FM97.5 / LIVE

სიბერის შიში და სიტკბო [ფოტო]

მთავარისიახლე, ფოტოამბავი 01.10.2019
1 ოქტომბერი ხანდაზმულთა საერთაშორისო დღეა, რომელიც 1990 წელს ხანდაზმულთა პრობლემებისადმი მიძღვნილმა გაეროს მსოფლიო ასამბლეამ დააწესა. საქართველოში ეს დღე 2003 წლიდან აღინიშნება.

სიბერის შიში და სიტკბო [ფოტო]
„საკუთარი აშენებული სახლი, შვილები და შვილიშვილები, მოსიყვარულე მეუღლე, „გაზ–53“ და გარმონი“ – ადამიანი უბრალო ცხოვრებიდან ღრმა სიბერემდე.

ახალციხეში, სოფელ ურაველში თუ მოხვდებით, საბავშვო ბაღთან, ჩია ტანის მოხუცს ხშირად დაინახავთ – ან ფიცრის ღობესთან, კაკლის ჩრდილში, ფიცრებით გაკეთებულ სკამზე მჯომს, ან ჯოხით მოსიარულეს. ის ამ გზას ყოველდღე გადის. ამბობს, რომ ფიზიკური დატვირთვა აუცილებელია: „მოძრაობის გარეშე არ გამოვა. მინდა კიდევ ვიცოცხლო. ამიტომ გავდი–გამოვდივარ ხოლმე ხშირად“.

ამ დროს მეუღლე სახლში შინაურ პირუტყვს უვლის – ათიოდე ქათამი, ძაღლი და კატა ეზოში. სახლში მარტო ცხოვრობენ, თუ შვილები და შვილიშვილები არ ესტუმრნენ უქმეებზე. „დროც ნელ–ნელა გადის“, – ამბობს რაისა, ვალოდიას მეუღლე. ვალოდია 81 წლისაა, ხუთი წლით უფროსი თავის მუღლეზე.

სიბერის შიში და სიტკბო [ფოტო]

სანამ სახლში შეგვიპატიჟებდა, თავისი ერთგული მანქანა გვაჩვენა ეზოში, საბჭოთა „გაზ–53“, რომლითაც 30 წლის განმავლობაში თხევად გაზს ეზიდებოდა. ჩვეულებრივ სატვირთოდ გადაუკეთებია მას შემდეგ, რაც სამუშაოს თავი დაანება. შემდეგ მანქანამ სატვირთოს ფუნქციაც დაკარგა, თუმცა არ დაუკარგავს მთავარი – მნიშვნელობა. „სანამ ვიქნები, ეს მანქანაც იქნება. ბევრი წელი გავატარეთ ერთად, მენანება რომ გავყიდო, ან ჩავაბარო“, – ამბობს და თან ეზოს ძაღლს უბრაზდება, სტუმრებს ნუ ელაქუცებიო.

სიბერის შიში და სიტკბო [ფოტო]

„რა ქნას, მოფერება უნდა, ნუ უბრაზდები“, – ეუბნება რაისა, თან ღიმილით გვესალმება.

ვალოდია, როგორც თვითონ ამბობს, სტუმართმოყვარე და ლხინმოყვარე კაცია. გარმონი და მუსიკა კი – მისი ცხოვრების განუყოფელი ნაწილი.

ვალოდიასთვის გარმონი ყველაზე მნიშვნელოვანი ნივთია. როგორც რაისა გვეუბნება, „თავის თავს არ უვლის ისე, როგორც მაგას“.

ვალოდია გვიყვება, რომ 15 წლის იყო, პირველად როცა აიღო გარმონი ხელში და 65 წლის განმავლობაში მის გარეშე ვერ ძლებდა. მაშინაც კი, როცა მძიმე შრომა უწევდა ოჯახის სარჩენად, მუსიკისთვის დროს მაინც ნახულობდა. უკრავდა თავისთვის, ოჯახისთვის, ქორწილებში და ასე შემდეგ. ყველგან, სადაც მუსიკის გაგონება უნდოდათ.

„მუსიკა ყველაზე მეტად მიყვარდა, მაგრამ ამით თავის რჩენა შეუძლებელი იყო. ამიტომ ხშირად, დღე გაზის ბალონებს დავატარებდი, ღამით კი დასაკრავად მივდიოდი. ქორწილებშიც ვუკრავდი, ყველგან, სადაც მომისმენდნენ“, – ღიმილით იხსენებს ვალოდია.

ცხოვრება რამდენიმე საქმეს მიუძღვნა. ამბობს, რომ რთულია მთელი ცხოვრება ის საქმე აკეთო, რაც გიყვარს, მითუმეტეს თუ ეს საქმე ხელოვნებაა.

თავიანთ სიბერეზე ოჯახი არ წუწუნებს. მათი აზრით, მოხუცისთვის მთავარი ზრუნვა და ყურადღებაა.

„მთავარია ყურადღების მომქცევი გყავდეს, ისე კი, სიბერე ტკბილია შვილო“, – გვეუბნება რაისა და სამახსოვრო ფოტოსთვის ემზადება.

საყოველთაო აღწერის ბოლო მონაცემებით, საქართველოს მოსახლეობის 20% ხანდაზმული ასაკისაა. აქედან 60 ათასი შინმოვლისა და ხანგრძლივი მოვლის სერვისებს საჭიროებს (სახალხო დამცველის ანგარიში). საქსტატის 2019 წლის მონაცემებით კი, საქართველოში მოსახლეობის 14.8 % 65 წელზე მეტი ასაკისაა.

სიბერის შიში და სიტკბო [ფოტო]

[რობი ზარიძე, ახალციხე]


18.10.2019 ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

18.10.2019 ზარზმაში საჯარო სკოლა გაიხსნა

17.10.2019 განათლების სამინისტრო ესეების კონკურსს აცხადებს

16.10.2019 სამცხე-ჯავახეთში კომპიუტერი 200–მდე წარჩინებულ მოსწავლეს გადაეცემა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2019 ევროპა მაგარია! სოციალური რეკლამა [ვიდეო]

21.10.2019 ახალციხის ცენტრალურ სტადიონზე მძლეოსნობაში შეჯიბრი მიმდინარეობს

20.10.2019 ზაკის სკოლის მასწავლებელი: სამინისტრო საქვაბის მშენებლობაზე ნებართვის გაცემას აჭიანურებს

20.10.2019 ბორჯომში ანსამბლ 'ადილეის' კონცერტი გაიმართება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

მსგავს თემაზე

ცხოვრება ავარიულ სახლში
‘შვილები მივლიან და არსად წავალ’– გალუსტიანი სახელმწიფო მზრუნველობაში გადაყვანაზე
მუგარეთში ხაჩიძეების ცხრასულიან ოჯახს სახლი ენგრევა [ფოტო]
'ზამთრის' ცოლები
როცა სისუფთავე ცხოვრების წესია - 60 წლის მეეზოვე ახალციხიდან
ისტორიები სოფელ ბუღაშენიდან
ურაველში ნაკვეთებამდე მისასვლელი სამანქანო გზა მთავარი გზის რეაბილიტაციის დროს ჩახერგეს