FM97.5 / LIVE

ახალციხეში სოციალურად დაუცველ ოჯახს ადგილობრივები დაეხმარნენ

მთავარისიახლე, საზოგადოება 19.09.2019
23 წლის ნათია ჩუბინიძეს, რომელსაც დახმარება სჭირდებოდა, ადგილობრივებმა სურსათი და ბავშვების ტანსაცმელი მიუტანეს. მარტოხელა დედის პრობლემა ახლა მხოლოდ სახლის სახურავია.

ახალციხეში სოციალურად დაუცველ ოჯახს ადგილობრივები დაეხმარნენ

ნათია ჩუბინიძის შესახებ „სამხრეთის აკრიბჭემ“ მასალა ცხრა სექტემბერს გამოაქვეყნა. დახმარების სურვილით რედაქციას არაერთმა ადამიანმა მიმართა.

ნათია ჩუბინიძე ამბობს, რომ უკვე მეცხრე დღეა, ადგილობრივებს მათთან საჭირო ნივთები მიაქვთ.

„ძალიან ბევრი ადამიანი მოვიდა. ტანსაცმელი მომიტანეს, პროდუქტები, ზოგი ფინანსურად დამეხმარა. მადლობის მეტი არაფერი მეთქმის. ძალიან დამეხმარა ყველა. ბავშვები ბაღში ამ ტანსაცმლით დამყავს და კარგა ხანს აღარ დაგვჭირდება პროდუქტი“, - ამბობს ნათია ჩუბინიძე.

მისივე თქმით, მასალის გამოქვეყნების შემდეგ, ოჯახში კიდევ ერთხელ მივიდნენ სოციალური სააგენტოს წარმომადგენლებიც. „სახლის პირობები დაათვალიერეს და გვითხრეს, კიდევ შეგეხმიანებითო. თან, ზოგჯერ ჩვენთანაც შეგიძლია მოხვიდე და ტანსაცმელი აარჩიოო“, – ამბობს ნათია.

ერთადერთი პრობლემა, რომელიც ნათიას მოსაგვარენბელი დარჩა, სახლის სახურავია, თუმცა ადგილობრივებისგან დახმარების დაპირებები ამის შესახებაც მიიღო: „მხოლოდ სახურავის პრობლემა დამრჩა, ერთადერთი ეგაა, სხვა აღარაფერი. დღეს კიდევ ერთი გოგონა მოვიდა და მითხრა, შევეცდები, სახურავის პრობლემა მოგიგვაროთო“.

ნათია, ორ მცირეწლოვან ბავშვთან და დედასთან ერთად, ცხოვრობს ახალციხეში, რუსთაველის N113–ში, კორპუსთან მდებარე საქვაბის შენობაში, ე.წ კაჩიგარიაიში. ოჯახი აქ უკანონოდ ცხოვრობს, რადგან ქირის ფულის გადახდა არ შეუძლიათ, თუმცა ამ შენობასაც სახურავის პრობლემა აქვს და წვიმის დროს წყალი ჩადის.

არც ნათიას და არც დედას სამსახური არ აქვთ, არ იღებენ პენსიას და არც ბავშვების ალიმენტს. გარდა ამისა, ნათიას ჯანმრთელობის პრობლემაც აქვს.

ნათიას თქმით, ორი ოთახი, რომელსაც გადახურვა სჭირდება, დაახლოებით 70 კვადრატული მეტრია.

ახალციხის მერიაში ამბობენ, რომ სახურავის მასალით დახმარების საკითხს შეისწავლიან.

[თაკო ფეიქირიშვილი, ახალციხე]


03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.12.2019 ახალციხის ცხრა სოფელს ახალი ამბულატორია ექნება

04.12.2019 მართლმადიდებლები ღვთისმშობლის ტაძრად მიყვანებას აღნიშნავენ

04.12.2019 5 დეკემბერს ახალციხეში დენი გაითიშება

03.12.2019 ადიგენში ხანძრით დაზარალებულების დასახმარებლად დასკვნას ელოდებიან

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

მსგავს თემაზე

ახალციხეში 23 წლის მარტოხელა დედა დახმარებას ითხოვს
23 წლის მარტოხელა დედა, ადგილობრივების დახმარებით, სახლს გადახურავს
ორი წლის წინ რეაბილიტირებული კულტურის სახლის სახურავი ბორჯომში ისევ სარემონტოა
ფერსის კლუბში მცხოვრები ოჯახით ’ერთსულოვნება’ დაინტერესდა
ტუბ–დისპანსერის შენობაში სახურავის ნაწილი ჩამოინგრა
სხვილისში შვიდსულიან ოჯახს სოციალური დახმარება მოუხსნეს
კორპუსი სახურავის, შიდა საკანალიზაციო და წყლის სისტემის გარეშე