FM97.5 / LIVE

სასკოლო ოლიმპიადაზე რეგისტრაციის ვადა იწურება

მთავარისიახლე, განათლება 24.09.2019
2019-2020 სასწავლო წლის ეროვნული სასწავლო ოლიმპიადისათვის რეგისტრაციის ვადა იწურება. ახალციხის ხუთი საჯარო სკოლიდან მოსწავლეების ნაწილი ოლიმპიადაზე გასასვლელად უკვე დარეგისტრირდა.

სასკოლო ოლიმპიადაზე რეგისტრაციის ვადა იწურება

ახალციხის პირველ საჯარო სკოლაში რეგისტრაცია ათობით მოსწავლემ უკვე გაიარა. სკოლის დირექტორის ჟუჟუნა გოგოლაურის ინფორმაციით, ამ დროისთვის, მოსწავლეები ქართულში, მათემატიკაში, ქიმიაში, ინგლისურსა და რუსულ ენებში არიან დარეგისტრირებულები.

„რეგისტრაციის გავლა მოსწავლეებს 27 სექტემბრამდე შუძლიათ, ამიტომ ვფიქრობ, სხვა საგნებზეც გამოთქვამენ დარეგისტრირების სურვილს“, - გვითხრა გოგოლაურმა.

პირველი სკოლის მსგავსად, ოლიმპიადის პირველ ტურზე დარეგისტრირდნენ ახალციხის N2, N3, N5 და N6 საჯარო სკოლების მოსწავლეები.

„ახლა 20 მოსწავლეა დარეგისტრირებული. ვფიქრობ, რომ წინა წლების მსგავსად, 70-მდე მოსწავლე გამოთქვამს სურვილს, რომ საკუთარი ძალები გამოსცადოს“, – ამბობს N6 საჯარო სკოლის დირექტორი გია კაპანაძე. მისივე შეფასებით, ოლიმპიადაში დარეგისტრირებული მოსწავლეებში ყველაზე პოპულარული საგნები მათემატიკა, ისტორია, ინგლისური და გერმანული ენებია.

ახალციხის N5 საჯარო სკოლაში ამ დროისათვის 20 მოსწავლეს სურს ოლიმპიადაში მონაწილეობის მიღება. მათ ძირითადად ქართული და ინგლისური ენა აირჩიეს.

ეროვნულ სასწავლო ოლიმპიადაზე მოსწავლეებს თავად სკოლები არეგისტრირებენ. მოსწავლეებს რეგისტრაციისათვის ვადა 27 სექტემბრის 18:00 საათამდე აქვთ.

ოლიმპიადა სამ ტურად ტარდება. მეორე ტურში მონაწილეობის უფლებას მოიპოვებს ის მონაწილე, რომელმაც დააგროვა ტესტის მაქსიმალური ქულის 60% ან მეტი და, ამასთან ერთად, მოხვდა რეიტინგული სიის პირველ 1000 მოსწავლეს შორის.

პირველი ტური სკოლებში იმართება, ხოლო მეორე და მესამე ტურს ცენტრალიზებულად ატარებს შეფასებისა და გამოცდების ეროვნული ცენტრი.

ეროვნული სასწავლო ოლიმპიადის მიზანია სასწავლო პროცესის სტიმულირება და მოსწავლეებში მოტივაციის ამაღლება. ასევე – იმ ნაკრებებისათვის კანდიდატების გამოვლენა, რომლებიც საერთაშორისო ოლიმპიადებზე საქართველოს სახელით გაემგზავრებიან.

[თორნიკე ზაზაძე, ახალციხე]


06.08.2020 სამხედროებსა და მათ ოჯახის წევრებს სახელმწიფო სწავლის საფასურის ნახევარს გადაუხდის

06.08.2020 კოლეჯ ‘ოპიზარში’ ავტორიზაცია კიდევ 8 პროგრამამ გაიარა

06.08.2020 სოციალურად დაუცველი სტუდენტების გარკვეულ კატეგორიას სწავლის საფასური დაუფინანსდება

05.08.2020 ქართულ ენასა და ლიტერატურაში ეროვნული გამოცდების შედეგები ცნობილია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

09.08.2020 ახალციხეში ტაძრის გახსნის ცერემონიას გიორგი გახარია ესწრება

09.08.2020 ‘არის რამდენიმე დაშავებული, საგამოძიებო მოქმედებები გრძელდება ’ – შს მინისტრის მოადგილე ახალქალაქში მომხდარ დაპირისპირებაზე

09.08.2020 'ბენზინიან ნაჭრებს ცეცხლს უკიდებდნენ და სახლში ყრიდნენ' – ადგილობრივები ახალქალაქში მომხდარ დაპირისპირებაზე

09.08.2020 ახალციხეში შალვა ახალციხელის სახელობის ტაძარი გაიხსნა [ფოტო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

03.08.2020 სამი ციხის ისტორია

29.07.2020 მესხების მუსხი [აუდიო]

28.07.2020 წადი ამ ზაფხულს ზააბახას

06.07.2020 მივდივართ საროში [ფოტო]

მსგავს თემაზე

პირველ ეტაპზე ახალციხის სკოლებში 113 პირველკლასელი დარეგისტრირდა
მათემატიკის ოლიმპიადაში რეგიონში პირველ ადგილზე უდის სკოლა გავიდა
ახალციხეში ახალი სასწავლო წელი ყველა სკოლაში დაიწყო
პირველი სკოლა სწავლის დაწყებას მესამე სკოლაში იზეიმებს
ახალციხეში "ჰარის ოლიმპიადა" გაიმართება
ახალციხის პირველი სკოლის მოსწავლეები დროებით ქალაქის სხვა სკოლებში ისწავლიან
2 სექტემბერი პირველკლასელთა რეგისტრაციის ბოლო დღეა