FM97.5 / LIVE

'ოცნების' დეპუტატის შვილთან მომხდარი ჩხუბის გამო პოლიციელმა სამსახური დატოვა

მთავარისიახლე, შემთხვევა 25.10.2019
ახალციხე–ადიგენის მაჟორიტარი დეპუტატის, გიორგი კოპაძის შვილსა და სამართალდამცველს შორის დაპირისპირების ფაქტი, პოლიციელის, ლაშა მამუკაშვილის გათავისუფლებით დასრულდა. საქმეს პროკურატურა იძიებს.

'ოცნების' დეპუტატის შვილთან მომხდარი ჩხუბის გამო პოლიციელმა სამსახური დატოვა

დაპირისპირება, რის გამოც ახალციხის რაიონული სამმართველოს თანამშრომელი ლაშა მამუკაშვილი სამსახურიდან წავიდა, ახალციხეში, ტექნიკის მაღაზია „ელიტ-ელექტონიქსის“ წინ, კოსტავას ქუჩის N42-ის მიმდებარედ, ღამით მოხდა.

„სამხრეთის კარიბჭეს“ წყაროს ინფორმაციით, დაპირისპირებულებს შორის, ერთ მხარეს ახალციხე-ადიგენის მაჟორიტარი დეპუტატის შვილი, ელგუჯა კოპაძე და მისი მეგობრები, მეორე მხარეს კი სოფელ ივლიტას მცხოვრებლები, პოლიციელი ლაშა მამუკაშვილი, მისი ძმა და მათი მეგობრები იყვნენ.

შემთხვევა ივლისის შუა კვირაში მოხდა. დაპირისპირების შემდეგ ლაშა მამუკაშვილმა სამსახური დატოვა. იგი მომხდარის შესახებ არ საუბრობს, თუმცა ადასტურებს, რომ დაიკითხა. საქმეს პროკურატურა იძიებს.

მომხდარი ჩხუბის შესახებ "სამხრეთის კარიბჭემ" ადგილობრივები გამოკითხა.

„მეორე დილით „ელიტ-ელექტონიქსის“ წინ სისხლები იყო დაქცეული. ალბათ დანა გამოიყენეს. მერე თეთრსაროჩკიანი ბიჭი მოვიდა და გვკითხა რამე ხომ არ ვიცოდით“, - ამბობს კოსტავას ქუჩაზე ერთ–ერთი მცხოვრები.

„ვიცი მაგ ჩხუბზე, უფრო სწორად, პროკურატურიდანაც იყვნენ და გვკითხეს, მაგრამ არაფერი გაგვიგია. როგორც ჩანს, ძალიან გვიან მოხდა“, - ამბობს კოსტავას N42-ში მცხოვრები.

"ელიტ-ელექტრონიქსის" ადმინისტრაციაში აცხადებენ, რომ კამერები შეამოწმეს, მაგრამ მათგან ვერაფერი ამოიღეს, რადგან ამ დროის მონაცემები არ დაფიქსირებულა.

„სამხრეთის კარიბჭესთან“ დაპირისპირებას უარყოფენ თავად ჩხუბის მონაწილეები. მომხდარზე არ საუბრობს არც ლაშა მამუკაშვილი, რომელმაც სამსახური დატოვა: „არაფერი ჩხუბი არ მომსვლია. ნახვამდის“.

სატელეფონო ზარებს არ პასუხობს ელგუჯა კოპაძეც.

სისხლის სამართლის კოდექსის რომელი მუხლით დაიწყო გამოძიება, პროკურატურაში არ გვეუბნებიან: „საქმე აღძრულია, მიმდინარეობს გამოძიება, გამოიკითხნენ მოწმეები და დანიშნულია ექსპერტიზები“. უწყებაში სხვა დეტალებზე არ საუბრობენ.

[თაკო ფეიქრიშვილი, ახალციხე]


28.09.2020 საბავშვო ბაღებში სწავლის დაწყება 12 ოქტომბრამდე გადაიდო

23.09.2020 საფეხური: ბორჯომის ბაღებში სწავლის დაწყების ნებართვას ელოდებიან [აუდიო]

21.09.2020 სამცხე-ჯავახეთის 20 სკოლაში 25 ვაკანტური ადგილია

21.09.2020 ახალქალაქის 8 სოფელში მცირე ბიბლიოთეკები მოეწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

29.09.2020 სურსათით დატვირთულ მანქანებს საზღვრის გადაკვეთის უფლება მისცეს [ვიდეო]

28.09.2020 ‘არ დავიშლებით, ჰუმანიტარული დახმარების წაღება გვსურს’ – რა ვითარებაა საქართველო–სომხეთის საზღვართან

28.09.2020 საქართველო–სომხეთის საზღვართან აქცია იმართება [ვიდეო]

27.09.2020 ახალციხელმა სპორტსმენმა უკრაინაში საერთაშორისო ტურნირში გაიმარჯვა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

26.09.2020 ორი კრისტინას ამბავი - დუხობორების მომავალი საქართველოში

23.09.2020 SKამბები: 'მრავალგვაროვანი' კლდე [აუდიო]

22.09.2020 როცა მუდმივად ეძებ - ახალგაზრდა არქეოლოგი ახალციხიდან [ვიდეო]

16.09.2020 SKამბები: მიქელ თამარათი [აუდიო]

მსგავს თემაზე

პოლიციელებსა და არასრულწლოვნებს შორის მომხდარი ჩხუბის ფაქტს ომბუდსმენი შეისწავლის
ახალქალაქში დაპირისპირების ფაქტზე გამოძიება დაიწყო
ნინოწმინდაში მომთაბარე მწყემსებთან მომხდარი ჩხუბის შედეგად 11 პირი დააკავეს
ახალქალაქში მკოიანების ბენზინგასამართ სადგურთან მომხდარი ჩხუბის გამო ერთი პირი დააკავეს
ხუმრობა თუ სისხლიანი გარჩევა – რა მოხდა რაბათში
სამი ახალგაზრდის მკვლელობის საქმეს ერთი საქმე გამოეყო
ახალციხეში  ფიზიკური დაპირისპირების შედეგად  17 წლის ბიჭი  დაშავდა