FM97.5 / LIVE

სოფლის მეურნეობის მინისტრის მოადგილემ ახალციხეში საწარმოები დაათვალიერა

მთავარიეკონომიკა 03.10.2013
დღეს, 3 ოქტომბერს, ახალციხეს სოფლის მეურნეობის მინისტრის მოადგილე დავით გალეგაშვილი სტუმრობდა. გალეგაშვილმა სოფელ წნისში მდებარე ყველისა და კომბინირებული საკვების ქარხნები და სოფელ ილიტაში მდებარე სოციალური საწარმო მოინახულა.

სოფლის მეურნეობის მინისტრის მოადგილემ ახალციხეში საწარმოები დაათვალიერა
საქართველოს სოფლის მეურნეობის მინისტრის მოადგილემ, BP-ისა და რეგიონული განვითარების ასოციაციის წარმომადგენლებთან ერთად, სოფელ წნისში მდებარე ყველისა და კომბინირებული საკვების ქარხნები დაათვალიერა და გაეცნო პროდუქციის წარმოების ტექნოლოგიებს. აღნიშნული საწარმოები სოფლის შეღავათიანი კრედიტით მოსარგებლე შპს „ჯორჯიან ბიზნეს ზონის“ საკუთრებაა.

ყველის საწარმო სოფელ წნისში 2009 წლიდან ფუნქციონირებს. შპს „ჯორჯიან ბიზნეს ზონის“ დირექტორის ბესიკ ბაბუნაშვილის განმარტებით, მომავალი წლისთვის დაგეგმილი აქვთ ფერმის მშენებლობა და მაღალპროდუქტიული საქონლის შემოყვანა: „ფერმის მშენებლობას იაფი სესხით ვაპირებთ. საპროექტო სამუშაოები უკვე დაწყებულია, ალბათ ოქტომბრის თვეში სესხსაც ავიღებთ“.

სოფლის მეურნეობის მინისტრის მოადგილემ ახალციხეში საწარმოები დაათვალიერამინისტრის მოადგილე ქარხნების მიმდებარე ტერიტორიაზე აღნიშნული კომპანიის მიერ თანამედროვე ტექნოლოგიებით გაშენებული ვაშლის ბაღის პირველი მოსავალის აღებასაც დაესწრო. ხუთ ჰექტარ ტერიტორიაზე 18-მდე სხვადასხვა ჯიშის ვაშლია გაშენებული.

დავით გალეგაშვილმა დღესვე კომპანია BP-და მისი პარტნიორების მიერ დაფინანსებული სოციალური საწარმოც მოინახულა, რომელიც სოფელ ივლიტაში მდებარეობს. პროექტის ფარგლებში, რომელსაც რეგიონული განვითარების ასოციაცია ახორციელებს, ივლიტის მოსახლეობამ თანამონაწილეობრივი გრანტი მიიღო და აგროტექნიკა შეიძინა.

„მათი დახმარებით წელს ჩვენს სოფელში ყველა პროცესი აგროვადებში ჩაეტია“, - ამბობს სოფელ ივლიტის მკვიდრი თეიმურაზ გიქოშვილი.

დავით გალეგაშვილმა სოფლის მურნეობის სამინისტროს ახალ ინიციატივაზეც ისაუბრა, რომლის მიხედვითაც კოოპერაციის განვითარება იგეგმება.

სოფლის მეურნეობის მინისტრის მოადგილემ ახალციხეში საწარმოები დაათვალიერა„ივლიტაში ჩვენ ვნახეთ კოოპერატივის ჩანასახი და ახალი კანონის მიხედვით, რომელიც მალე ძალაში შევა, ჩვენ ამ კოოპერაციის განვითარებას ვაპირებთ“, - განაცხადა სოფლის მეურნეობის მინისტრის მოადგილემ.

რეგიონული განვითარების ასოციაციის პროექტების დირექტორის ნინო ზამბახიძის თქმით, სოფლის დაახლოებით 25 მოსახლე გაერთიანდა, ერთობლივად შეიძინეს მექანიზაცია და ხვნებს აწარმოებენ. „ეს არის პირველი პრეცედენტი, რომელიც რეგიონში გაკეთდა და ამას ჩვენმა პროექტმა და ბი-პი-მ დაუჭირა მხარი, შესაბამისად ერთ თვეში მოახდენენ რეგისტრაციას როგორც კოოპერატივი“, - აღნიშნავს ნინო ზამბახიძე და ამატებს, რომ გარდა ამისა, რეგიონული განვითარების ასოციაციის პროექტის ფარგლებში გაშენებულია სოფელ წყრუთში ვაშლისა და პომიდვრის სადემონსტრაციო ნაკვეთები. მისი ანალოგების გადაღება ხდება სხვადასხვა სოფლებშიც.

სოფლის მეურნეობის მინისტრის მოადგილემ სამინისტროს სამომავლო გეგმებზეც ისაუბრა.

„მომავალი წლის ბიუჯეტში სოფლის მეურნეობის სამინისტრო აპირებს, რომ აღადგინოს სოფლის მეურნეობის განვითარების ცენტრი. მისი მთავარი მიზანი და ფუნქცია ჯიშთა გამოცდის ცენტრების აღდგენაა. მათ შორის ერთ-ერთი ასეთი ცენტრი იქნება ვალეშიც. როგორც ჩვენთვის ცნობილია აქ გადარჩა ეს ცენტრი და ვაპირებთ, რომ აღვადგინოთ არა მარტო მარცვლეულის, არამედ ხეხილის და ბოსტნეულის მიმართულებითაც ჯიშთა გამოცდის ცენტრები და დავასაქმოთ ის აგრონომები, ვინც მანამდე მუშაობდნენ“, - განაცხადა დავით გალეგაშვილმა.

[თამარ თოთაძე, ახალციხე]


23.03.2019 წარმატებული მასწავლებლები დამატებით ანაზღაურებას სკოლის განვითარების ფონდიდან მიიღებენ

22.03.2019 სკოლებში ვიდეოსათვალთვალო სისტემები დამონტაჟდება

22.03.2019 ახალციხელი მოსწავლე ‘გურული დღიურების’ სტიპენდიანტი გახდა

21.03.2019 ‘კატის’ გამოცდებმა არ გაამართლა’– სოფო გორგოძე სკოლის გამოცდების გაუქმებაზე

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

23.03.2019 საქართველოში 100 000 მოსახლეს 7 სოცმუშაკი ემსახურება

22.03.2019 სკოლაში ბულინგის გამო 11 წლის ბიჭს ჯანმრთელობის პრობლემები შეექმნა

22.03.2019 სკოლებში ვიდეოსათვალთვალო სისტემები დამონტაჟდება

22.03.2019 ანდის სკოლიდან, სადაც წირვა–ლოცვა ტარდებოდა, ხატები გამოიტანეს

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

08.03.2019 ქალები მძიმე ჩანთებით [Photo/Video]

07.03.2019 ფერადი სოფლის შავ–თეთრი სევდა [Photo-Video]

26.01.2019 მეწაღეები ახალციხიდან [Photo/Video]

12.06.2018 მთიდან მთაში წასვლამდე – რეპორტაჟი კიკიბოდან [Photos]

მსგავს თემაზე

საცდელ-სადემონსტრაციო ნაკვეთებზე სხვადასხვა კულტურების ჯიშთა გამოცდა მიმდინარეობს (R)
შეხვედრა იტალიის სოფლის მეურნეობის სამინისტროს წარმომადგენლებთან [R]
ახალციხეს სოფლის მეურნეობის მინისტრის მოადგილე სტუმრობს [Photo]
დავით გალეგაშვილი საფრანგეთის განვითარების სააგენტოს წარმომადგენლებს შეხვდა [R]
წნისში სამაცივრე მეურნეობა გაიხსნა
ერთიანი აგროპროექტის ფარგლებში  მცხეთა-მთიანეთის  რეგიონში 6 ახალი საწარმოა შექმნილი [R]
სოფლის მეურნეობის სამინისტროში ირლანდია-საქართველოს სავაჭრო პალატის წარმომადგენლებთან შეხვედრა გაიმართა [R]