FM97.5 / LIVE

‘ნიალა’ ვარძიაში სასტუმროს მშენებლობას აღარ აპირებს

მთავარისიახლე 24.09.2019
კომპანია ‘ნიალამ’, რომელიც ვარძიაში, კომპლექსის მოპირდაპირე მხარეს, სასტუმროს უკანონოდ აშენებდა, მშენებლობის გაგრძელებას აღარ აპირებს.

‘ნიალა’ ვარძიაში სასტუმროს მშენებლობას აღარ აპირებს

კომპანიის ერთ–ერთი მფლობელი ემზარ ასპანიძე, „სამხრეთის კარიბჭესთან“ აცხადებს, რომ ვარძიაში სასტუმროს მშენებლობის გაგრძელების სურვილი აღარ აქვს და აღარც გააგრძელებს: “მაგის სურვილი აღარ მაქვს. შევაჩერეთ სამუშაოები და როგორც არის, ეგრე დარჩება, არაფერი არ მოგვიშლია, არც ის გზის საყრდენი. ვერ მოვშლი, რადგან გზა სულ ჩამოიქცევა“.

ორი თვის წინ, როცა სამუშაოები შეაჩერა, ემზარ ასპანიძე, აცხადებდა, რომ აქ სასტუმროს მშენებლობას აუცილებლად გააგრძელებდა, როცა ვარძიის გენგეგმა მომზადდებოდა. გეგმაზე მუშაობა კი კულტურული მემკვიდრეობის დაცვის სააგენტოს უკვე დაწყებული აქვს.

მიუხედავად იმისა, რომ „ნიალა“ ტერიტორიაზე უკვე გაკეთებული კონსტრუქციის გამოტანას არ აპირებს, კულტურული მემკვიდრეობის დაცვის ეროვნული სააგენტო, კომპანიას ტერიტორიისათვის პირვანდელი სახის დაბრუნებას კატეგორიულად სთხოვს: “ერთადერთი, რაზეც დავთანხმდით, ეს გამწვანება იყო. მაგრამ რაც უკვე გააკეთა, ის უნდა მოშალოს და იქაურობას პირვანდელი სახე დაუბრუნოს“, – ამბობენ სააგენტოს საზოგადოებასთან ურთიერთობის სამსახურში.

ვარძიის ისტორიული კომპლექსის მოპირდაპირედ, 120 ადგილიანი სასტუმროს მშენებლობა, რუსეთში მოღვაწე ბიზნესმენმა სოსო ორჯონიკიძემ და ბორჯომის ყოფილმა გამგებელმა ემზარ ასპანიძემ დაიწყეს, თუმცა მშენებლობა, კულტურული მემკვიდრეობის დაცვის სააგენტოს მოთხოვნით, აპრილში შეჩერდა, რადგან სააგენტოში ფიქრობენ, რომ ისტორიული კომპლექსის მოპირდაპირედ ნებისმიერი ობიექტის მშენებლობა, ვარძიას იერსახეს დაუმახინჯებს და ამან შესაძლოა, ხელი შეუშალოს კომპლექსის „იუნესკოს“ მსოფლიო მემკვიდრეობის ნუსხაში შეყვანას.

[ლუბა გიორგაძე, ასპინძა]


06.08.2020 სამხედროებსა და მათ ოჯახის წევრებს სახელმწიფო სწავლის საფასურის ნახევარს გადაუხდის

06.08.2020 კოლეჯ ‘ოპიზარში’ ავტორიზაცია კიდევ 8 პროგრამამ გაიარა

06.08.2020 სოციალურად დაუცველი სტუდენტების გარკვეულ კატეგორიას სწავლის საფასური დაუფინანსდება

05.08.2020 ქართულ ენასა და ლიტერატურაში ეროვნული გამოცდების შედეგები ცნობილია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

09.08.2020 ახალციხეში ტაძრის გახსნის ცერემონიას გიორგი გახარია ესწრება

09.08.2020 ‘არის რამდენიმე დაშავებული, საგამოძიებო მოქმედებები გრძელდება ’ – შს მინისტრის მოადგილე ახალქალაქში მომხდარ დაპირისპირებაზე

09.08.2020 'ბენზინიან ნაჭრებს ცეცხლს უკიდებდნენ და სახლში ყრიდნენ' – ადგილობრივები ახალქალაქში მომხდარ დაპირისპირებაზე

09.08.2020 ახალციხეში შალვა ახალციხელის სახელობის ტაძარი გაიხსნა [ფოტო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

03.08.2020 სამი ციხის ისტორია

29.07.2020 მესხების მუსხი [აუდიო]

28.07.2020 წადი ამ ზაფხულს ზააბახას

06.07.2020 მივდივართ საროში [ფოტო]

მსგავს თემაზე

სააგენტო ვარძიასთან უკანონო მშენებლობაზე: კომპანიამ ტერიტორიას პირვანდელი სახე უნდა დაუბრუნოს
ვარძიასთან სასტუმროს უკანონო მშენებლობის საქმე შესაძლოა სასამართლოში გაგრძელდეს
ვარძიის პირდაპირ  კომპანია 'ნიალა'  მესხური სოფლის მსგავს სასტუმროს უკანონოდ აშენებდა
სამუშაოები სააგენტოს უარის მიუხედავად მიმდინარეობდა-ანთიძე ვარძიასთან სასტუმროს მშენებლობაზე
მშენებლობა ვარძიაში არღვევს ისტორიულ ლანდშაფტს – ძეგლთა დაცვა გარემოს დაცვას მიმართავს
‘თუ უარს გვეტყვიან, თუთის ხეებს დავრგავ’–ემზარ ასპანიძე ვარძიასთან სასტუმროს მშენებლობაზე
რა უშლის ხელს  ‘იუნესკოს’ ძეგლთა ნუსხაში ვარძიის შესვლას