FM97.5 / LIVE

ახალციხეში კატასტროფების შემცირების კვირეული აღნიშნეს

მთავარისაზოგადოება 15.10.2013
ახალციხის პირველ საჯარო სკოლაში, კატასტროფების შემცირებისადმი მიძღვნილი საერთაშორისო კვირეულის ფარგლებში, დასკვნითი ღონისძიება შედგა.

ახალციხეში კატასტროფების შემცირების კვირეული აღნიშნეს
ღონისძიებაში, რომელიც ჩატარებული აქტივობების პრეზენტაციით დაიწყო, ახალციხისა და ასპინძის საჯარო სკოლების მოსწავლეები მონაწილეობდნენ. მოსწავლეები საუბრობდნენ იმ აქტივობების შესახებ, რაც მათ პროექტის მიმდინარეობისას აკეთეს.

"ჩვენ მეწყერის შეჩერების მიზნით ნერგები დავრგეთ. დღევანდელი პრეზენტაციაც მეწყერს ეხებოდა", - ამბობს ასპინძის პირველი საჯარო სკოლის მე-11 კლასის მოსწავლე სოფო ბერიძე.

2013 წლის სექტემბერ-ოქტომბერში საქართველოს სხვადასხვა რეგიონის 30-ზე მეტი სკოლის მოსწავლეებმა კატასტროფის რისკის შემცირების სფეროში სხვადასხვა პროექტები განახორციელეს: გამართეს საინფორმაციო კამპანიები, ე.წ. "ფლეშმობები", ინტელექტუალური თამაშები, წარმოდგენები, დარგეს ხეები, ჩაატარეს გარემოს დასუფთავების კამპანიები და ა.შ.

კატასტროფის რისკის შემცირებისადმი მიძღვნილი კვირეული „კატასტროფის რისკის შემცირება-დიპეკო“ პროექტის ფარგლებში ჩატარდა. პროექტი ხორციელდება გაეროს ბავშვთა ფონდის, კატასტროფის რისკის შემცირების პროექტის ფარგლებში, რომელიც უკვე მესამე წელია ფინანსდება ევროკომისიის ჰუმანიტარული მისიის მიერ. პროექტი საქართველოს განათლებისა და მეცნიერების სამინისტროს და შსს საგანგებო სიტუაციების მართვის დეპარტამენტთან თანამშრომლობით ხორციელდება.

პროექტი საქართველოს მასშტაბით 10 საპილოტე სკოლაში განხორციელდა, ამ ათიდან ექვსმა სკოლამ საუკეთესო შედეგი აჩვენა. ამ ექვსს შორის მოხვდა ახალციხის პირველი საჯარო სკოლაც. გამარჯვებულ სკოლებს სერთიფიკატები და ფასიანი საჩუქრები გადაეცათ. სერთიფიკატები გადაეცა პროექტში მონაწილე ყველა მოსწავლეს და მასწავლებელს. ფასიანი საჩუქარი მიიღო ასპინძის საჯარო სკოლამაც.

„პროექტი მიზნად ისახავს მოდელის ჩამოყალიბებას, თუ როგორ შეიძლება სკოლაში კატასტროფის რისკის შესახებ ინფორმაციის გავრცელება. ეს სკოლების ჩართვის მეორე ეტაპია. მომავლისთვის ყველა საჯარო სკოლის ჩართვას ვგეგმავთ“,- ამბობს კატასტროფის რისკის შემცირების ცენტრის ხელმძღვანელი ვანო გრიგალაშვილი.

ღონისძიების დასასრულს სკოლაში ხანძრის იმიტაცია მოეწყო. სკოლა მოსწავლეებისგან ორ წუთში დაიცალა. იმიტირებულ პროცესში ახალციხის სახანძრო, სამაშველო და სასწრაფო სამედიცინო სამსახურის თანამშრომლები ჩაერთვნენ.

„პროექტის ფარგლებში მოსწავლეებს ტრენინგები ჩაუტარდათ. საგანგებო სიტუაციის დროისთვის შექმნილი გვაქვს სპეციალური შტაბი, რომლის წევრებს ევალებათ შესაბამის სამსახურებში დარეკონ. მოსწავლეები მომზადებული არიან და ამის შედეგია რომ, ამხელა შენობა ორ წუთში დაიცალა. ახალციხის სამაშველო სამსახურმა სკოლის მეორე სართულის ფანჯრიდან "დაშავებული" მოსწავლეც გამოიყვანა“, - ამბობს ახალციხის პირველი საჯარო სკოლის დირექტორი მაჯა ჯანაშვილი.

კვირეულის ფარგლებში ყურადღება გამახვილებული იყო შშმ მოსწავლეებზეც. კატასტროფის რისკების შემცირების საერთაშორისო დღესთან დაკავშირებით, 27 სექტემბერს, ახალციხის სკოლებს შორის გამართულ კონკურსში მეშვიდე სკოლის შშმ მოსწავლეებიც მონაწილეობდნენ. აღნიშნული სკოლის მოსწავლეებს დღევანდელ ღონისძიებაზე სერთიფიკატები გადაეცათ. პირველი საჯარო სკოლის დირექციამ კი კონკურსში მონაწილე მოსწავლეებს სიმბოლური საჩუქრები გადასცა.

[თინათინ ზაზაძე, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

12.11.2019 მესხეთის თეატრში სპექტაკლი 'თუ ხვალინდელი დღე არ დადგება' გაიმართება

11.11.2019 ვინ გახდნენ ადიგენის საპატიო მოქალაქეები

11.11.2019 ადიგენში ‘ზარზმობის’ დღესასწაულს აღნიშნავენ [ფოტო/ვიდეო]

11.11.2019 შსს-მ ფილმში 'და ჩვენ ვიცეკვეთ' პორნოგრაფია ვერ აღმოაჩინა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

კონკურსი ახალციხის სკოლებს შორის
მიწისძვრის იმიტაცია მეშვიდე სკოლაში
ახალციხის თემების სასკოლო კლუბები კატასტროფების რისკის შემცირების გზებზე დაფიქრდნენ
14 ოქტომბერი ბუნებრივი კატასტროფების რისკის შემცირების საერთაშორისო დღეა
პატარები სტიქიური მოვლენების დროს
ახალციხეში "ევროპის კვირეულის" ფარგლებში ღონისძიებები  გაიმართა
ახალციხელი უფროსკლასელები მაგიდის ჩოგბურთში შეეჯიბრნენ