FM97.5 / LIVE

ნოემბრიდან ბუღაშენში სკოლის მშენებლობა დაიწყება

მთავარისაზოგადოება » განათლება 15.10.2013
იმ ცხრა სოფლის სკოლას შორის, რომელთა მშენებლობასაც განათლების სამინისტრო ნოემბერში დაიწყებს, ერთ-ერთი ახალქალაქის მუნიციპალიტეტის სოფელ ბუღაშენის სკოლაა.

ნოემბრიდან ბუღაშენში სკოლის მშენებლობა დაიწყება
1957-1959 წლებში აშენებული სკოლა გასული საუკუნის 90-იანების შემდეგ აღარ გარემონტებულა. სკოლის ერთ-ერთ კორპუსში განათლებისა და მეცნიერების სამინისტრომ გაკვეთილების ჩატარება აკრძალა. სასწავლო პროცესი შენობის იმ ნაწილში გრძელდება, რომელიც ნაკლებად ავარიულია.

„სკოლასთან ახლოს სახლის დაქირავება მოგვიხდა და 4-5 კლასის გაკვეთილების იქ გადატანა. სხვა გამოსავალი არ გვქონდა. გვითხრეს, რომ ახალი სკოლის მშენებლობა ერთი წელი გაგრძელდება“, - განმარტავს სკოლის დირექტორი თადევოს ფალიანი.

ამ ეტაპზე დაახლოებით 95 ბავშვს გაკვეთილები სახიფათო პირობებში უტარდება. სოფელ ბუღაშენის სკოლა ერთ-ერთია იმ 9 სკოლას შორის, რომელიც საქართველოში უნდა აშენდეს. ახალქალაქის საგანმანათლებლო რესურსცენტრში ირწმუნებიან, რომ სკოლა ექსპლუატაციაში მომავალი წლიდან შევა.

„ახლა წინასწარი მოსამზადებელი სამუშაოები მიმდინარეობს, ტენდერი გამოცხადდება, შენობა კი მზად მომავალ წელს იქნება. სოფლის ცენტრში აშენდება ტიპური შენობა 120 მოსწავლისთვის“, - ამბობს ახალქალაქის საგანმანათლებლო რესურსცენტრის უფროსი ნარცის კარაპეტიანი.

ახალი სკოლის მშენებლობისთვის ფართობი უკვე გამოყოფილია. საქართველოს განათლებისა და მეცნიერების სამინისტროს ინფორმაციით, ასაშენებელი სკოლების პროექტებზე მუშაობა დასრულდა. მალე სკოლების მშენებლობაზე ტენდერი გამოცხადდება.

"ახალი სკოლებისთვის შექმნილ პროექტებში გათვალისწინებულია ყველა დეტალი, ადგილმდებარეობის სპეციფიკა და ის ნიუანსები, რომელიც კონკრეტული სკოლისთვისაა მნიშვნელოვანი. სკოლები, რომლებიც სამინისტროს დაფინანსებით აშენდება, უნდა გამოირჩეოდნენ არა მხოლოდ ფასადური სილამაზით, არამედ, მშენებლობის ხარისხითა და კომფორტულობით. ახალი სკოლები უნდა აკმაყოფილებდეს თანამედროვე ტიპის ზოგადსაგანმანათლებლო დაწესებულების სტანდარტებს და მორგებული იყოს მოსწავლისა და მასწავლებლის საჭიროებებს", - განაცხადა საქართველოს განათლებისა და მეცნიერების მინისტრმა თამარ სანიკიძემ.

ახალი სკოლების მშენებლობა მიმდინარე წლის ნოემბრის ბოლოს დაიწყება და მათი უმრავლესობა ერთ წელიწადში დასრულდება. სკოლების მშენებლობა სახელმწიფოს დაახლოებით 24 მილიონი ლარი დაუჯდება.

შეგახსენებთ, რომ სკოლის ავარიულობის გამო მშობლებს შვილების სასწავლებლად გაშვება ეშინიათ და წლებია, ყურადღებას ითხოვენ.

[აღუნიკ აივაზიანი, ახალქალაქი]


18.10.2019 ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

18.10.2019 ზარზმაში საჯარო სკოლა გაიხსნა

17.10.2019 განათლების სამინისტრო ესეების კონკურსს აცხადებს

16.10.2019 სამცხე-ჯავახეთში კომპიუტერი 200–მდე წარჩინებულ მოსწავლეს გადაეცემა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2019 ევროპა მაგარია! სოციალური რეკლამა [ვიდეო]

21.10.2019 ახალციხის ცენტრალურ სტადიონზე მძლეოსნობაში შეჯიბრი მიმდინარეობს

20.10.2019 ახალციხის თოჯინების თეატრი ხატია პარუნაშვილის დასახმარებლად სპექტაკლს გამართავს

18.10.2019 აბასთუმნელები: ‘საუბრობენ არაზინდოდან ჩვენს გასახლებაზე’

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

მსგავს თემაზე

ბუღაშენში ახალი სკოლა შენდება

არალში ახალი სკოლა აშენდება
2016 წელს, სამცხე–ჯავახეთში, 10 სკოლა გარემონტდება და 3 აშენდება
თამარ სანიკიძემ არალში სკოლის მშენებლობის პროცესი მოინახულა
ბუღაშენში პირველი ენერგოეფექტური სკოლა აშენდა
სოფელ ორგორაში ახალი სკოლა აშენდება, თუმცა, როდის უცნობია