FM97.5 / LIVE
25 არასამთავრობო მთავრობას მოუწოდებს არ შეაფერხოს თვითმმართველობის რეფორმა

25 არასამთავრობო მთავრობას მოუწოდებს არ შეაფერხოს თვითმმართველობის რეფორმა

მთავარიპოლიტიკა 11.10.2013
25 არასამთავრობო ორგანიზაცია, რომელიც ადგილობრივი თვითმმართველობის შესახებ კანონმდებლობის შემუშავებაში მონაწილეობს, ხელისუფლებას მოუწოდებს არ შეფერხდეს თვითმმართველობის რეფორმის პროცესი საქართველოში.

25 არასამთავრობო მთავრობას მოუწოდებს არ შეაფერხოს თვითმმართველობის რეფორმა
განცხადებაში, რომელიც მათ გაავრცელეს ნათქვამია, რომ 2014 წლის დასაწყისამდე ადგილობრივი თვითმმართველობის საარჩევნო სისტემის რეფორმირება უნდა დასრულდეს, რაც მათი განცხადებით, შეიძლება შეფერხდეს ადგილობრივი თვითმმართველობების კოდექსის დაგვიანებით მიღებით. ეს კი ნიშნავს იმას, რომ ადგილობრივი თვითმმართველობის არჩევნები კვლავ ძველი წესით ჩატარდება.

არასამთავრობოები მოუწოდებენ საქართველოს მთავრობას, დროულად მოახდინონ კანონპროექტის ინიცირება საქართველოს პარლამენტში და არ დაუშვან წინა ხელისუფლების მიერ ადგილობრივი თვითმმართველობის რეფორმისას დაშვებული შეცდომების გამეორება.

"ადგილობრივი თვითმმართველობის განვითარება ევროპული ქვეყნების განვითარების ერთ-ერთ არსებით წინაპირობას წარმოადგენს. მოსახლეობასთან მაქსიმალურად ახლო მდგომი თვითმმართველი ორგანოები, მოქალაქეთა საჭიროებებზე მორგებული ტერიტორიული ერთეულები, ფინანსებითა და უფლებამოსილებით აღჭურვილი ადგილობრივი თვითმმართველი ერთეულები (თვითმმართველი ქალაქები და თვითმმართველი თემები) - წარმოადგენენ ქვეყნის შეუქცევადი, დემოკრატიული განვითარების საძირკველს. საქართველოს სწორი განვითარების უმთავრესი ქვაკუთხედი ადგილობრივი თვითმმართველობის სრულყოფილი რეფორმის გატარებაა, რაც დაამკვიდრებს ევროპული ტიპის მმართველობას ქვეყანაში და ხელს შეუწყობს მის შემდგომ ინტეგრაციას ევროპულ თანამეგობრობაში.

2013 წლის 1 მარტს საქართველოს მთავრობამ დაამტკიცა „დეცენტრალიზაციისა და თვითმმართველობის განვითარების სტრატეგიის ძირითადი პრინციპები 2013-2014 წლებისათვის", რომელიც ადგენს, რომ „რეფორმის ამოსავალი პრინციპია მოქალაქეების მაქსიმალური გააქტიურება და უშუალო ჩართულობა მართვის პროცესში. საქართველოს მთავრობა დეცენტრალიზაციის პროცესს განიხილავს ქვეყანაში დემოკრატიისა და მისი შესაბამისი ინსტიტუტების დამკვიდრების საკვანძო ასპექტად".

ხელისუფლების მიერ გაცხადებულ სტრატეგიაზე დაყრდნობით, საქართველოს რეგიონული განვითარებისა და ინფრასტრუქტურის სამინისტრომ, მასთან არსებული თვითმმართველობის განვითარებისა და რეგიონული პოლიტიკის საკითხებში მრჩეველთა საბჭოსა და არასამთავრობო ორგანიზაციათა სამუშაო ჯგუფების მონაწილეობით, შეიმუშავა „საქართველოს ადგილობრივი თვითმმართველობის კოდექსის" კანონპროექტი.

კანონპროექტზე მუშაობის პროცესში, არსებული რეალობისა და ცენტრალური ხელისუფლების წარმომადგენელთა მოსაზრებებისა და შენიშვნების გათვალისწინებით, მოხდა განსხვავებული პოზიციებისა და ხედვების შეჯერება, გარკვეულ კონსესუსამდე მისვლა, რეფორმის განხორციელების ეტაპობრივად დაგეგმვა და ცალკეულ, საკმაოდ პრინციპულ საკითხებზე შეთანხმება.
2013 წლის 26 სექტემბერს საქართველოს პრემიერ-მინისტრთან თვითმმართველობის განვითარებისა და რეგიონული პოლიტიკის საკითხებში მრჩეველთა საბჭოს შეხვედრაზე გამოიკვეთა პრემიერის მკაფიო და გააზრებული მხარდაჭერა ადგილობრივი თვითმმართველობის რეფორმის აუცილებლობისა და შემუშავებული კანონპროექტით გათვალისწინებული კონცეპტუალური საკითხების მიმართ.

უმნიშვნელოვანეს ამოცანად გვესახება 2014 წლის დასაწყისამდე ადგილობრივი თვითმმართველობის საარჩევნო სისტემის რეფორმირების დასრულებაც, რაც შეიძლება შეფერხდეს „ადგილობრივი თვითმმართველობის კოდექსის" დაგვიანებით მიღებით.

ზემოთქმულიდან გამომდინარე, გამოვხატავთ რა მხარდაჭერას „ადგილობრივი თვითმმართველობის კოდექსის" შემუშავებული პროექტის ძირითადი ნაწილის მიმართ, მოვუწოდებთ საქართველოს მთავრობას, დროულად მოახდინოს კანონპროექტის საქართველოს პარლამენტში ინიცირება. საქართველოს, დამოუკიდებლობის მოპოვების შემდეგ, კიდევ ერთხელ ეძლევა რეალური შანსი, გადადგას ქმედითი ნაბიჯი თავისუფალი, დემოკრატიული და ევროპულ ღირებულებებზე დაფუძნებული ადგილობრივი ხელისუფლების ჩამოსაყალიბებლად, რაც მნიშვნელოვნად შეუწყობს ხელს საქართველოს ევროპასთან დაახლოებას.

იმედს გამოვთქვამთ, რომ აღნიშნული პროცესი სწორად წარიმართება და დღევანდელი ხელისუფლებაც არ გაიმეორებს წინა ხელისუფლებების მიერ ადგილობრივი თვითმმართველობის რეფორმისას დაშვებულ შეცდომებს", - ნათქვამია ორგანიზაციების მიერ დღეს, 11 ოქტომბერს გავრცელებულ განცხადებაში.


„ადგილობრივი თვითმმართველობის კოდექსის" პროექტის შემუშავებაში მონაწილე არასამთავრობო ორგანიზაციები:

1.ადამიანის უფლებების სწავლებისა და მონიტორინგის ცენტრი (EMC)
2.ადგილობრივი დემოკრატიის ქსელის ცენტრი
3.ახალგაზრდა იურისტთა ასოციაცია
4.გორის საინფორმაციო ცენტრი
5.დემოკრატ მესხთა კავშირი
6.ევროპული ინიციატივა - ლიბერალური აკადემია თბილისი
7.ეფექტიანი მმართველობითი სისტემებისა და რეგიონების ტექნოლოგიური განვითარების ცენტრი
8.თავისუფალ ჟურნალისტთა სახლი
9.კავკასიის მთიანეთის მდგრადი განვითარების ცენტრი
10.ასოციაცია „კივიტას გეორგიკა"
11.კონსულტაციის და ტრენინგის ცენტრი (CTC)
12.სამოქალაქო მოძრაობა "მრავალეროვანი საქართველო" (PMMG)
13.მწვანე კავკასია
14.საერთაშორისო გამჭვირვალობა - საქართველო
15.საზოგადოებრივი დამცველი
16.სამართლიანი არჩევნებისა და დემოკრატიის საერთაშორისო საზოგადოება (ISFED)
17.არასამთავრობო ორგანიზაცია „სიდა
18.სამოქალაქო ინტეგრაციის ფონდი
19.სამოქალაქო კულტურის საერთაშორისო ცენტრი
20.სამოქალაქო საზოგადოების და დემოკრატიის განვითარების ცენტრი
21.სამოქალაქო საზოგადოების ინსტიტუტი
22.სამოქალაქო საზოგადოების კვლევისა და განვითარების ცენტრი
23.სტრატეგიული კვლევებისა და განვითარების ცენტრი
24.ფონდი "ღია საზოგადოება - საქართველო"
25.ქალაქების თვითმმართველობათა კავშირი


30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

26.05.2020 საფეხური: დისტანციური სწავლება ბორჯომის სკოლებში [აუდიო]

20.05.2020 'ბოლო ზარი' დისტანციურად

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

01.06.2020 ნიკოლ ფაშინიანს კორონავირუსი აქვს

01.06.2020 პირველი ივნისიდან ყველა სახის სავაჭრო ობიექტი გაიხსნა

01.06.2020 წაღვერში მილიონ ლარად რეაბილიტირებულ კულტურის სახლში წყალი ჩავიდა

31.05.2020 ‘ყოველი მეოთხე ადამიანი გვეღუპება თამბაქოს მოხმარებით, აქედან 300 ბავშვია’ - სტურუა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

თვითმმართველობის განვითარების ხელშეწყობისთვის ჟურნალისტებმა ქსელი შექმნეს
თვითმმართველობის კოდექსს რეგიონული მედიისა და არასამთავრობო ორგანიზაციების წარმომადგენლები გაეცნობიან
ახალციხეში თვითმმართველობის განვითარების სტრატეგიაზე იმსჯელეს
სამცხე–ჯავახეთში ადგილობრივი დემოკრატიის განვითარების საქმეში მოქალაქეთა როლზე იმჯელებენ
NGO-ები: დაუშვებლად მიგვაჩნია ასეთი მნიშვნელოვანი ცვლილებები წარიმართოს საზოგადოების ზურგს უკან
მომავლის თვითმმართველობა
ახალციხეში თვითმმართველობის რეფორმაზე მსჯელობენ