FM97.5 / LIVE

‘ნახევარი სოფელი უკვე ვიყიდე’– მეუფე ნიკოლოზი ნინოწმინდაში სახლებს ყიდულობს

მთავარისიახლე, საზოგადოება 30.10.2019
ახალქალაქისა და კუმურდოს ეპარქიის მიტროპოლიტი, ნიკოლოზ ფაჩუაშვილი ნინოწმინდის მუნიციპალიტეტის სოფელ ასფარაში სახლებს ყიდულობს. ამბობს რომ დაცლილ სოფელში „ოაზისი“ უნდა გააკეთოს.

‘ნახევარი სოფელი უკვე ვიყიდე’– მეუფე ნიკოლოზი ნინოწმინდაში სახლებს ყიდულობს

მეუფე ნიკოლოზმა ასფარაში მიტოვებული სახლების ყიდვა დაახლოებით 10 წლის წინ დაიწყო. თითო სახლში ეპარქია 2500–8000 დოლარს იხდის.

საჯარო რეესტრის მონაცემების მიხედვით, ბინები და მიწის ნაკვეთები ააიპ ახალქალაქისა და კუმურდოს ეპარქიის სასწავლო ცენტრზეა დარეგისტრირებული. 2013–18 წლებში ააიპ–მა, რომლის დირექტორი თავად მეუფეა [ერისკაცობაში პაატა ფაჩუაშვილი ს.კ], ასფარაში 18 სასოფლო სამეურნეო ნაკვეთი შეიძინა, აქედან ოთხი საკარმიდამოა.



სოფელი ასფარა, ნინოწმინდაში, ფარავნის ტბის დასავლეთ ნაპირზე მდებარეობს. ისტორიულ სოფელში დაახლოებით 32 სახლი დგას, აქ მუდმივად მხოლოდ ერთი ოჯახი ცხოვრობს. დანარჩენი სახლების კარი ფიცრებითაა აჭედილი ან ბოქლომი ადევს. ასფარაში ადამიანების ხმა მხოლოდ ისპირიანების ოჯახიდან გამოდის.

ახალქალაქისა და კუმურდოს ეპარქიის მიტროპოლიტს იმ სახლის ყიდვაც სურს, სადაც ისპირიანები ცხოვრობენ, თუმცა ამბობს, რომ ოჯახი სახლს ძალიან ძვირად ყიდის.

ნიკოლოზ ფაჩუაშვილს ასფარას ადგილმდებარეობა და ისტორიული წარსული იზიდავს. ამბობს, რომ სოფელში სახლებს ააშენებს, კეთილმოაწყობს შემდეგ კი ძვირად გაყიდის.

„პირველ რიგში აქ სახლებს ავაშენებ. სოფელი შემოსაზღვრული იქნება გალავნით. სახლებში გათბობა ქარსა და მზეზე იქნება. ანუ ლამაზი სახლები იქნება, თავისი ეზოთი, რომელშიც აუცილებლად დავთესავთ კარტოფილს, თან ეს ნესტიანი მიწაა და ხშირი მორწყვა არ დასჭირდება. ნატურალური მეურნეობა იქნება. დაყენდება ყველგან კამერები და სახლის მფლობელს შეეძლება თავისი სახლის კონტროლი. ცხოვრება ყველას შეეძლება, ოღონდ რა თქმა უნდა აქ სახლები იაფი არ იქნება“, – ამბობს მეუფე.

მისივე განმარტებით, ასფარაში სახლებს ეპარქიის ფულით და შემოწირულობებით ყიდულობს.

„აქ საპატრიარქო არაფერ შუაშია, ჩვენ ვყიდულობთ ნელ–ნელა. გარდა ამისა გვეხმარებიან ბიზნესმენები. აი მაგალითად, რუმინეთში რომ ვიყავი, იქ ერთ–ერთი მონასტრის წინამძღვარს ვუთხარი ამის შესახებ და ერთი სახლი მან მიყიდა. მინდა ნამდვილი ოაზისი გავაკეთო. გერმანიაში მიუნხენის ბოტანიკური ბაღის დირექტორი გავიცანი, რომელიც თურმე ასფარაში ნამყოფი ყოფილა და მითხრა რომ სოფელში კარგი ბაღიც გაკეთდება“.

მისი თქმით ერთ–ერთი მთავარი მიზეზი, რის გამოც ასფარა შეარჩია, სოფლის ისტორიული ღირებულებაა. მეუფე გვიყვება, რომ როდესაც ერთ–ერთი სახლი იყიდა, თავლაში გვირაბი აღმოაჩინა, რომელიც გადიოდა სოფელში არსებულ მეათე საუკუნის ეკლესიასთან და ასევე, ფარავნის ტბასთან. მას სურს, რომ ამ ადგილებით ძეგლთა დაცვის ეროვნული სააგენტო დააინტერესოს, თუმცა ვერ მოახერხა.

მეუფე ამბობს, რომ როდესაც მთლიან სოფელს იყიდის, იქ სახელმწიფოს კუთვნილებაში არსებული საძოვრებიც ეპარქიის გახდება.

სოფლის ერთადერთი მკვიდრი ჰაირაპეტ ისპირიანი თანახმაა სახლი მეუფეს მიჰყიდოს, მაგრამ ამბობს, რომ თანხაზე ვერ შეთანხმდნენ.

„სოფელში რამდენიმე სახლი ეპარქიას ეკუთვნის და ჩემის ყიდვაც უნდოდათ, მაგრამ 3 000 დოლარი შემომთავაზეს, ამ თანხით რა უნდა ვქნა, ვერსად ვიცხოვრებ. 25 000 დოლარს თუ გადამიხდიან მივყიდი“, – ამბობს ჰაირაპეტი.



‘ნახევარი სოფელი უკვე ვიყიდე’– მეუფე ნიკოლოზი ნინოწმინდაში სახლებს ყიდულობს

‘ნახევარი სოფელი უკვე ვიყიდე’– მეუფე ნიკოლოზი ნინოწმინდაში სახლებს ყიდულობს

‘ნახევარი სოფელი უკვე ვიყიდე’– მეუფე ნიკოლოზი ნინოწმინდაში სახლებს ყიდულობს

ასევე გირჩევთ:

ასფარა – სოფელი ჯავახეთში ერთადერთი კომლით

[მარიამ ბარძიმაძე, ნინოწმინდა]


19.02.2020 შრომატევადი და დაძლეული საქმე - მენტორის სტატუსის მქონე მასწავლებლები სამცხე-ჯავახეთიდან

13.02.2020 ჟვანიას სკოლამ ახალციხეში 'სახელმწიფო ენის სწავლების პროგრამის' კურსდამთავრებულებს სერტიფიკატები გადასცა

10.02.2020 ესეების კონკურსში ახალციხელმა სტუდენტებმა გაიმარჯვეს

10.02.2020 ახალქალაქში, ბურნაშეთისა და ბარალეთის სკოლებში ბიბლიოთეკები მოეწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

19.02.2020 ნინოწმინდის მუნიციპალიტეტში 600-მდე აბონენტს 15 დღეა წყალი არ აქვს

19.02.2020 სად და რა ფასად შეიძენთ საშეშე და სამასალე მერქანს

19.02.2020 საავტომობილო გზების დეპარტამენტი ხულო-ზარზმის გზის მშენებელ კომპანიასთან ხელშეკრულებას წყვეტს

19.02.2020 სამცხე-ჯავახეთში სოციალური სააგენტოდან 6 თანამშრომელი გაათავისუფლეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

15.02.2020 თისელის ამბებს გიყვებით [ფოტო]

14.02.2020 გორგული – გორებს შორის მოქცეული სოფლის ისტორია [ფოტო/ვიდეო]

21.01.2020 ქიქინეთი - ბუნების იმედად დარჩენილი სოფელი [ფოტო/ვიდეო]

17.12.2019 ლოკოკინებზე ‘მონადირეები' სოფელ აწყვიტიდან [ფოტო/ვიდეო]

მსგავს თემაზე

ახალქალაქისა და კუმურდოს ეპარქიამ ასფარაში კიდევ ორი მიწის ნაკვეთი იყიდა
ასფარა – სოფელი ჯავახეთში ერთადერთი კომლით [Photo/Video]
ფოკაში 33 წლის კაცის მკვლელობაში ბრალდებულს მესამე სახლი დაუწვეს
ნინოწმინდაში სახლების და მანქანების დაწვიდან ერთი წლის თავზე პოლიციას არავინ დაუკავებია
‘სახლებს წვავდნენ და  თან სელფებს იღებდნენ’ – რა მოხდა ფოკაში მკვლელობამდე და მკვლელობის შემდეგ
ბორჯომისა და ბაკურიანის ეპარქიის ხელმძღვანელად ეპისკოპოსი ლაზარე დაინიშნა
რამდენ ჰექტარს ფლობს საპატრიარქო სამცხე-ჯავახეთში