FM97.5 / LIVE

რაბათში კათოლიკური ტაძრის დღესასწაული აღნიშნეს [ფოტო]

მთავარისიახლე, საზოგადოება 07.10.2019
ახალციხეში, რაბათის უბანში მდებარე სავარდის სხელობის კათოლიკურ ტაძარში დღესასწაული აღნიშნეს. სასულიერო პირებმა საზეიმო წირვა აღავლინეს და „სავარდის“, როგორც კათოლიკეებისთვის ერთ-ერთი მნიშვნელოვანი ლოცვის შესახებ ისაუბრეს.

რაბათში კათოლიკური ტაძრის დღესასწაული აღნიშნეს [ფოტო]

კათოლიკურ ეკლესიაში „სავარდი“ კრიალოსნის მეორე სახელი და ასევე ის ლოცვაა, რომელსაც მორწმუნეები ამავე კრიალოსანით ღვთისმშობლის მიმართ ლოცულობენ.

სავარდის სახელობის ტაძარი საქართველოში მხოლოდ რაბათში მდებარეობს. მას ეს სახელი 2012 წლის შვიდ ოქტომბერს, რეაბილიტაციის შემდეგ დაერქვა. ამიტომ კათოლიკე ქრისტიანები ყოველ წელს ტაძრის დღესასწაულს ამავე რიცხვში აღნიშნავენ.

სავარდის სახელობის ეკლესიაში საზეიმო ლიტურგია ტრადიციისამებრ, ლათინ კათოლიკეთა სამოციქულო ადმინისტრატორმა ეპისკოპოსმა ჯუზეპე პაზოტომ აღავლინა. წირვას მრევლი სახვადასხვა სამრევლოებიდან დაესწრო.

კათოლიკე ეკლესიაში ოქტომბერი ღვთისმშობლის თვედ არის მიჩნეული. ამიტომ მორწმუნეები მთელი თვის განმავლობაში სავარდზე, იგივე კრიალოსანზე წმ. მარიამის მიმართ ლოცულობენ.

ისტორიულად, სავარდის დღესასწაულის დაწესება ეპანტოს ბრძოლას უკავშირდება, რომელიც 1571 წლის 7 ოქტომბერს გაიმართა. ეს იყო უკანასკნელი დიდი ბრძოლა საღვთო ლიგასა და ოსმალეთს შორის. იმისათვის, რომ მცირერიცხოვან საღვთო ლიგას გამარჯვება მოეპოვებინა, მაშინდელმა პაპმა პიუს V-მ ქრისტიანებს სავარდზე ლოცვისაკენ მოუწოდა. ბრძოლაში ოსმალეთი დამარცხდა, 7 ოქტომბერი კი იმავე პაპმა სავარდის ღვთისმშობლის დღესასწაულად გამოაცხადა.

რაბათის კათოლიკური ტაძარი მეცამეტე საუკუნეშია აშენებული. აქ ადგილობრივი კათოლიკე მოძღვარი ივანე გვარამაძე სწირავდა. იმ პერიოდში ეკლესია წმიდა ჯვრის სახელობის იყო.

ტაძრის აღდგენითი სამუშაოები 2010 წელს დაიწყო და ორი წლის შემდეგ დასრულდა. ახლა მის გვერდით ბენედიქტელ დედათა მონასტერი ფუნქციონირებს. ტაძარში ყოველდღიურ წირვებს კი კაპუცინელთა ორდენის მღვდლები აღავლენენ, რომლებიც ასევე ახალციხეში ცხოვრობენ.

რაბათში კათოლიკური ტაძრის დღესასწაული აღნიშნეს [ფოტო]

რაბათში კათოლიკური ტაძრის დღესასწაული აღნიშნეს [ფოტო]

რაბათში კათოლიკური ტაძრის დღესასწაული აღნიშნეს [ფოტო]

[თაკო ფეიქრიშვილი, ახალციხე]


18.10.2019 ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

18.10.2019 ზარზმაში საჯარო სკოლა გაიხსნა

17.10.2019 განათლების სამინისტრო ესეების კონკურსს აცხადებს

16.10.2019 სამცხე-ჯავახეთში კომპიუტერი 200–მდე წარჩინებულ მოსწავლეს გადაეცემა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2019 ევროპა მაგარია! სოციალური რეკლამა [ვიდეო]

21.10.2019 ახალციხის ცენტრალურ სტადიონზე მძლეოსნობაში შეჯიბრი მიმდინარეობს

20.10.2019 ახალციხის თოჯინების თეატრი ხატია პარუნაშვილის დასახმარებლად სპექტაკლს გამართავს

18.10.2019 აბასთუმნელები: ‘საუბრობენ არაზინდოდან ჩვენს გასახლებაზე’

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

მსგავს თემაზე

რაბათში სავარდის სახელობის ტაძრის დღესასწაული აღნიშნეს [Photo]
კათოლიკე მრევლმა რაბათის ტაძრის დღესასწაული აღნიშნა [Photo]
აღდგომა ახალციხის კათოლიკე ეკლესიაში [Photo]

განახლებული კათოლიკური ტაძარი ახალციხეში
კათოლიკე და სომეხთა სამოციქულო ეკლესიები  აღდგომას აღნიშნავენ
ღვთისმშობლის შობის დღესასწაული ვალეში [Photo]
სამცხე-ჯავახეთში კათოლიკური შობა იზეიმეს