FM97.5 / LIVE

მზეთამზიელი გულნაზი

მთავარისიახლე, რეპორტაჟი 19.09.2019
გულნაზი გოგოლაძე 85 წლისაა, ბორჯომის სოფელ მზეთამზეში ცხოვრობს. შემთხვევით შევხვდით სოფლის ორღობეში, მეზობელთან მიდიოდა. საუბარი გავაბით.

მზეთამზიელი გულნაზი

პირველი რაც მითხრა იყო – ახლა ტელევიზორში არ გამომჭიმო.

– ტელევიზორში არა, ინტერნეტში იქნებით, ვპასუხობ მე.

– თითქოს ერთიდაიგივე არ იყოს ეგა, – მეუბნება და იცინის.

ჭაღარაა, წინსაფარი უკეთია და ფიქრებში წარმოდგენილ ნამდვილ ბებოს ჰგავს.

ახლა სახლში მარტო ცხოვრობს. ქმარი 2008 წელს გარდაეცვალა, 52 წელი იყვნენ ცოლ–ქმარი. ორი გოგო გათხოვილი და ვაჟიც დაქორწინებული უკვე წლებია ქალაქში ცხოვრობენ. ჰყავს რვა შვილიშვილი და სამი შვილთაშვილი.

„ზამთარში შვილებს ქალაქში მივყავარ. წელს აღარ წავალ. დადექი და იყავი სულა. დაბლა მე ვერ ჩამოვდიოდი მეშინოდა, მაღლიდანა ვუყურებდი მანქანები როგორ მიდი–მოდიოდნენ. ჩემი სახლი ყველაფერს ჯობია, ჩემი ღარიბი სახლი ჯობია იმათ სიმდიდრეს. შეშის ფეჩი მირჩევნია ქალაქის გათბობას. ეზოს პანტა მსხალი კი ქალაქურ საჭმელებს“, – მეუბნება გულნაზი გოგოლაძე.

პირველი ფოტო რომ გადავუღე ვაჩვენე, სათვალე არც უხსენებია ისე დახედა კამერას. როგორც ჩანს არ მოეწონა თავი, რადგან როცა ვკითხე კიდევ ხომ არ გადაგიღოთ–მეთქი, თავი დამიქნია და წელში გაიმართა.

მზეთამზიელი გულნაზი "ტელევიზორში არ გამომჭიმო"

გულნაზი გოგოლაძე ხაშურიდანაა. 1956 წელს როცა მისი ქმარი სამხედროდან ჩამოვიდა მაშინ გაიცნო, გაიცნო და ცოლადაც გამოყვა.

– ეგ როგორ? ვეკითხები.

– ჩემთვის ამოხვედი თუ სოფლის ამბებისთვის? აქეთ მიბრუნებს კითხვას და აგრძელებს.

– რა სიყვარული, არც ვიცნობდი. მოვიდა, მნახა და იმ დღესვე წამომიყვანა. მანამდე დედამთილმა მნახა. აქა, მზეთამზეში ჩვენებური გოგო იყო გათხოვილი, ქორწილში ვიყავი და იქ მოვეწონე, არ მინდა, რაებს მაყოლებთ – გვეუბნება და იცინის.

– როცა ნახეთ მოგეწონათ?

– არა, კაცო! მე არ მომეწონა, მაგრამ უარი ვინ გათქმევინა.

– აბა რატომ წამოყევით?

– გადაწყვიტეს ასე რომ უნდა წავყოლოდი.ჰოდა, წამოვყევი.

– ვინ გადაწყვიტა?

– მშობლებმა. ავდექი და წამოვედით. ოჯახი შევქმენით. ახლა ქალები რომ ცემას ითმენენ, მიკვირს. ჩხუბი კი, ყველგანაა, მაგრამ ცემა? მე ღმერთმა დამიფარა.

– რომ ეცემეთ ოჯახს დაანგრევდით? ვკითხე, რამდენიმე წამი ფიქრობდა, მერე ლურჯი თვალებით ამომხედა და მითხრა – ვერა, ოჯახს ვერ დავანგრევდი, თუმცა ცემასაც ვერ ავიტანდი.

მზეთამზიაში ბევრი აღარ მივლია. მართლა სოფლის ამბებისთვის ასულს გულნაზი გოგოლაძის უცებ, ორღობეში მოყოლილმა ამბებმა ყველა ამბავი გადამიფარა.

ამ ზამთარში გოგოლაძეების ოჯახიდანაც ამოვა კვამლი. მანამდე შვილიშვილები დაურეკავენ ბებიას – რაები გილაპარაკია ბებო ინტერნეტში ხარო – მოხუცი კი მე დამაბრალებს – ის ჟურნალისტი იზამდა მაგას, ძალად რომ დამაცდენინა ამბებიო.

[გულო კოხოძე, ბორჯომი]


11.07.2020 პირველკლასელთა რეგისტრაციის IV ეტაპის ვადები შეიცვალა

11.07.2020 აბიტურიენტები გამოცდას კვლავ ქართულ ენასა და ლიტერატურაში აბარებენ

10.07.2020 ეროვნულ გამოცდაზე გასულ აბიტურიენტს კორონავირუსი დაუდასტურდა

09.07.2020 ახალციხეში უფროსი, წამყვანი და მენტორის სტატუსის მქონე პედაგოგებს სერტიფიკატები გადასცეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

10.07.2020 ‘თურქულ მხარესთან ვთანამშრომლობთ’– მერი ჭაჭარაქში მოპარულ პირუტყვზე

10.07.2020 აქციის მონაწილეების ასვლის შემდეგ ‘უზუნჩაირის’ მთას მომთაბარე მწყემსები ტოვებენ [ფოტო]

10.07.2020 'მერის დაპირების არ გვჯერა, ჩვენ თვითონ გავრეკავთ მთიდან მწყემსებს' – აქციის მონაწილეები [ფოტო/ვიდეო]

10.07.2020 ორი კანონპროექტი და პროტესტი

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

სოფელში ორღობეებმაც იციან დარდი
მიქელწმინდას ამბები [ფოტო]
დიდი ოჯახის დიდი დიასახლისი
'ზამთრის' ცოლები
ცხოვრება ავარიულ სახლში
როდის თხოვდები?
მუგარეთში ხაჩიძეების ცხრასულიან ოჯახს სახლი ენგრევა [ფოტო]