FM97.5 / LIVE

რომელი საწარმოები დაჯარიმდნენ ახალციხეში გარემოზე მიყენებული ზიანის გამო

მთავარისიახლე, სამართალი 12.11.2019
ახალციხის მუნიციპალიტეტში საწარმოების შემოწმების შედეგად, გარემოსდაცვითი ზედამხედველობის სამსახურმა ხუთ თვეში 10 750 ლარის ჯარიმა დაწერა. საწარმოების საქმიანობის შედეგად გარემოს 3 179 ლარის ზიანი მიადგა.

რომელი საწარმოები დაჯარიმდნენ ახალციხეში გარემოზე მიყენებული ზიანის გამო

გარემოსდაცვითი ზედამხედველობის სამსახურმა, ივნისი-ნოემბრის პერიოდში, ხუთი თვის განმავლობაში სულ ათი საწარმო შეამოწმა. მათგან შვიდი სხვადასხვა ოდენობის თანხით დაჯარიმდა. ინსპექტირების შედეგად დარღვევები გამოვლინდა ოთხ სახერხ-საამქროში, ქათმების ფერმებში, გაზის გასამართ სადგურებსა და საავტომობილო გზების მშენებელი კომპანიების საქმიანობაში.

შპს „საგზაო სამშენებლო სამმართველო N2“, ასფალტის წარმოებისას გარემოზე მიყენებული ზიანის გამო, ყველზე მეტი თანხით 5 000 ლარით დაჯარიმდა. საქართველოს ადმინისტრაციული კოდექსის მიხედვით, კომპანიამ ჯარიმა სამი მუხლის შესაბამისად მიიღო - მიწის დაბინძურების, დეგრადაციისა და სხვაგვარი გაუვარგისების, მიწის ნაკვეთის არამიზნობრივი გამოყენებისა და გარემოზე ზემოქმედების ნებართვის პირობების ან ეკოლოგიური ექსპერტიზის დასკვნით გათვალისწინებული პირობების დარღვევისთვის.

შპს „ჯეკი“, რომელიც წნისში მდებარეობს და ხე-ტყეს ამზადებს - 2 000 ლარით დაჯარიმდა. მუხლი გადაშენების საფრთხის წინაშე მყოფი ველური ფლორისა და ფაუნის სახეობებით საერთაშორისო ვაჭრობის შესახებ კონვენციის დანართებში შეტანილი სახეობების რეალიზაციას შეეხება.

ატმოსფერული ჰაერის დაბინძურებისთვის დაჯარიმდა სოფელ კლდეში არსებული თხევადი გაზის გასამართი სადგური შპს „ელ პი ჯი გაზი“, ხოლო მიწის დაბინძურების, დეგრადაციის ან სხვაგვარი გაუვარგისებისა და ნაკვეთის არამიზნობრივი გამოყენებისთვის შპს „ჯავახავტოგზა“.

თითოეულისათვის ჯარიმის ოდენობამ 750 ლარი შეადგინა.

ახალციხეში ინდ. მეწარმე, სახერხ საამქროში ტექნიკური რეგლამენტის მოთხოვნების დარღვევის გამო, 1000 ლარით დაჯარიმდა.

ასევე ტექნიკური რეგლამენტის მოთხოვნების გამო, ჯარიმა დაეკისრა სოფელ აწყურში არსებულ სახერხ საამქროსაც. ორგანიზაცია 500 ლარით დაჯარიმდა. ურაველში მდებარე სახერხის მფლობელმა კი სიტყვიერი შენიშვნა მიიღო.

ასევე სიტყვიერი შენიშვნა მიიღო სოფელ კლდეში მდებარე შპს „მესხეთის მეფრინველეობამ“, ხოლო ამავე სოფელში მდებარე ქათმების მეორე ფერმა შპს „ლ.ნ კომპანი“ კი 500 ლარით დაჯარიმდა, ატმოსფერული ჰაერის დაბინძურების წყაროებისა და მათ მიერ გაფრქვეულ მავნე ნივთიერებათა ინვენტარიზაციის ტექნიკური ანგარიშის უქონლობის გამო.

ჯამში ახალციხის მუნიციპალიტეტში დარღვევების შემოწმებიდან ამოღებულმა თანხამ 10 750 ლარი შეადგინა. გარემოსდაცვითი ზედამხედველობის დეპარტამენტის ინფორმაციით, შემოწმებულ ობიექტებს შორის დარღვევა არ დაფიქსირებულა შპს „ახალციხის სავაჭრო ცენტრში“. ხუთი თვის განმავლობაში, გარემოსდაცვითი ზედამხედველობის დეპარტამენტმა სამცხე-ჯავახეთში 63 საწარმო შეამოწმა.

[თაკო ფექირიშვილი, ახალციხე]


28.07.2020 საფეხური: პანდემია და სტრესი ბავშვებში [აუდიო]

25.07.2020 ეროვნული გამოცდების შედეგების გამოქვეყნება სავარაუდოდ, აგვისტოს პირველი ნახევრიდან დაიწყება

23.07.2020 ახალქალაქის 8 სკოლაში ბიბლიოთეკები მოეწყო

22.07.2020 22 ივლისიდან მასწავლებელთა გამოცდები დაიწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

30.07.2020 აღადგენენ თუ არა თეა ბაღდოშვილს და ეკა ტატალაშვილს სამსახურში?

30.07.2020 ახალციხის უნივერსიტეტის მეორე კორპუსში შშმ პირებისთვის ლიფტი გაკეთდება

30.07.2020 30 ივლისს წმინდა მარინეს ხსენების დღე აღინიშნება

30.07.2020 აბასთუმანში ‘გლაზენაპის’ კოშკს სრულად აღადგენენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.07.2020 მესხების მუსხი [აუდიო]

28.07.2020 წადი ამ ზაფხულს ზააბახას

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

მსგავს თემაზე

ზედამხედველობის დეპარტამენტმა ბორჯომში 11 სახერხი საამქრო დააჯარიმა
ახალციხის ბაზარში სასაკლაოს მდინარის დაბინძურებისთვის მეოთხედ დააჯარიმებენ
ახალციხის ბაზარში მდებარე სასაკლაო მეოთხედ დააჯარიმეს
რომელი ობიექტები დაჯარიმდა სამცხე–ჯავახეთში
რატომ დაჯარიმდა ‘დუბლი’ ‘ვარძია’ და ‘ივერია+’
2017 წელს გარემოსდაცვითი კანონმდებლობის დარღვევის 11 625 ფაქტი გამოვლინდა
‘კომენდანტის საათის’ დარღვევისთვის 68 მოქალაქე დაჯარიმდა - შსს