FM97.5 / LIVE

კოთელიაში მარტოხელა დედა ავარიულ სახლში ცხოვრობს [ფოტო]

მთავარისიახლე, საზოგადოება 17.09.2019
ხათუნა აჩელაშვილი, რომელიც 13 წლის შვილთან ერთად, სახელმწიფოს ბალანსზე არსებულ შენობაში, უკიდურეს გაჭირვებაში ცხოვრობს, დახმარებას ითხოვს. ორი ოპერაციის შემდეგ, ფიზიკურად მუშაობა არ შეუძლია, სახლი კი, რომელიც კოთელიის სკოლას აქვს სარგებლობის უფლებით, საცხოვრებლად სახიფათოა.

კოთელიაში მარტოხელა დედა ავარიულ სახლში ცხოვრობს [ფოტო]

სოფელ კოთელიაში, ზღვის დონიდან 1700 მეტრზე, ზამთარი მკაცრი იცის. სახლი, რომელშიც ხათუნა მცირეწლოვან შვილთან ერთად ცხოვრობს, ზამთრის თბილად გატარების გარანტიას არ იძლევა. კედლები დაბზარულია, ჭერიდან მზიან დღეებში მზის სხივები, წვიმიან დღეებში კი წვიმა ჩამოდის. კედლის ღრიჭოებს კი ნაჭრებით ქოლავს, ქარი რომ არ შემოვიდეს.

„ერთადერთი, რაც ყველაზე ძალიან მჭირდება, კედლების და ჭერის გაკეთებაა. არ ვითხოვ რაიმე კაპიტალურ რემონტს. ის მინდა, რომ ქარი და წვიმა არ შემოვიდეს. მასალებიც რომ მქონდეს, როგორღაც ამოვლესავ კედლებს“, - გვიყვება ხათუნა.

ხათუნა სოციალურ დახმარებას იღებს, თვეში 140 ლარს, რაც, მისი თქმით, ჭამაში და ბავშვის ჩაცმაში ძლივს ჰყოფნის.

„სანამ ჯანმრთელობის პრობლემები დამეწყებოდა, ვმუშაობდი, როგორღაც გაგვქონდა თავი. რომ არა ეს ოპერაციები, ალბათ, ჩემითაც შევძლებდი ცემენტის ყიდვას, კედლები რომ მაინც გამომელესა,“ – ამბობს ხათუნა.

სახლში გაზი და წყალი არ აქვს. საჭმელს, ძირითადად, შეშის ღუმელზე ამზადებს. საწვავად კი თანასოფელების მიტანილ ხმელ ტოტებს ან, ხშირ შემთხვევაში, საქონლის გამხმარ ნაკელს, ე.წ. წივას იყენებს. ჯავახეთში ზამთარი უკვე ახლოსაა, საწვავის მარაგი კი, ჯავახური ზამთრის გასატარებლად, საკმაოდ ცოტაა.

„თანასოფლელები რომ არ მეხმარებოდნენ, არ ვიცი, აქამდე როგორ გავძლებდით. მუშაობა მე არ შემიძლია და თვეში 140 ლარით ორმა ადამიანმა როგორ უნდა გავიტანოთ თავი?! პროდუქტი, ხანდახან საწვავად გამოსადეგარი ხმელი ტოტები მოაქვთ, ახლა მომარაგებული მაქვს იმდენი, რომ ბავშვს საჭმელი გავუკეთო. ზამთარს ვერ გამატანინებს ეს ტოტები. არ ვიცი, რა უნდა ვქნა“.

შენობა, რომელშიც ხათუნა თავის 13 წლის ბიჭთან ერთად ცხოვრობს, სახელმწიფო საკუთრებაა, ხოლო მოსარგებლე, კოთელიის საჯარო სკოლაა. გარდა იმისა, რომ კედლები და ჭერი ავარიულია, ხათუნას წყლის პრობლემაც აქვს. ის წყალს მეზობლის ეზოდან ეზიდება.

კოთელიაში მარტოხელა დედა ავარიულ სახლში ცხოვრობს [ფოტო]

კოთელიაში მარტოხელა დედა ავარიულ სახლში ცხოვრობს [ფოტო]

[რობი ზარიძე, ახალქალაქი]


03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.12.2019 ახალციხის ცხრა სოფელს ახალი ამბულატორია ექნება

04.12.2019 მართლმადიდებლები ღვთისმშობლის ტაძრად მიყვანებას აღნიშნავენ

04.12.2019 5 დეკემბერს ახალციხეში დენი გაითიშება

03.12.2019 ადიგენში ხანძრით დაზარალებულების დასახმარებლად დასკვნას ელოდებიან

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

მსგავს თემაზე

ცხოვრება ავარიულ სახლში
ცხოვრება ნახევრადდანგრეულ მიწურში
‘არაფერი მაქვს, რომ საჭმელი გავიკეთო’ – მარტოხელა მამაკაცი დახმარებას ითხოვს
ახალქალაქში  „ძვირ ზამთარს“ უჩივიან
ისტორიები სოფელ ბუღაშენიდან
სამსულიან ოჯახს გამოსახლების ეშინია
ოჯახმა, რომელშიც სამი შშმ პირი ცხოვრობს, სამწლიანი ლოდინის შემდეგ დახმარება მიიღო