FM97.5 / LIVE

ზაკის სკოლის მასწავლებელი: სამინისტრო საქვაბის მშენებლობაზე ნებართვის გაცემას აჭიანურებს

მთავარისიახლე, საზოგადოება 20.10.2019
ახალქალაქში, სოფელ ზაკის საჯარო სკოლის მასწავლებელი აცხადებს, რომ განათლების სამინისტრო სკოლის გათბობისთვის, საქვაბის მშენებლობაზე ნებართვის გაცემას აჭიანურებს. „საფრთხე, რომლის წინაშეც მე და ჩემი მოსწავლეები ვდგავართ, მაიძულებს განგაში ავტეხო“,- წერს ფეისბუქის გვერდზე მასწავლებელი.

ზაკის სკოლის მასწავლებელი: სამინისტრო საქვაბის მშენებლობაზე ნებართვის გაცემას აჭიანურებს

ზაკის სკოლის მასწავლებელმა, ცაულინა მალაზონიამ სკოლაში არსებულ პრობლემაზე საკუთარ ფეისბუქზე დღეს, 20 ოქტომბერს დაწერა. მისი თქმით, ახალქალაქის მუნიციპალიტეტის სოფელ ზაკის საჯარო სკოლაში ცენტრალური გათბობის სისტემა მიმდინარე წელს დამონტაჟდა. შემოწირულობა ადგილობრივმა ბიზნესმენებმა გაიღეს, თუმცა სამუშაოების დასრულება ვერ ხერხდება.

„ვისაც ჯავახეთის სკოლებში თუნდაც ერთი ზამთარი გაუტარებია, ადვილად მიხვდება რამხელა სიკეთე და კომფორტია ეს მოსწავლეებისთვის, აქ მომუშავე პერსონალისთვის, ასევე საქართველოს ტყეებისთვის. სხვა თუ არაფერი, სკოლაში ჩაქრა 14 ღუმელი, რომელიც ყოველ სეზონზე ათეულობით კუბურ მეტრ შეშას წვავდა.

თუმცა, იმისთვის, რომ გათბობა ჩაირთოს, საქვაბეა საჭირო, რომლის მშენებლობაზე ნებართვის გაცემასაც სამინისტრო უკვე თვეებია აჭიანურებს. გასათვალისწინებელია, რომ მშენებლობა 1-2 დღეში ვერ დასრულდება, არადა დღეს 20 ოქტომბერია!“, – წერს ცაულინა მალაზონია.

მისი თქმით, სკოლის დირექცია დოკუმენტურად, კანონიერად ცდილობს ამ საკითხის მოგვარებას, „მაგრამ საფრთხე, რომლის წინაშეც მე და ჩემი მოსწავლეები ვდგავართ, მაიძულებს განგაში ავტეხო: სულ მალე კარს მოგვადგება ზამთარი - უმკაცრესი ყინვით, აუღებელი თოვლით და დაუმთავრებელი ცენტრალური გათბობის გამო ჩვენი სკოლა მას ისეთი მოუმზადებელი შეხვდება, ღუმელის გამონაბოლქვით სავსე საკლასო ოთახები სანატრელი გაგვიხდება. ეს კი მხოლოდ იმის გამო, რომ ზოგიერთ სტრუქტურას უჭირს გადაწყვეტილების დროულად მიღება.

ასეთი რამ კი ნაკლებად მოხდება, თუ კი სამინისტროს წარმომადგენლები მხოლოდ კეთილმოწყობილ სკოლებში ვიზიტებს არ დასჯერდებიან და ზოგჯერ მაღალმთიანი ზონის სასწავლო დაწესებულებებში არსებული მდგომარეობითაც დაინტერესდებიან.
ნუ გაგვყინავთ! დააჩქარეთ ნებართვა!!!“

რატომ ჭიანურდება მშენებლობაზე ნებართვის გაცემა, ამ საკითხთან დაკაშირებით "სამხრეთის კარიბჭე" განათლების სამინისტროდან პასუხს ელოდება.

[sknews.ge]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.11.2019 თამარაშვილის ქუჩაზე სანიაღვრე არხის რეაბილიტაციისთვის ტენდერი გამოცხადდა

14.11.2019 რა გაკეთდება რეგფონდიდან მიღებული 1 158 695 ლარით ნინოწმინდაში

13.11.2019 ახალციხის სკვერში ატრაქციონის ჩამოვარდნის დროს საქანელაზე ბავშვი იჯდა [ვიდეო]

13.11.2019 თბილისში ნანი მანველიშვილის წიგნის პრეზენტაცია გაიმართა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

განათლების სამინისტრომ ზაკის სკოლას საქვაბის მშენებლობის ნებართვა მისცა
ახალქალაქის სკოლებში ისევ შეშის ღუმელით გათბებიან
მეექვსე საჯარო სკოლაში შესაძლოა სასწავლო პროცესი შეჩერდეს
ახალციხის პირველი სკოლა წელს ისევ შეშით თბება
მეექვსე სკოლაში სასაწავლო პროცესი შეწყდა
ზარზმის რეაბილიტირებულ სკოლაში სწავლა ოქტომბერში დაიწყება
ახალციხის სკოლები ზამთარს მომზადებული შეხვდნენ