთხვევაში დასაქმებული სხვა ინდივიდუალური დაცვის საშუალებებთან ერთად, აღჭურვოს დამცავი ფარით;

• ყოველი სამუშაო დღის შემდგომ უზრუნველყოს სამუშაო სივრცის სველი წესით დალაგება სადეზინფექციო საშუალებების გამოყენებით;

• დამსაქმებელი ვალდებულია ამ რეკომენდაციების შესრულებაზე განახორციელოს კონტროლი.

დასაქმებულთა ვალდებულებები:

• ხელების ადეკვატური ჰიგიენა (სპირტის შემცველი ხელის საწმენდი საშუალებების გამოყენება იმ შემთხვევაში, როცა ვერ ხერხდება ხელების დაბანა. ხილული დაბინძურების, ან ბიოლოგიური სითხეების მოხვედრისას ხელების წყლითა და საპნით დაბანა სავალდებულო წესით);

• ინდივიდუალური დაცვის საშუალებების სრული კომპლექტის გამოყენება სამუშაოს სპეციფიკის გათვალისწინებით;

• შესაბამისი ასეპტიკური პრაქტიკა;

• სტერილიზაციისა და დეზინფექციის კარგი პრაქტიკა;

• თითოეული სამუშაო ადგილის ზედაპირებისა და აღჭურვილობის დასუფთავება, წმენდა, დეზინფექცია ყოველი მომხმარებლის მიღებამდე და მის შემდგომ;

• ხელებით თვალებზე, ცხვირზე და პირზე შეხებისაგან თავის შეკავება, მუშაობის პერიოდში თმის შეკვრა/მჭიდროდ დამაგრება, რათა მაქსიმალურად შეიზღუდოს თმის სახის ზედაპირთან შეხება.

[მარიამ ბარძიმაძე,ახალციხე]


23.09.2020 საფეხური: ბორჯომის ბაღებში სწავლის დაწყების ნებართვას ელოდებიან [აუდიო]

21.09.2020 სამცხე-ჯავახეთის 20 სკოლაში 25 ვაკანტური ადგილია

21.09.2020 ახალქალაქის 8 სოფელში მცირე ბიბლიოთეკები მოეწყო

18.09.2020 1046 სტუდენტი სწავლის გასაგრძელებლად სომხეთში დაბრუნდება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

22.09.2020 1 აშშ დოლარის ღირებულება 3.25 ლარი გახდა

22.09.2020 სამცხე–ჯავახეთში წვიმა და ელჭექია ნავარაუდევი – კვირის პროგნოზი

22.09.2020 GMPP–ის შესარჩევი კონკურსი რეგიონული ონლაინ მედიისთვის

21.09.2020 როცა პანდემიაა და სამცხე-ჯავახეთში ჯანდაცვის რგოლი დუმს - ვინ და რატომ არ აკეთებს კომენტარს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

23.09.2020 SKამბები: 'მრავალგვაროვანი' კლდე [აუდიო]

16.09.2020 SKამბები: მიქელ თამარათი [აუდიო]

10.09.2020 SKამბები: უშახტოდ დარჩენილი მეორე შახტა [აუდიო]

03.09.2020 SKამბები: თუთუნიდან – სოფლის დაცლამდე [აუდიო]

მსგავს თემაზე

რეკომენდაციები სილამაზის სალონებისთვის - ჯანდაცვის სამინისტრო
უნივერსიტეტებში სწავლა დისტანციური არ იქნება
რა რეკომენდაციები უნდა დაიცვან საზოგადოებრივი კვების ობიექტებმა
‘სტუმრებისათვის გამოიყენეთ ერთჯერადი მენიუ’- რეკომენდაციები რესტორნებისთვის
დღეიდან გეგმური სტომატოლოგიური მომსახურება აღდგება
სტომატოლოგთან გეგმიური ვიზიტი პირველ მაისამდე ვერ შედგება – სამინისტრო
COVID-19: რა მოთხოვნებს უნდა აკმაყოფილებდეს სტომატოლოგიური დაწესებულებები