FM97.5 / LIVE

‘როცა თოჯინებით თამაში მინდოდა, უკვე შვილი მყავდა’ - ორი ამბავი ნაადრევ და იძულებით ქორწინებაზე

მთავარისიახლე, საზოგადოება 29.11.2019
ერთი მოიტაცეს, მეორე კი იძულებით გაათხოვეს - ორივე შემთხვევაში, გადაწყვეტილება მშობლებმა მიიღეს. როგორ გაგრძელდა როზასა და რიფსიმეს ცხოვრება იძულებით გათხოვების შემდეგ - „სამხრეთის კარიბჭესთან“ ისინი საკუთარ ისტორიებს ჰყვებიან.

‘როცა თოჯინებით თამაში მინდოდა,  უკვე შვილი მყავდა’ - ორი ამბავი ნაადრევ და იძულებით ქორწინებაზე

როზა - 45 წლის

„27 წლის წინ მომიტაცეს, იმ დღეს სტუმრად ვიყავი დაქალთან წასული, ერთ–ერთ უბანში შევამჩნიე უცხო მანქანა, მაგრამ ყურადღება არ მივაქციე. დაღამებისას დაქალს დავემშვიდობე და სახლში წასვლას ვაპირებდი როდესაც მოულოდნელად ვიღაცამ დამიჭირა და ძალით დამაჯინა მანქანაში. მაშინ ვერც კი მივხვდი რა ხდებოდა, და ვისთვის მომიტაცეს, მოგვიანებით მივხვდი. სიძის სახლში უკვე მელოდებოდნენ. შევედი სახლში სკამზე დავჯექი და დავიწყე ტირილი. ნათესავებმა დაიწყეს ჩემი დარწმუნება, რომ შევეგუო და გავაგრძელო ცხოვრება. მთელი ღამე ვიჯექი ამ სკამზე და ვთხოვდი სახლში დაბრუნებას.

დილით ჩემი მშობლები მოვიდნენ, ერთმანეთში მოილაპარაკეს და მამამ გამაგებინა რომ აღარ წამიყვანს სახლში და უნდა დავრჩე. მაშინდელი მიდგომიდან გამომდინარე, მოტაცებული ქალი სახელგატეხილი იყო. ამიტომაც მშობლებს მოსწონდათ თუ არა სიძე, მაინც ტოვებდნენ ქალიშვილს იძულებით ქორწინებაში. ეს იყო ჩემთვის დიდი დარტყმა, ვტიროდი, ვამბობდი რომ სწავლა მინდა მაგრამ არავის აინტერესებდა. ასე დაიწყო ჩემი ოჯახური ცხოვრება 14 წლის ასაკში. ძალიან ძნელად შევეგუე ახალ ცხოვრებას.

უბრალოდ გამიმართლა, რომ ჩემი ქმარი კარგი და გამგები ადამიანი აღმოჩნდა, 24 წლის იყო თვითონ. 15 წლისამ ვიმშობიარე. როდესაც თოჯინებით თამაში მინდოდა უკვე შვილი მყავდა, ბიჭი. ჩვიდმეტისამ გოგონა გავაჩინე. შვილები დედამთილის დახმარებით გავზარდე. ოცნებად დამრჩა ბუღალტრის პროფესია. 22 წლის ასაკში ჩემმა ბიჭმა ცოლი მოიყვანა, გოგო 21 წლისა გავათხოვე. ქმარი ვერ შევიყვარე, ვცხოვრობ შეგუებით. დღემდე გულში მრჩება ის მომენტი როდესაც მამამ მითხრა რომ ვრჩები, ალბათ ცხოვრების ბოლომდე ვერ დავივიწყებ“.

რიფსიმე - 29 წლის

„14 წლის ვიყავი, როდესაც ვმეგობრობდი ერთ ბიჭთან. მშობლებს საერთოდ არ მოსწონდათ ჩემი მეგობარი, ერთ დღეს მივედი სახლში და დამხვდნენ სახლში უცნობი ადამიანები, დედაჩემმა მითხრა რომ გამათხოვეს. არც მკითხეს და არც აინტერესებდათ ჩემი აზრი. 15 წლის გავხდი როდესაც ცოლად წამიყვანა, ძალიან ძნელი იყო ჩემთვის სხვის ოჯახში ცხოვრება.

ნელ–ნელა წლების განმავლობაში შევეგუე და შემიყვარდა ჩემი ქმარი, გავაჩინე სამი ბავშვი, უფროსი 13 წლის მყავს, უმცროსი ორი წლის. ვფიქრობ, რომ შეიძლება ჩემით რომ დავქორწინებულიყავი, არ მქონოდა ასეთი კარგი ცხოვრება. მომღერლობაზე ვოცნებობდი. ვნანობ იმ წლებზე, რომლებიც ვერ ვიცხოვრე როგორც მინდოდა“.

---------

საქართველოს სამოქალაქო კოდექსის მიხედვით, ქორწინება დასაშვებია 18 წლის ასაკიდან, რადგან პირი არასრულწლოვნად (ბავშვად) სწორედ ამ დრომდე ითვლება. 16 წელს მიღწეული პირის ქორწინება დაიშვება მშობლების ან მზრუნველის წინასწარი წერილობითი თანხმობით.

საქსტატის მონაცემებით, 2018 წელს 16 დან 19 მდე 2 054 გოგონა დაქორწინდა, მაშინ როდესაც, იგივე ასაკის დაქორწინებული ბიჭების რაოდენობა მხოლოდ 326-ია.

UNFPA-ს 2017 წლის კვლევაში ადრეული ქორწინების შესახებ აღნიშნულია, რომ ადრეული/ ბავშვობის ასაკში ქორწინება ჩვეულებრივი და გავრცელებული მოვლენაა მთელი საქართველოს მასშტაბით, დედაქალაქის, ჩათვლით.

"ადრეული ქორწინება არ ახასიათებს მხოლოდ რომელიმე კონკრეტულ ეთნიკურ ჯგუფს ან ტრადიციას. ადრეული/ბავშვობის ასაკში ქორწინების ძირითადი ხელშემწყობი ფაქტორი უთანასწორო გენდერული ნორ¬მები და დისკრიმინაციული გენდერული ურ¬თიერთობებია, რომლებიც ქვეყნის ყველა ეთნიკურ ჯგუფს ახასიათებს როგორც სოფლად, ასევე ქალაქად", - ნათქვამია ანგარიშში.

ერთ-ერთი უახლესი კვლევა, რომელშიც სამცხე-ჯავახეთში ქალთა მიმართ ძალადობისა და ნაადრევი ქორწინების საკითხები მოხვდა, „საქართველოს დემოკრატიულმა ინიციატივამ“ ჩაატარა. მასში აღნიშნული იყო, რომ გოგონათა ნაადრევი ქორწინების პრობლემა რეგიონში დღემდე მწვავედ დგას.

[რიმა სარუხანიან, ახალციხე]


11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

10.07.2020 ეროვნულ გამოცდაზე გასულ აბიტურიენტს კორონავირუსი დაუდასტურდა

09.07.2020 ახალციხეში უფროსი, წამყვანი და მენტორის სტატუსის მქონე პედაგოგებს სერტიფიკატები გადასცეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.07.2020 ‘თურქულ მხარესთან ვთანამშრომლობთ’– მერი ჭაჭარაქში მოპარულ პირუტყვზე

10.07.2020 აქციის მონაწილეების ასვლის შემდეგ ‘უზუნჩაირის’ მთას მომთაბარე მწყემსები ტოვებენ [ფოტო]

10.07.2020 'მერის დაპირების არ გვჯერა, ჩვენ თვითონ გავრეკავთ მთიდან მწყემსებს' – აქციის მონაწილეები [ფოტო/ვიდეო]

10.07.2020 ორი კანონპროექტი და პროტესტი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

გამოკითხვა: ახალციხელები ადრეული ქორწინების შესახებ [Video]
‘ნუ გაათხოვებ’ –  ახალციხეში ნაადრევი ქორწინება გააპროტესტეს
ნუ გაათხოვებ! – იწყება კამპანია ადრეული ქორწინების წინააღმდეგ [Video]
სამცხე-ჯავახეთი ნაადრევი ქორწინების წინააღმდეგ დაწყებულ კამპანიას უერთდება
ახალგაზრდული პროექტი ადრეული ქორწინების პრევენციისთვის
GDI: ჯავახეთში მწვავედ დგას გოგონათა ნაადრევი ქორწინების და ოჯახში ძალადობის პრობლემა
სახალხო დამცველი: მძიმეა ქალთა მიმართ ძალადობის მიმართულებით არსებული რეალობა