FM97.5 / LIVE

ახალციხეში მოსწავლის ბულინგის საქმეზე საია მუხლის გადაკვალიფიცირებას ითხოვს

მთავარისიახლე, სამართალი 16.10.2019
ქალაქ ახალციხის ერთ–ერთ სკოლაში მეექვსე კლასელ ბიჭზე, თანაკლასელების და მასწავლებლის მხრიდან შესაძლო ბულინგის საქმეზე, ახალგაზრდა იურისტთა ასოციაცია მუხლის გადაკვალიფიცირებას ითხოვს. საქმეზე ამ დრომდე არაა ცნობილი ექსპერტიზის პასუხი.

ახალციხეში მოსწავლის ბულინგის საქმეზე საია მუხლის გადაკვალიფიცირებას ითხოვს

შესაძლო ბულინგის საქმეზე, გამოძიება მერვე თვეა სისხლის სამართლის კოდექსის 126–ე მუხლის პირველი პრიმა ნაწილით მიმდინარეობს, რაც წინასწარი შეცნობით არასრულწლოვნის მიმართ ძალადობას გულისხმობს.

ახალგაზრდა იურისტთა ასოციაციის იურისტი, რეზო რევაზიშვილი ამბობს, რომ საქმე არა ძალადობის, არამედ 144 მუხლის მესამე პრიმათი უნდა გაგრძელდეს, რაც დამამცირებელ ან არაადამიანურ მოპყრობას გულისხმობს.

„დაახლოებით ორი კვირის წინ პროკურატურას მივწერეთ წერილი და ვითხოვთ მუხლის გადაკვალიფიცირებას. იმიტომ რომ, ჩვენი აზრით ეს არ ყოფილა ფიზიკური შეურაცხყოფა. 144 მუხლის მესამე პრიმათი უნდა გაგრძელდეს გამოძიება. რაც თავისი შინაარსით, ადამიანის მიმართ ისეთი ტიპის მოპყრობას გულისხმობს, რომელიც მის ღირსებას შეურაცხყოფს განსაკუთრებით უხეში ფორმით“, – გვითხრა ახალგაზრდა იურისტთა ასოციაციის იურისტმა რეზო რევაზიშვილმა.

მისი თქმით, საია საქმეში ორი თვის წინ ჩაერთო, და პროკურატურას რამდენჯერმე მიმართა, რათა ბავშვი დაზარალებულად ეცნოთ, თუმცა უარი მიიღეს.

სკოლის მოსწავლეს სამხარაულის ექსპერტიზის ბიუროში ფსიქოლოგიური ექსპერტიზა მიმდინარე წლის მარტში ჩაუტარეს, თუმცა ამ დრომდე ოჯახს პასუხი არ მიუღია.

საქართველოს პროკურატურაში გვითხრეს, რომ საქმეზე გამოძიება მიმდინარეობს.

„საქმეზე მიმდინარეობს გამოძიება, ამ ეტაპზე არ არის სასამართლო ფსიქოლოგიური ექსპერტიზის დასკვნა. დასკვნის მიღებისას და მტკიცებულებების შეფასების შემდეგ მიღებული იქნება შესაბამისი გადაწყვეტილება“, – გვითხრეს პროკურატურაში.

ახალციხის ერთ–ერთ სკოლაში, მეექვსე კლასელი ბიჭის ბებია და დედა, მასწავლებელსა და მოზარდის თანაკლასელებს ბავშვის მიმართ ბულინგში ადანაშაულებს. მათი თქმით, ბულინგის მიზეზი ის გახდა, რომ მოზარდმა სკოლაში მომხდარი ჩხუბის დროს პოლიციაში დარეკა. 11 წლის ბიჭზე ზეწოლა ორ თვეზე მეტ ხანს გაგრძელდა, რის შედეგადაც მას ფსიქიკური პრობლემები დაეწყო.

[მარიამ ბარძიმაძე, ახალციხე]


28.09.2020 საბავშვო ბაღებში სწავლის დაწყება 12 ოქტომბრამდე გადაიდო

23.09.2020 საფეხური: ბორჯომის ბაღებში სწავლის დაწყების ნებართვას ელოდებიან [აუდიო]

21.09.2020 სამცხე-ჯავახეთის 20 სკოლაში 25 ვაკანტური ადგილია

21.09.2020 ახალქალაქის 8 სოფელში მცირე ბიბლიოთეკები მოეწყო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

29.09.2020 სურსათით დატვირთულ მანქანებს საზღვრის გადაკვეთის უფლება მისცეს [ვიდეო]

28.09.2020 ‘არ დავიშლებით, ჰუმანიტარული დახმარების წაღება გვსურს’ – რა ვითარებაა საქართველო–სომხეთის საზღვართან

28.09.2020 საქართველო–სომხეთის საზღვართან აქცია იმართება [ვიდეო]

27.09.2020 ახალციხელმა სპორტსმენმა უკრაინაში საერთაშორისო ტურნირში გაიმარჯვა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

26.09.2020 ორი კრისტინას ამბავი - დუხობორების მომავალი საქართველოში

23.09.2020 SKამბები: 'მრავალგვაროვანი' კლდე [აუდიო]

22.09.2020 როცა მუდმივად ეძებ - ახალგაზრდა არქეოლოგი ახალციხიდან [ვიდეო]

16.09.2020 SKამბები: მიქელ თამარათი [აუდიო]

მსგავს თემაზე

ახალციხელი მოსწავლე ბულინგის საქმეში დაზარალებულად ცნეს
‘ვითხოვთ გამოძიების დაჩქარებას’ - მოსწავლის ბულინგის საქმეზე ადვოკატმა პროკურატურას მიმართა
შსს–მ 11 წლის ბიჭის მიმართ სკოლაში შესაძლო ძალადობაზე ძიება დაიწყო
11 წლის ბიჭის შესაძლო ბულინგის საქმეს სახალხო დამცველის აპარატი სწავლობს
მანდატურის სამსახურმა 11 წლის ბიჭის საქმეზე ახალციხეში ფსიქოლოგები გამოგზავნა
11 წლის ბიჭის საქმე – მასწავლებელი ბებიას ცილისწამებისთვის პოლიციაში უჩივის
დედამ 11 წლის ბიჭის დიაგნოზი ფსიქიკური ჯანმრთელობის შესახებ სკოლასა შსს–ს წარუდგინა