FM97.5 / LIVE

მესხური ტენილის ფოტო National Geographic-ის კონკურსის გამარჯვებულია

მთავარისიახლე, ფოტოამბავი 17.10.2019
მესხური ტრადიციული ყველის ამოყვანის პროცესში გადაღებულმა ფოტომ, ჟურნალ National Geographic-ის მიერ გამოცხადებულ ფოტოკონკურსში პირველი ადგილი მოიპოვა. ფოტოს ავტორი თამარ მირიანაშვილია.

მესხური ტენილის ფოტო National Geographic-ის კონკურსის გამარჯვებულია

ფოტოკონკურსის „მშობლიური გემო“ გამარჯვებული ფოტო სოფელ ჭობარეთშია გადაღებულია. მან პირველი ადგილი მოიპოვა. ფოტო ჟიურმა გამოავლინა, რომელიც National Geographic-ის სათაო ოფისისა და National Geographic საქართველოს წარმომადგენლებით იყო დაკომპლექტებული.

გამარჯვებულ ფოტოს ავტორს, თამარ მირიანაშვილს ფოტოტექნიკის შესაძენად 990 ლარიანი ვაუჩერი გადაეცა. კადრი ჟურნალში National Geographic საქართველო დაიბეჭდება.

ფოტოგრაფია თამარ მირიანაშვილის მეორე პროფესიაა. იგი დამოუკიდებელ ფოტოპროექტებზე მუშაობს: "National Geographic საქართველოს ფოტოკონკურსის იდეა - ქართული ტრადიციული კერძების წარმოჩენა - პირდაპირ უკავშირდებოდა ჩემს ბოლოდროინდელ საქმიანობას. უკვე სამი წელია საქართველოს სხვადასხვა კუთხეში ვმუშაობ დოკუმენტურ ფოტოსერიებზე, ვიღებ ტრადიციული პურობის სცენებს, კერძების მომზადებას, რაც არა უბრალოდ კერძის მომზადებაა, არამედ დაკავშირებულია უძველეს ტრადიციებთან, რიტუალებთან და ეს ყველაფერო თაობიდან თაობას გადაეცემა. ამ სერიებზე მუშაობამ ბუნებრივად მოიტანა წიგნის იდეაც და ახლა, ვმუშაობ დოკუმენტურ ფოტო-წიგნზე, სამუშაო სახელწოდებით: "ტრადიციებით გაშლილი სუფრა: ქართული პურობის მემკვიდრეობა".

მისივე თქმით, მესხეთმა მასზე განსაკუთრებული შთაბეჭდილება დატოა: "ჩემი ფოტოც სწორედ ამ შთაბეჭდილების ასახვის მცდელობა იყო. რა არის ფოტოზე? ყველაფერი ერთად - ბუნება, ადამიანები, ადამიანების დამოკიდებულება და სიყვარული პურობის ტრადიციებისადმი, ზუსტად ის გადავიღე, რასაც ვხედავდი და ვგრძნობდი", - ამბობს თამარ მირიანაშვილი.

„ყველის ამოყვანა მშვიდი და წყნარი საქმე მეგონა, სანამ მესხური ტენილის ამოყვანის პროცესს არ დავესწარი. აქ წამით არ უნდა მოდუნდე, მუხლჩაუხრელი და დაუდეგარი შრომაა საჭირო. ადუღებული წყლით სავსე ქვაბიდან უჩველო სისწრაფით ამოაქვთ ყველის მსხვილ რგოლები და ორივე ხელზე ატრიალებენ. რგოლები უწყვეტია, დატრიალების შემდეგ, ჰაერში ატკაცუნებენ მთელ ამ მასას და ისევ ქვაბში აბრუნებენ. და ასე უსასრულოდ, ვიდრე ეს ხვეულა იმ უწვრილეს ძაფებად არ იქცევა, რასაც ჩვენ ვიცნობთ, როგორც მესხურ ტენილს. აქ დიდი სიჯიუტე და გამძლეობაა საჭირო. მესხური ყველი მხოლოდ ქალებს ამოჰყავთ“, - წერია ფოტოს აღწერაში.

ფოტოკონკურსის "მშობლიური გემო" გამარჯვებულები ასე გადანაწილდნენ:

I ადგილი - თამარ მირიანაშვილი
ფოტო: მესხური ყველის ამოყვანა

მესხური ტენილის ფოტო National Geographic-ის კონკურსის გამარჯვებულიაავტორი - თამარ მირიანაშვილი და გამარჯვებული ფოტო


II ადგილი - ვახტანგ ჯანჯღავა
ფოტო: ქართული თონის პური

მესხური ტენილის ფოტო National Geographic-ის კონკურსის გამარჯვებულია


III ადგილი - თამაზ დუნდუა
ფოტო: ხინკალი

მესხური ტენილის ფოტო National Geographic-ის კონკურსის გამარჯვებულია

კონკურსი მსოფიო სურსათის დღეს მიეძღვნა, რომელიც 16 ოქტომბერს აღინიშნება. მას ორგანიზება გაეროს სურსათისა და სოფლის მეურნეობის ორგანიზაციამ (FAO), გარემოს დაცვისა და სოფლის მეურნეობის სამინისტრომ, EBRD-მ და ჟურნალმა National Geographic-მა გაუწია.

ღონისძიების ფარგლებში მოეწყო ქართული ტრადიციული პროდუქტის შესახებ ფოტოგამოფენა და მოკლემეტრაჟიანი ფილმის ჩვენება.

„მსოფლიო სურსათის დღის“ ღონისძიებების ყურადღბის ცენტრში მოექცა ტრადიციული ქართული პროდუქტები, რომლებსაც საერთაშორისო ხარისხისა და ადგილწარმოშობის ეტიკეტი - გეოგრაფიული აღნიშვნა (GI – Geographical Indication) აქვს მინიჭებული.

„მსოფლიო სურსათის დღე“ გაეროს კალენდრის ერთ-ერთი ყველაზე მნიშვნელოვანი ღონისძიებაა. წელს, იგი მსოფლიოს 150-ზე მეტ ქვეყანაში აღინიშნა.

ამ დღეს, FAO მთელ მსოფლიოს მოუწოდებს, რომ სწრაფი და ეფექტიანი მოქმედებით, კიდევ უფრო მიუახლოვდეს გაეროს მდგრადი განვითარების მეორე მიზანს – შიმშილის აღმოფხვრას დედამიწაზე და ჯანსაღი საკვების საყოველთაო ხელმისაწვდომობას. ამ გლობალური მიზნის მხარდასაჭერად, FAO ევროკავშირის მიერ დაფინანსებულ ENPARD პროგრამასთან და EBRD-თან ერთად, საქართველოში მნიშვნელოვან პროექტებს ახორციელებს სასურსათო სისტემების მიმართულებით, ადგილობრივი ტრადიციებისა და ბიომრავალფეროვნების შენარჩუნებით.

[თაკო ფეიქრიშვილი, ახალციხე]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

13.11.2019 სხვილისში შვიდსულიან ოჯახს სოციალური დახმარება მოუხსნეს

13.11.2019 რა გაკეთდება რეგფონდიდან მიღებული 4 409 036 ლარით ახალციხეში

13.11.2019 ახალციხის ციხეზე კონცერტი გაიმართება

13.11.2019 ივლიტაში მდინარეზე გადასასვლელი ხიდის მშენებლობის პროექტს საჯაროდ განიხილავენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

"მსოფლიო სურსათის დღე“  საქართველოშიც აღინიშნა
ახალციხის გამგეობამ ფოტოკონკურსის გამარჯვებულები გამოავლინა
ყველის ფესტივალის გამარჯვებულები სამცხე–ჯავახეთიდან
ახალციხის გამგეობამ ფოტოკონკურსის გამარჯვებულები გამოავლინა
ფოტოკონკურსის 'ჩემი თვალით დანახული ახალციხე' გამარჯვებულები გამოვლინდნენ
სამცხე–ჯავახეთში სასკოლო ფოტოკონკურსის გამარჯვებულები გამოავლინეს
‘წუნდა’ –  ანსამბლი, რომელიც მესხურ ფოლკლორს ინახავს [ფოტო/ვიდეო]