FM97.5 / LIVE

ვახტანგ რობაქიძის მიმართ, პოლიციის მხრიდან შესაძლო ძალადობაზე გამოძიება დაიწყო

მთავარისიახლე, სამართალი 20.01.2020
„ოცნების“ დეპუტატ ანრი ოხანაშვილზე მუქარასა და შეურაცხყოფაში ბრალდებულ ვახტანგ რობაქიძის მიმართ, პოლიციის მხრიდან სავარაუდო ძალადობაზე, სახელმწიფო ინსპექტორის სამსახურმა, გამოძიება დაიწყო. ადვოკატმა უწყებას რობაქიძის დაკავებიდან ხუთი დღის შემდეგ მიმართა.

ვახტანგ რობაქიძის მიმართ, პოლიციის მხრიდან შესაძლო ძალადობაზე გამოძიება დაიწყო

როგორც უწყებაში „სამხრეთის კარიბჭეს“ განუცხადეს გამოძიება დაწყებულია სსკ-ის 333-ე მუხლის მესამე ნაწილით, რაც გულისხმობს სამსახურებრივი უფლებამოსილების გადამეტებას არაერთგზის, ძალადობით ან იარაღის გამოყენებით ან/და დაზარალებულის პირადი ღირსების შეურაცხყოფით. ამ მუხლით გათვალისწინებული დანაშაული ისჯება თავისუფლების აღკვეთით ვადით ხუთიდან რვა წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.

„მიმდინარეობს საგამოძიებო და საპროცესო მოქმედებები, სხვას ამ ეტაპზე ვერაფერს გეტყვით“ - გვითხრეს სახელმწიფო ინსპექტორის საზოგადოებასთან ურთიერთობის სამსახურში.

ვახტანგ რობაქიძის ადვოკატის თქმით, სახელმწიფო ინსპექტორს 18 იანვარს, მისი დაცვის ქვეშ მყოფის დაკავებიდან მეხუთე დღეს მიმართა: „როგორც კი ჩავერთე, იმავე დღეს მივმართე. მანამდე ჩემი დაცვის ქვეშ მყოფს იმის უფლებაც არ მისცეს, რომ ადვოკატი აეყვანა. მისი ყველა უფლება დაარღვიეს“.

მისი თქმით, ძალადობა პოლიციის განყოფილებაში გადაყვანის დღესვე მოხდა და ამ დროს დეპუტატი, ანრი ოხანაშვილიც იქ იმყოფებოდა.

„14–ში დაკავების შემდეგ, როცა გადაიყვანეს განყოფილებაში, მაშინ განხორციელდა ძალადობა. დოკუმენტებით დასტურდება რომ ამ დროს ოხანაშვილიც იქ იმყოფებოდა. ოხანაშვილი განყოფილებაში გადაიყვანეს დახლოებით 22:00 საათზე და გამოკითხვა დასრულდა 01:05 -ზე. რობაქიძე კი განყოფილებაში მიყვანილია 20:00-ზე და კაპეზეში გადაყვანილია 3:00-ზე. სწორედ ამ პერიოდში მოხდა პოლიციის მხრიდან უფლებამოსილების გადამეტება“.

დაკავებულის ადვოკატმა გუშინ სასამართლო პროცესზე განაცხადა, რომ, რობაქიძეს დაკავების შემდეგ პოლიციაში სცემეს: „მუცლის არეში აქვს დაზიანებები და მათ შორის ტკივილი. ხუთი დღის უჭმელია ბატონო მოსამართლე, საერთოდ ვერ ჭამდა ტკივილისგან. მიუხედავად მოთხოვნისა, არ გამოიძახეს სასწრაფო და არ გადაიყვანეს გამოსაკვლევად, არ ჩაუტარდა შემოწმება“.

15 იანვარს გამართულ სასამართლო პროცესზე, სადაც სამდღიანი პატიმრობა შეუფარდეს, რობაქიძეს პოლიციის მხრიდან უფლებამოსილების გადამეტებაზე არ უსაუბრია.

ვახტანგ რობაქიძესა და „ოცნების“ დეპუტატს ანრი ოხანაშვილს შორის ინციდენტი 14 იანვარს, ბაკურიანში მოხდა. დეპუტატმა განაცხადა, რომ მას რობაქიძემ სიტყვიერი შეურაცხყოფა მიაყენა და დაემუქრა.

რობაქიძე სამართალდამცავებმა იმავე დღეს, ადმინისტრაციულ სამართალდარღვევათა კოდექსის 173-ე მუხლით დააკავეს, რაც პოლიციისადმი დაუმორჩილებლობას გულისხმობს. ახალციხის რაიონულმა სასამართლოს მოსამართლემ, მარიკა ჩიტაშვილმა სამდღიანი პატიმრობა შეუფარდა.

პატიმრობის ვადის გასვლისთანავე შსს–მ რობაქძე სსკ-ს 151 და 239 მუხლებით დააკავა, რაც მუქარასა და ხულიგნობას გულისხმობს. გუშინ 19 იანვარს გამართულ პროცესზე რობაქიძეს მოსამართლე მარიკა ჩიტაშვილმა გირაოს სახით, 7 000 ლარის გადახდა დააკისრა. დაკავებულმა ახალციხის დროებითი მოთავსების იზოლატორი იმავე დღეს დატოვა.

საქმის არსებითი განხილვა 11 თებერვალს ჩაინიშნა.

[რობი ზარიძე, ახალციხე]


06.04.2020 ‘ეროვნული გამოცდის ფორმატი ან თარიღი არ შეიცვლება’ - მინისტრი

30.03.2020 პირველი არხის ეთერში 'ტელესკოლა' დაიწყო

30.03.2020 30 მარტიდან პრაქტიკოს მასწავლებელთა და მასწავლებლობის მსურველთა რეგისტრაცია იწყება

20.03.2020 რა პრობლემებს აწყდებიან სამცხე-ჯავახეთის სკოლებში დისტანციური სწავლებისას

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.04.2020 სახალხო დამცველი საკარანტინო ზონებში ვითარების შესწავლას იწყებს

06.04.2020 სამცხე–ჯავახეთში აგრარული ბაზრები მომხმარებლებისთვის ღიაა

06.04.2020 ‘მიწა უნდა დავამუშავო და სახლიდან ვერ გავდივარ, 73 წლის ვარ’ - ახალციხელი ფერმერი

06.04.2020 ახალციხეში, საქართველოს ბანკის სახელფასო ბარათიდან პირს ფული მოუხსნეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ვახტანგ რობაქიძე, რომელიც პოლიციას ძალადობაში ადანაშაულებს ექსპერტიზის ბიუროში შეამოწმეს
'რობაქიძეს პოლიციაში სცემეს, ტკივილების გამო 5 დღის უჭმელია' – ადვოკატი
დეპუტატის შეურაცხყოფასა და მუქარაში ბრალდებული ვახტანგ რობაქიძე თავისუფალია
ოხანაშვილის შეურაცხყოფისთვის დაკავებული პატიმრობაში რჩება
დეპუტატის სიტყვიერი შეურაცხყოფისთვის ვახტანგ რობაქიძეს სამდღიანი პატიმრობა შეეფარდა
‘ოხანაშვილს ვუთხარი, რომ ქვეყნის მოღალატეა’ - რობაქიძე 'ოცნების' დეპუტატთან მომხდარ ინციდენტზე
რუსთავი 2: ბაკურიანში დეპუტატ ანრი ოხანაშვილზე თავდასხმა მოხდა