FM97.5 / LIVE

დამეწყრილი აწყური

მთავარიSK TV » რეპორტაჟი 18.06.2012
შუაზე გადახსნილი ფერდობი, სახლები, ძროხის სადგომები და ეზოები. შვიდი ოჯახი აწყურში მეწყერსაშიშ ზონაში ცხოვრობს.

დამეწყრილი აწყური

მტკვრის მარჯვენა სანაპიროზე, გაღმა აწყურში ფერდობი შუაზეა გადახსნილი, ხრამებია გაჩენილი ამ გორაზე მცხოვრები ოჯახების ეზოებშიც. სახლებში გადახსნილ კედლებს შორის კი მანძილი დღითიდღე მატულობს.

აწყურში მცხოვრებმა მარინა ლაბაძემ სახლზე ბზარები პირველად მაისში მომხდარი მიწისძვრის დროს შენიშნა: “თავიდან ნაკლებად იყო, ახლა თანდათან მატულობს. მალევე გასკდა მიწა ეზოშიც. ასეთ მდგომარეობაში ჩემს გარდა კიდევ ორი ოჯახია”.

დამეწყრილი აწყური

შუაზეა გადახსნილი, აწყურში, ქსენია თაბაგარის სახლიც. ბინაში ჭერსა და იატაკს შორის ხის სვეტებია შეყუდებული, თუმცა ჭერს ეს მაინც ვერ აკავებს, ზოგან ჩამოწეულია, ზოგან კი უკვე ჩამონგრეული. დაბერილია ფანჯრის რაფებიც.

- “ორი კვირა იქნება, რაც გადავიდნენ ამ ბინიდან, - გვიხსნის მარინა ლაბაძე და ამატებს, რომ თაბაგარების სახლის სარდაფში პერიოდულად წყალი ამოდიოდა – ამბობენ, აქ სადღაც, ზევით, მიწაში ტბაა და წყალი იქიდან ჟონავსო”.

მისივე თქმით, ასეთი მდგომარეობა აწყურში სამ ოჯახს აქვს: “თბილისიდან იყვნენ ჩამოსული და ჩვენ პირველი კატეგორია მოგვანიჭეს. გვითხრეს, რომ ბინები სასწრაფოდ უნდა დაგვეცალა, დანარჩენებისთვის კი აქ ცხოვრება ჯერ საშიში არ არისო”.

მარინა ლაბაძის მეზობლად ცხოვრობს იზოლდა გაბარაშვილი. მის ბინაზე ბზარები შედარებით ნაკლებადაა, სამაგიეროდ ძროხის სადგომი შუაზე გადაიხსნა.

“გვითხრეს ბალავერი ამოჭერით სახლის გარშემო და ბინა ისე გაამაგრეთ, ჯერ თქვენთვის საშიში არაა აქ ცხოვრებაო. სახლში ექვსი სული ვართ, ეს მიწა რომ ჩამოცურდეს, ქვევით ჩაგვიტანს ყველას. გვეშინია, მაგრამ სად წავიდეთ?” - კითხულობს გაბარაშვილი.

გაბარაშვილი აქ 30 წელია ცხოვრობს, 34 წელია მის მეზობლადაა მარინა ლაბაძეც.

- “არ ვიცოდით ეს თუ მეწყერსაშიში ზონა იყო. მხოლოდ ერთხელ, ჟვანიას დროს თქვეს, რომ აქედან უნდა გაგასახლოთ, ეს ადგილი მეწყერსაშიშიაო, ეგ იყო და ეგ. არც არავის გავუსახლებივართ და მას შემდეგ არც არავის არაფერი უთქვამს. არც კედლებზე შეგვიმჩნევია ბზარი ამ დრომდე”, - გვიამბობს ლაბაძე.

აწყურში ბინების დაბზარვის შემდეგ, ახალციხის მუნიციპალიტეტის გამგეობა გარემოსდაცვის სამინისტროს დაუკავშირდა, საიდანაც მეწყერსაშიში ზონის შესასწავლად სპეციალური კომისია გამოიგზავნა.

- “დაახლოებით ერთი კვირის წინ იყვნენ გეოლოგები, დღე-დღეზე ველოდებით დასკვნას”, - ამბობს ახალციხის მუნიციპალიტეტის გამგებელი გელა დემეტრაძე.

ამ დროისთვის სამი ყველაზე დაზარალებული ოჯახიდან ერთს უკვე დაცლილი აქვს ბინა, ლაბაძეებისთვისაც სოფელშივე გამოინახა თავისუფალი ფართი.

- “გასაღები უკვე მომცა მეზობელმა, ქირას გამგეობა გადაგვიხდის, დავცლით ბინას ამ დღეებში”, - ამბობს მარინა ლაბაძე.

რაც შეეხება მესამე ოჯახს, გელა დემეტრაძის თქმით, მასაც აქვს შეთავაზება მუნიციპალიტეტის გემგეობიდან, რომ ნახოს ბინა და გადავიდეს, მაგრამ “არ უნდა, ამბობს სახლს არ დავტოვებო”.

დამეწყრილი აწყური

აწყურში, დროებით სხვის ბინებს შეფარებულებმა, არ იციან ასე ცხოვრება რამდენ ხანს მოუწევთ.

- “არ ვიცი აგვიშენებენ ბინებს, თუ გვიყიდიან სოფელში ისევ”, - აცხადებს ლაბაძე.

რამდენხანს მოუწევს, თავის ბინაში, მაგრამ შიშის ქვეშ ცხოვრება, არც იზოლდა გაბარაშვილმა იცის.

გამგებლის განცხადებით, ამ ფერდობზე მცხოვრები შვიდივე ოჯახის საკითხი მას შემდეგ გაირკვევა, რაც გეოლოგები შესაბამის დასკვნას დაწერენ: “დასკვნის მიხედვით ვნახავთ, როგორი პრობლემა იქნება, იქნება ეს ჩვენი გადასაწყვეტი თუ ლტოლვილთა და განსახლების სამინისტროს მოსაგვარებელი. აქ მცხოვრებმა ოჯახებმა სამშენებლო მასალებით დახმარების შესახებაც მოგვმართეს, მაგრამ უარი ეთქვათ. აქ ბინების მშენებლობას აზრი არ აქვს”.

იმედია, ახალციხის მუნიციპალიტეტის გამგეობა დასკვნას გარემოსდაცვის სამინისტროდან მალე მიიღებს. მანამდე კი გაღმა აწყური ყოველღამეს შიშის ქვეშ ატარებს. ბინების ნგრევასთან ერთად სოფელში პირუტყვის დაკარგვის საფრთხეზეც საუბრობენ.

- “ამ ხრამებში რომ ხბო ჩაგვივარდეს, ვეღარც მივაგნებთ”, - ამბობს ლაბაძე.

დამეწყრილი აწყური

[თამუნა უჩიძე, ახალციხე]


23.03.2019 წარმატებული მასწავლებლები დამატებით ანაზღაურებას სკოლის განვითარების ფონდიდან მიიღებენ

22.03.2019 სკოლებში ვიდეოსათვალთვალო სისტემები დამონტაჟდება

22.03.2019 ახალციხელი მოსწავლე ‘გურული დღიურების’ სტიპენდიანტი გახდა

21.03.2019 ‘კატის’ გამოცდებმა არ გაამართლა’– სოფო გორგოძე სკოლის გამოცდების გაუქმებაზე

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

25.03.2019 11 წლის ბიჭის თანაკლასელები პროტესტის ნიშნად სკოლაში არ მივიდნენ

25.03.2019 ‘სამცხე–ჯავახეთში სამი სოციალური მუშაკი გაფიცვას არ შეუერთდა’– დავით გოგალაძე

24.03.2019 სოციალური მუშაკები ახალციხში, ხვალიდან, 25 მარტიდან სამსახურში არ გამოცხადდებიან

24.03.2019 აბასთუმანის ტუბსაავადმყოფო ისე დაკეტეს, რომ ჯერ ახალი არ გაუხსნიათ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

ოთხი ოჯახი კვლავ მეწყერსაშიშ ზონაში რჩება
აწყურში მეწყერის გამო ათზე მეტ ოჯახს სახლი ენგრევა
რატომ ვერ უყიდა დევნილთა სამინისტრომ აწყურში მეწყერით დაზარალებულ ოჯახს ბინა
აწყურში წვიმის და დაღამების ეშინიათ
დაცლილი უბანი აწყურში [Video]
აწყურში მეწყერით დაზარალებული რვა ოჯახი დევნილთა სამინისტროსგან დაფინანსებას ელოდება
დამეწყრილ აწყურში უსახლკაროდ დარჩენილები  გადასახლებაზე უარს აცხადებენ