FM97.5 / LIVE

ეროვნული გამოცდები უქმდება

მთავარისაზოგადოება » განათლება 19.06.2012
რატომ უქმდება ერთიანი ეროვნული გამოცდები და რამდენად ვართ მზად ახალი სისტემისთვის

ეროვნული გამოცდები უქმდება

მომავალი წლიდან უმაღლეს სასწავლებლებში გამოსაშვები გამოცდებითა და ზოგადი უნარების ერთი გამოცდით ჩაირიცხებიან. ამის შესახებ საქართველოს პრეზიდენტმა მიხეილ სააკაშვილმა 8 ივნისს, „მასწავლებლის სახლში", პედაგოგებთან შეხვედრისას განაცხადა.

- „ჩვენ ერთიან ეროვნულ გამოცდებს ერთ საგნამდე დავიყვანთ - ტესტირებას უნარ-ჩვევებში, ხოლო აბიტურიენტებს სკოლის გამოსაშვები გამოცდები ჩაეთვლებათ" - განაცხადა პრეზიდენტმა და დასძინა, რომ „ასეთი სისტემა მთელ მსოფლიოში მოქმედებს და ჩვენ ველოსიპედის ხელახლა გამოგონება არ გვჭირდება".

ერთიანი ეროვნული გამოცდები პირველად 2005 წელს ჩატარდა. მისაღები გამოცდების ახალი მოდელის დანერგვა დღემდე ერთ-ერთ ყველაზე წარმატებულ რეფორმად ითვლებოდა ქვეყანაში.

პრეზიდენტის თქმით, ერთიანი ეროვნული გამოცდები საწყის ეტაპზე კორუფციის აღმოსაფხვრელად აუცილებელი იყო. ახლა კი ქვეყანა სიახლისთვის მზადაა.

ახალ, 8+1 ფორმატს საქართველოს განათლებისა და მეცნიერების მინისტრმა დიმიტრი შაშკინმა მსოფლიოში აპრობირებული მოდელი უწოდა.

მისი განცხადებით, 2003-2004 წლების შემდეგ საჯარო სკოლებში ბევრი რამ შეიცვალა, ამიტომ, ეს ცვლილებები ლოგიკურია. არგუმენტად მინისტრმა გამოსაშვები გამოცდების წლევანდელი შედეგები დაასახელა. მისი განცხადებით, წელს სამნახევარჯერ ნაკლები ბავშვი ჩაიჭრა ვიდრე შარშან.

- ”ეს მიუთითებს იმას, რომ განათლების დონე გაიზარდა არა რომელიმე კონკრეტულ საგანში, არამედ რვავე სავალდებულო დისციპლინაში", - განაცხადა დიმიტრი შაშკინმა 12 ივნისს, ”პრაიმ თაიმის" პრესკლუბში გამართულ შეხვედრაზე.

ახალციხის მეექვსე საჯარო სკოლის დირექტორი ზაზა თამარაშვილი ახალ ფორმატს მიესალმება. მისი აზრით, ამით თავიდან ვიცილებთ ორმაგ გამოცდებს. გარდა ამისა, აღმოიფხვრება საქართველოში კარგად ფეხგადგმული ეგრეთ წოდებული რეპეტიტორობის ინსტიტუტი, რომელიც ჯერაც აქტუალურია.

- ”არსად, არცერთ ქვეყანაში არ ხდება ის რეპეტიტორობა, რაც ჩვენს ქვეყანაშია. საქმე სწორედ იქეთკენ მიდის, რომ სკოლის ცოდნით ჩააბაროს ბავშვმა და აღარ დაასჭირდეს რეპეტიტორი - ამბობს იგი და ამატებს, რომ ამისათვის მტავარია სკოლებში სათანადო პირობები შეიქმნას, - თუ პირობები არ იყო, შედეგს ვერ მივაღწევთ”.

სათანადო პირობებში კი ზაზა თამარაშვილი რამდენიმე კომპონენტს გულისხმობს. პირველი და ყევლაზე მთავარი, რაც მისი აზრით უნდა გადაიხედოს, კადრების საკითხია. კვალიფიციური კადრების პრობლემა განსაკუთრებით მაღალმთიანი სოფლების სკოლებშია, სადაც საგანს ხშირად არასპეციალისტები ასწავლიან: ”სკოლებში კვალიფიციური და სერტიფიცირებული კადრები უნდა იყოს. ეს უკვე შექმნის შედეგის გარანტს”.

მეორე, რაც ასევე აუცილებლად უნდა მოწესრიგდეს, სასკოლო პროგრამებისა და სახელმძღვანელოების თემაა.

- ”არ შეესაბამება იმ მოთხოვნებს, რასაც ბავშვის წინაშე ვაყენებთ. ფაქტობრივად ყველა საგნის მასწავლებელს დამატებით ლიტერატურაზე მუშაობა გვიხდება, რომ ის ცოდნა გადავცეთ ბავშვებს, რაც აუცილებელია”, - ამბობს იგი და ამატებს, რომ ამ ყველაფერთან ერთად ყურადღება უნდა მიექცეს სკოლების მატერიალურ-ტექნიკურ ბაზასაც.

მოსაზრებას, რომ ოთხი საგნის ნაცვლად ახლა მოსწავლეები რვა საგანში დაიწყებენ რეპეტიტორთან სიარულს, ზაზა თამარაშვილი კატეგორიულად გამორიცხავს. ამავეს ამბობს ახალციხის პირველი საჯარო სკოლის დირექტორი მაკა ჯანაშვილიც. მართალია ამ სკოლის მოსწავლეები წელს რეპეტიტორებთან ისევ ემზადებოდნენ (ისევე, როგორც სხვა სკოლების ბავშვები), მაგრამ ჯანაშვილის თქმით, სერტიფიცირებული კადრები, რომელთა რაოდენობა ყოველწლიურად იზრდება და გამოცდების ახალი ფორმატი ან ინსტიტუტს საბოლოოდ გაუქმებს.

ეროვნული გამოცდების გაუქმებას ავტომატურად მოჰყვა კითხვა, როგორი უნდა იყოს გამოსაშვები გამოცდის ფორმატი. საატესტატო გამოცდები ეგრეთ წოდებული CAT-ის (კომპიუტერთან ადაპტირებული ტესტებით) ტიპის საგამოცდო მოდელით ტარდება. გამოცდების ეროვნული ცენტრის ყოფილი ხელმძღვანელი მაია მიმინოშვილი მიიჩნევს, რომ ფორმატი უნდა შეიცვალოს.

- „იყოს 9 გამოცდა 12-ის ნაცვლად, ოღონდ იმ ფორმატით, როგორითაც ტარდება გამოსაშვები გამოცდები, მისაღები გამოცდები არ უნდა ჩატარდეს. კომპიუტერზე ადაპტირებული ტესტირება მხოლოდ ერთი ტიპის დავალებებს ითვალისწინებს. ეს არის დახურულ ბოლოიანი კითხვები, სადაც აპლიკანტმა სწორი პასუხი უნდა შემოხაზოს. ბევრი სფერო, ასეთი ტიპის დავალებებით ვერ შემოწმდება”, - აცხადებს მიმინოშვილი.

შეიცვლება თუ არა გამოსაშვები გამოცდების ტესტების მოდელი - ამ კითხვაზე პასუხი ჯერ არ არსებობს. დიმიტრი შაშკინის თქმით, ტესტების ფორმატზე ზრუნვა ექსპერტების კომპეტენციის სფეროა. მიუხედავად ამისა მას, როგორც განათლების მინისტრს, ექსპერტებთან ერთი კატეგორიული მოთხოვნა მაინც აქვს - ტესტების შინაარსი აბსოლიტურად უნდა შეესაბამებოდეს ერთიან ეროვნულ სასწავლო გეგმას.

[ნინო ნარიმანიშვილი, ახალციხე]


10.12.2019 საფეხური: რა იცვლება საჯარო სკოლებში [აუდიო]

10.12.2019 როდის დაიწყება სკოლებში ზამთრის არდადეგები

09.12.2019 'მხიარულ სტარტებში' ახალციხის N1 საჯარო სკოლამ გაიმარჯვა

08.12.2019 არჩევანი – განათლებული და განვითარებული საქართველო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.12.2019 ბორჯომსა და ბაკურიანს ევროპის ზამთრის ოლიმპიური ფესტივალის მასპინძლობის კანდიდატის სტატუსი მიენიჭა

12.12.2019 მთაში მცხოვრები პენსიონერები გაზრდილ პენსიას მიიღებენ

11.12.2019 მესხეთის ქუჩაზე დაზიანებული გზის და ცხაურების გაკეთებას ითხოვენ

11.12.2019 სამცხე–ჯავახეთის პოლიციის დეპარტამენტს ახალი დირექტორი ჰყავს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

მსგავს თემაზე

საქართველოს სკოლებში გამოსაშვები გამოცდები მიმდინარეობს
ხვალიდან გამოსაშვები გამოცდები იწყება
სკოლებში გამოსაშვები გამოცდები მიმდინარეობს
ხვალ, 21 მაისს, საჯარო სკოლებში გამოსაშვები გამოცდები იწყება
2020 წლიდან სკოლის გამოსაშვები გამოცდები მოიხსნება
საჯარო სკოლებში მე–11 კლასის გამოსაშვები გამოცდები დასრულდა
საატესტატო გამოცდები შეცვლილი ფორმატით ჩატარდება