FM97.5 / LIVE

ბორჯომის პარკის თანამშრომლები ‘ოცნების’ მიერ ორგანიზებულ კონცერტზე

მთავარისიახლე, პოლიტიკა 03.12.2019
კონცერტზე, რომელიც ევროპის კვირეულის გახსნას მიეძღვნა და „ქართული ოცნების“ ორგანიზებით გაიმართა, ბორჯომიდან ცენტრალური პარკის თანამშრომლები წაიყვანეს.

ბორჯომის პარკის თანამშრომლები ‘ოცნების’ მიერ ორგანიზებულ კონცერტზე
ფოტოები კონცერტიდან რედაქციას პარკის თანამშრომლებმა გამოუგზავნეს

ორ დეკემბერს, „ქართული ოცნების“ ახალგაზრდული კვირეულის გახსნაზე, ბორჯომის პარკის თანამშრომლები მიკროავტობუსით წავიდნენ. მათი ნაწილი ამბობს, რომ თანამშრომლებს წასვლა ადმინისტრაციაში დაავალეს.

„ბრძანება იყო გამგეობიდან რომ უნდა წამოხვიდეთ ყველაო და ჩვენს წავედით. ერთ მარშუტკაში ვისხედით ყველა. რომ არ წავსულიყავი სამსახურს დავკარგავდით. კონცერტი იყო და იმის გულისთვის ვიყავით“, - ამბობს ერთ-ერთი თანამშრომელი.

ზოგი მათგანი ამბობს, რომ კონცერტზე იყო, თუმცა შემთხვევით: „მე უბრალოდ ვიყავი თბილისში, გავიარე 15-20 წუთი მოვინახულე ბიჭები [თანამშრომლები] და მერე ისევ დავბრუნდი“.

იმ ფაქტს, რომ კონცერტზე პარკის თანაშმრომლები იმყოფებოდნენ, ცენტრალური პარკის საზოგადოებასთან ურთიერთობის სამსახურშიც გვიდასტურებენ. ამბობენ, რომ თანამშრომლები მიკროავტობუსით წავიდნენ, თუმცა ვისი ორგანიზებით - არ იციან: „ასეთ ინფორმაციას არ ვფლობ, ჯობია დირექტორთან დარეკოთ“.

ბორჯომის პარკის დირექტორი, კოტე კუჭუხიძე კი ამბობს, რომ თბილისში თანამშრომლების კონცერტზე წასვლის შესახებ ინფორმაცია არ აქვს: „მე არ ვარ ქალაქში და რამდენადაც ვიცი, არ იყვნენ წასულები. ჩვენი ორგანიზებით, რა თქმა უნდა, არ მომხდარა წასვლა. აქ იყვნენ სამსახურში ჩვეულებრივად. თავისთვის თუ ვინმე წავიდა, არ ვიცი“.

ბორჯომის მუნიციპალიტეტის მერიაში უარყოფენ, რომ პარკის თანამშრომლები თბილისში მათი ორგანიზებით წავიდნენ.

„ორი დღე მივლინებაში ვიყავი და დღეს გამოვედი, თუმცა მსგავსი რამ რომ ყოფილიყო, აუცილებლად მეცოდინეობდა", – ამბობს ბორჯომის მუნიციპალიტეტის მერის მოადგილე ბუბა ბერიძე.

„საქართველო - ევროსაბჭოს თავმჯდომარე ქვეყანა“ – „ქართული ოცნების“ ახალგაზრდული კვირეული თბილისში, ორბელიანის განახლებულ მოედანზე საზეიმო კონცერტით გუშინ, ორ დეკემბერს გაიხსნა.

ახალგაზრდული კვირეულის ინიციატორი პოლიტიკური გაერთიანება „ქართული ოცნება -დემოკრატიული საქართველოს“ ახალგაზრდული ორგანიზაციაა.

კვირეულის ფარგლებში თბილისსა და რეგიონებში გაიმართება საინფორმაციო კამპანიები თემაზე: „რატომ ევროპა?’“, აქცია-პერფორმანსები, ქუჩის მხატვრობის ფესტივალი და სხვა. აღნიშნულ ღონისძიებაზე იმყოფებოდნენ სამცხე–ჯავახეთის სახელმწიფო უნივერსიტეტის სტუდენტებიც.

ბორჯომის პარკის თანამშრომლები ‘ოცნების’ მიერ ორგანიზებულ კონცერტზე
ფოტოები კონცერტიდან რედაქციას პარკის თანამშრომლებმა გამოუგზავნეს

[თაკო ფეიქრიშვილი, ბორჯომი]


30.06.2020 საფეხური: როგორ ჩატარდება ეროვნული გამოცდები [აუდიო]

27.06.2020 აბიტურიენტებს საგამოცდო ბარათის ამობეჭდვა დღეიდან შეუძლიათ

26.06.2020 სამცხე–ჯავახეთიდან აბიტურიენტები სომხეთში წასვლას შეძლებენ – სომხური მედია

26.06.2020 სომეხი აბიტურიენტები ეროვნული გამოცდების ჩასაბარებლად ერევანში ვერ მიდიან

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.07.2020 პოლიციელებს ხელფასი 125 ლარით გაეზარდათ

01.07.2020 70 წელს ზემოთ პენსიონერებისთვის პენსია 30 ლარით იზრდება

01.07.2020 შშმ პირებს პენსია 30 ლარით ეზრდებათ

30.06.2020 სარო – დევების სამფლობელო

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

‘ოცნების’ მიერ ორგანიზებულ კონცერტზე ახალციხიდან სტუდენტები წაიყვანეს
‘ოცნების’ ორგანიზებულ აქციაზე ბორჯომიდან 2 000 კაცი წავიდა
ბორჯომის ცენტრალური პარკის დირექტორად ლევან ცინცქალაძე დაინიშნა
პუტინი ბორჯომის პარკის ფონზე – სუვენირები ბორჯომიდან
შემოდგომით ბორჯომის პარკის რეაბილიტაცია იგეგმება
ბორჯომის პარკის კონცეფციის კონკურსზე ორი პროექტი შეირჩა [R]
ბორჯომის პარკის განვითარების გეგმა კონკურსანტებმა ჟიურის წარუდგინეს [R]