FM97.5 / LIVE

‘200 კაცი დააჯარიმეს’– ახალციხეში მძღოლები არასწორად დახაზულ პარკინგზე ჩივიან

მთავარისიახლე, საზოგადოება 03.10.2019
ახალციხეში, მძღოლები ამბობენ, რომ რუსთაველის ქუჩაზე, ე.წ. „ზურების“ მაღაზიასთან, პარკინგსა და ღერძულა ხაზს შორის მცირე მანძილია. მიმავალმა მანქანამ პარკინგზე მდგარ ან გამომავალ მანქანას გვერდი რომ აუქციოს, უწევს ღერძულა ხაზის გადაკვეთა, რის გამოც ჯარიმდება.

‘200 კაცი დააჯარიმეს’– ახალციხეში მძღოლები არასწორად დახაზულ პარკინგზე ჩივიან

მას შემდეგ, რაც ქალაქში ჭკვიანი კამერები ჩაირთო, მძღოლებს 50–ლარიანი ჯარიმების შესახებ სმს–ები police.ge-დან მისდით. როგორც მძღოლები გვეუბნებიან, მათი ჯარიმები, ძირითადად, რუსთაველის ქუჩაზე საგზაო მოძრაობის წესის დარღვევას ეხება.

რუსთაველის ქუჩაზე, ცხრა აპრილის ქუჩის გადასახვევამდე, შუქნიშანთან, ღერძულა ხაზსა და იქვე არსებულ პარკინგს შორის მცირე მანძილია. მიმავალ მანქანას, რომელსაც უნდა, რომ მარჯვენა ზოლში ჩადგეს, პარკინგზე მდგარი მანქანები ხელს უშლიან. სწორედ ამიტომ, მძღოლი იძულებული ხდება გადაკვეთოს ღერძულა ხაზი, რისთვისაც ის ჯარიმდება.

„წინა თვეში სამსახურის მანქანით მივდიოდი „ზურების მაღაზიასთან“. უცებ პარკინგიდან მანქანა გამოვიდა. მე ხომ მარჯვენა ზოლში უნდა ჩავმდგარიყავი? ვეღარ ვქენი, გვერდი ავუქციე. აბა, მანქანას ხომ არ შევასკდებოდი და გადავკვეთე ღერძულა. სამსახურში მოვიდა ჯარიმა. მერე გავხსენი და ვიდეოც ვნახე. რა მექნა“, – ამბობს ერთ–ერთი დაჯარიმებული.

ეს პრობლემა ქალაქში ძალიან ბევრს აწუხებს. „მეც დამიწერეს ჯარიმა და ჩემნაირი კიდე 200 კაცია. როცა მანქანა დგას იქ, გვერდს ვერ აუქცევ, უნდა გადახვიდე ღერძულა ხაზზე და დარღვევა გიწევს. უნივერსიტეტამდე არ მისულს, მესიჯი მომივიდა, 50 ლარით დაჯარიმდიო.

შინაგან საქმეთა სამინისტროში გვითხრეს, რომ აღნიშნულ ადგილზე ჯარიმდებოდნენ მძღოლები, რომლებმაც არ იცოდნენ, რომ იქ ღერძულა ხაზია ეს განსაკუთრებით პარკინგიდან გამოსულ მანქანებს ეხებათ.

„ვინც არ იცოდა, რომ მანდ ღერძულა იყო, პარკინგიდან გამოსვლისას კვეთდნენ და შესაბამისად ჯარიმდებოდნენ, ახლა იციან“, – გვითხრეს უწყებაში.

ქალაქში გზები და პარკინგები მუნიციპალური განვითარების ფონდმა, ადგილობრივი თვითმმართველობის მიერ შედგენილი პროექტის საფუძველზე დახაზა.

რამდენად სწორად არის დახაზული გზები ან პარკინგი, ამის შესახებ პასუხს ველოდებით მერიიდან და კომენტარს მოგვიანებით მოგაწვდით.

[მარიამ ბარძიმაძე, ახალციხე]


10.12.2019 საფეხური: რა იცვლება საჯარო სკოლებში [აუდიო]

10.12.2019 როდის დაიწყება სკოლებში ზამთრის არდადეგები

09.12.2019 'მხიარულ სტარტებში' ახალციხის N1 საჯარო სკოლამ გაიმარჯვა

08.12.2019 არჩევანი – განათლებული და განვითარებული საქართველო

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.12.2019 ახალციხეში ადამიანის უფლებათა დაცვის საერთაშორისო დღე აღნიშნეს

10.12.2019 სამცხე–ჯავახეთში უნალექო ამინდია მოსალოდნელი

10.12.2019 როგორ გააფართოეს საბურთალოს სასაფლაო სუს-ის მაღალჩინოსნის სიმამრისთვის

09.12.2019 ფარეხის გზაზე, სადაც ავარიას 5 ადამიანი ემსხვერპლა კამერების დამონტაჟებას ითხოვენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

10.12.2019 საავტომობილო გზა ეროვნულ პარკში - ივანიშვილის ექსპერიმენტის შედეგი

06.12.2019 ხაკი – მოყავისფრო, მწვანე სოფელი [ფოტო/ვიდეო]

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

მსგავს თემაზე

ახალციხეში, სადაც მძღოლები არასწორად დახაზულ პარკინგზე ჩივიან, შსს–მ ბორდიურები დააწყო
რუსთაველის ქუჩაზე ღერძულა ხაზი ერთი მეტრით გადაწიეს
საგზაო მოძრაობის წესების დარღვევაზე ჯარიმები ნახევრდება
რატომ დაიბარეს ტაქსის მძღოლები ახალციხის მერიაში
რას უჩივიან ახალციხეში მძღოლები
სასწრაფოს, სახანძროსა და პოლიციისთვის გზის არდათმობა შესაძლოა 300 ლარით დაჯარიმდეს
1-ელი ნოემბრიდან ე.წ. ჭკვიანი კამერები ჩაირთვება