FM97.5 / LIVE

მატარებლის მოლოდინში [ფოტო/ვიდეო]

მთავარისიახლე, რეპორტაჟი 01.11.2019
16 წელია სოფელ წნისში რკინიგზის დაცულ გადასასვლელს დარაჯობს, მიუხედავად იმისა, რომ ამ გზაზე მატარებლები იშვიათად დადიან, თავისუფალი დრო მაინც არ აქვს, ამოწმებს ლიანდაგებს და ოცნებობს იმ დროზე, როდესაც ვალე–თბილისის მიმართულებით მატარებლები ისევ აქტიურად ივლიან.

მატარებლის მოლოდინში [ფოტო/ვიდეო]

62 წლის გიზო დევაძე, სოფელ წნისთან სალიანდაგო გზის დაცულ გადასასვლელს 16 წელია დარაჯობს. სამ დღეში ერთხელ, 12 საათი მორიგეობს. ზოგჯერ ღამით სამსახურში რჩება, რადგან კაბინა, რომელიც სალიანდაგო გადასასვლელთან დგას, არ უნდა დაიკეტოს.

სამსახურში 07:00 საათზე მიდის, ცვლას იბარებს, შემდეგ კი რელსების შემოწმებას იწყებს. სპეციალური ხელსაწყოებით ლიანდაგების სიმყარეს სინჯავს და ამაგრებს.

„დაახლოებით 50 მეტრზე უნდა დავათვალიერო და შევაკეთო ლიანდაგი, იმისათვის რომ მატარებელმა მყარად გაიაროს. დანარჩენს რკინიგზის სხვა თანამშრომლები ხედავენ“, - გვეუბნება გიზო.

რელსების შემოწმების შემდეგ, კაბინაში ბრუნდება და ტელეფონს დარაჯობს. მიუხედავად იმისა, რომ ამ გზაზე მატარებელი იშვიათად დადის, მაინც ყურადღებით უნდა იყოს. მოახლოებული მატარებლის შესახებ გიზოს უახლოესი სადგურიდან ატყობინებენ.

„განრიგის გარეშე დადის მატარებელი, როდის გამოჩნდება ან როდის დარეკავენ კაცმა არ იცის. ხან დღეში ორჯერ მოდის, ხან სამი დღე არ გამოჩნდება. აქ ძირითადად სატვირთო მატარებლები არიან, ხან ნავთობი გადააქვთ, ხან ტრანსპორტი, ხან ჯარის ტექნიკა“, - ამბობს გიზო.

გიზო გვეუბნება, რომ როცა მატარებელი არ ჩანს, თავისუფალ დროს წიგნებს კითხულობს, ხან რადიოს უსმენს, კაბინაში სხვა საინფორმაციო წყარო არ აქვს.

რკინიგზის მორიგეს პატარა ოთახი ტელეფონით, გადამცემით, ფანარით, წითელი და ყვითელი დროშებით არის აღჭურვილი. აქვეა სამედიცინო კარადაც, სადაც პირველადი დახმარების მედიკამენტები ინახება - „მუდმივად აქ ვართ მორიგეები და საჭიროა ეს კარადა, რაიცი რა ხდება. აქ ყველაფერს თავის დანიშნულება აქვს და საჭიროა. დროშებს იშვიათად მაგრამ ვიყენებთ ხოლმე, მაგალითად ყვითელს, ამით მოძრაობას ვარეგულირებ“.

პატარა ოთახში სტალინის ფოტოც აქვთ, ამბობს, რომ წლების წინ ეს ფოტო ყოფილმა თანამშრომელმა დაკიდა: „როგორც ჩანს უყვარდა სტალინი და ახლაც აქ არის, არ ვხსნით“.

გიზო დევაძე რკინიგზაში სამუშაოდ 2003 წელს მივიდა, ამბობს, რომ მაშინ ვალე-თბილისის მატარებელიც დადიოდა და შედარებით, მუშაობის აქტიური რეჟიმი ჰქონდა. 2010 წლიდან სამგზავრო მატარებელი გაუქმდა და ახლა ეს ლიანდაგები, მხოლოდ სატვირთო მატარებლის გზად იქცა.

გიზო ბუღალტერია, გარკვეული პერიოდი თავისი პროფესიითაც იმუშავა, თუმცა ამ საქმეში თავის თავი ვეღარ დაინახა და გადაწყვიტა რკინიგზაში ეცადა ბედი - „მე თვითონ წნისიდან ვარ, სახლი აქვე მაქვს და ვმუშაობ. ძალიან შემიყვარდა ჩემი საქმე და აქ იმიტომ ვარ. ვფიქრობ რომ ამ გზითაც ვემსახურები საქართველოს“.



მატარებლის მოლოდინში [ფოტო/ვიდეო]

[ლუბა გიორგაძე, ზურა სულაბერიძე, ახალციხე]


03.06.2020 ახალციხის ბაღებში აღსაზრდელთა რეგისტრაცია მიმდინარეობს – რა დოკუმენტებია საჭირო

01.06.2020 'აბიტურიენტებისთვის გამოცდები სრულიად უსაფრთხოდ ჩატარდება' – ტიკარაძე

30.05.2020 პირველკლასელთა რეგისტრაციის მესამე ეტაპი იწყება

29.05.2020 ექსტერნის გამოცდებზე რეგისტრაცია იწყება

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.06.2020 ‘სოფელი არ ჩაიკეტება, იგეგმება მოსახლეობის თერმოსკრინინგი’ – სამხარეო ადმინისტრაცია

04.06.2020 ‘ინფიცირებული სოფელში ორ გასვენებაში იმყოფებოდა’ - ნინოწმინდის ჯანდაცვის ცენტრი

04.06.2020 ‘სოფლის ჩაკეტვა იგეგმება’ – ყაურმის რწმუნებული

04.06.2020 '44 წლის ნინოწმინდელ კაცს, რომელიც შეცდომით სახლში გაუშვეს კორონავირუსი დაუდასტურდა' – ჯანდაცვის ცენტრი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

03.03.2020 ლავაში, თაფლი და ‘ტაროსიკები’ - როგორია ტრადიციული სომხური ქორწილი [ვიდეო]

28.02.2020 რელიგიური უმცირესობების გასაჭირი - ვის აფინანსებს ხელისუფლება [ფოტო/ვიდეო]

მსგავს თემაზე

ლიანდაგი მატარებლის გარეშე
ლარები, დასახლება ექვსი კომლით [Photos]
მორიკონეს კონცერტისთვის მატარებლის დამატებითი რეისი დაინიშნა [R]
საქართველოს რკინიგზის განცხადება [R]
ბორჯომსა და ბაკურიანს განახლებული მატარებელი მოემსახურება
24 დეკემბერს მსვლელობიდან იხსნება მატარებელი № 12/11 (18/17) თბილისი - ქუთაისი - ოზურგეთი ®
ყარსი–ახალქალაქის რკინიგზაზე სატესტო მატარებელი გაივლის