FM97.5 / LIVE

ახალდაბაში სასმელი წყლის ქსელის ნაწილს რეაბილიტაცია ჩაუტარდა

მთავარისიახლე, საზოგადოება 26.09.2019
ბორჯომში, დაბა ახალდაბაში, სასმელი წყლის სისტემის ორ კილომეტრზე მეტი, ახალი მილებით შეიცვალა, თუმცა იგი ჯერ საფილტრ სადგურთან, რომელიც მოსახლეობას სუფთა წყალს მიაწვდის, არ დაუერთებიათ.

ახალდაბაში სასმელი წყლის ქსელის ნაწილს რეაბილიტაცია ჩაუტარდა

ბორჯომის მუნიციპალიტეტის მერის მოადგილე ბუბა ბერიძე „სამხრეთის კარიბჭესთან“ განმარტავს, რომ პირველ ეტაპზე, ახალი მილებით სასმელი წყლის სათავე-ნაგებობიდან, საფილტრ სადგურამდე მონაკვეთი დაიქსელა.

„როდესაც საფილტრი სადგური გაკეთდა და ჩავრთეთ, წყალმა გაჟონა - ზუსტად იმიტომ, რომ ძველი იყო სისტემა და სკდებოდა. ახლა ეს მონაკვეთი გავაკეთეთ, რომ საფილტრ სადგურამდე ჩავიდეს წყალი, გაიფილტროს და მოსახლეობაზე გადანაწილდეს“, – ამბობს ბუბა ბერიძე.

ახალდაბაში თბილისიდან ტექნიკურ ჯგუფს ელოდებიან, რათა ახლადშეცვლილი მილები საფილტრ სადგურზე დააერთონ. ბუბა ბერიძე ამბობს, რომ ეს სამუშაოები დაახლოებით 10 ოქტომბრამდე დასრულდება და მოსახლეობა გაფილტრული წყლით ისარგებლებს.

მისივე თქმით, ახალდაბის სასმელი წყლის სისტემის მთლიანი შიდა ქსელი 35 კილომეტრია და რეაბილიტაცია სჭირდება. მერის მოადგილე ამბობს, რომ ამ ქსელის შესაცვლელად მუნიციპალიტეტს ფინანსური რესურსი არ აქვს. ამიტომ მისი შეცვლა ეტაპობრივად მოხდება.

„გაფლტრულ წყალს მივაწვდით, მაგრამ შესაძლოა მოსახლეობას პრობლემები ისევ შეექმნეს, რადგან დანარჩენი შიდა ქსელი ძველია და მას სრული შეცვლა უნდა. მომავალ წელს, ახალდაბაში იგეგმება ძირითადი ქუჩების მოასფალტება. ამიტომ, ჯერ ქსელი შეიცვლება, მერე დაიგება ასფალტი“, – ამბობს ბერიძე.

ახალდაბში, ორკილომეტრიანი მონაკვეთის რეაბილიტაცია სექტემბრის დასაწყისში დასრულდა. ამისთვის ადგილობრივი ბიუჯეტიდან 277 000 ლარი დაიხარჯა. ხოლო სათავე-ნაგებობისა და საფილტრი სადგურის სარეაბილიტაციო სამუშაოები ახალდაბაში 2017 წელს, მუნიციპალური განვითარების ფონდის დაფინანსებით, შპს „ერისიმედმა“ და „კიევმეტრომშენმა“ შეასრულა. პროექტისთვის 743 928 ლარი დაიხარჯა.

სამუშაოების დასრულების შემდეგ, საფილტრი სადგურის ექსპლუატაციაში გაშვებისთანავე, წყლის სისტემის შიდა მილები დასკდა და საფილტრი სადგურის გადაკეტვა გახდა საჭირო.

ახალდაბაში, სადაც 700 კომლი ცხოვრობს, სამ ათეულ წელზე მეტია, ადგილობრივები წყლის პრობლემაზე ჩივიან. სოფელს წყალი გრაფიკით მიეწოდება.

[ლუბა გიორგაძე, ბორჯომი]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

13.11.2019 სხვილისში შვიდსულიან ოჯახს სოციალური დახმარება მოუხსნეს

13.11.2019 რა გაკეთდება რეგფონდიდან მიღებული 4 409 036 ლარით ახალციხეში

13.11.2019 ახალციხის ციხეზე კონცერტი გაიმართება

13.11.2019 ივლიტაში მდინარეზე გადასასვლელი ხიდის მშენებლობის პროექტს საჯაროდ განიხილავენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

ახალდაბას გაფილტრული წყალი ტურისტული სეზონის დასრულების შემდეგ ექნება
მგფ: ახალდაბაში სასმელი წყლის ფილტრები გამართულად მუშაობს
ახალდაბაში სასმელ წყალში გრძელი ჭია ნახეს
‘ფილტრს რომ ვრთავთ, მილი სკდება’ – ახალდაბაში წელს წყლის პრობლემა ვერ მოგვარდება
ახალდაბელები წყლის პრობლემის გამო გზის გადაკეტვით იმუქრებიან
‘მილები უკუღმა დააყენეს’ – რაში დაიხარჯა ახალდაბაში 800 000–მდე ლარი [Video]
ახალდაბაში  წყალსადენი  სისტემა  შენდება