FM97.5 / LIVE

სან დიეგოს უნივერსიტეტში ახალციხიდან სამი სტუდენტი ისწავლის

მთავარისიახლე, განათლება 02.09.2019
სან დიეგოს უნივერსიტეტში ახალციხის N1, ქალაქ ვალეს N1 და აწყურის საჯარო სკოლების კურსდამთავრებულები ჩაირიცხნენ. სამივე მათგანი კომპიუტერულ ინჟინერიაზე ისწავლის.

სან დიეგოს უნივერსიტეტში ახალციხიდან სამი სტუდენტი ისწავლის

ნოდარ ბერიძემ ახლციხის N1 საჯარო სკოლა დაამთავრა, ნათია ჩანგლიშვილმა ვალეს N1 სკოლა, მარიამ სააკიანი კი აწყურის საჯარო სკოლის კურსდამთავრებულია. მათ განსხვავებული გეგმები, თუმცა ერთი მიზანი აქვთ, უნივერსიტეტისგან მაქსიმალური ცოდნა მიიღონ.

ნოდარ ბერიძემ სან დიეგოს უნივერსიტეტში ჩაბარება ერთი წლის წინ გადაწყვიტა, როდესაც უნივერსიტეტის წარმომადგენლებმა სკოლაში პრეზენტაცია გამართეს: „არ მქონდა გადაწყვეტილი სად ჩავაბარებდი ან რაზე. პრეზენტაციის შემდეგ დავინტერესდი, თან ეს პროგრამა, კომპიუტერული ინჟინერია საინტერესოა და ახლა ყველაფერი კომპიუტერულ სისტემაზე გადადის და გამომადგება“.

სწავლის დაწყებამდე საზაფხულო სკოლაში ორკვირიანი მომზადება გაიარა: „უკვე დაგვიბარეს, საზაფხულო სკოლასავითაა აქ. გვაჩვევენ მათემატიკას, ლინგვისტიკას, უკვე დაგვეწყო ლექციები. თავიდან ცოტა გამიჭირდა თან ინგლისურადაა სწავლება“.

სურს რომ სწავლის დამთავრების შემდეგ საკუთარი ცოდნა ისევ თავის ქალაქსა და კუთხეს მოახმაროს.

„კომპიუტერული ინჟინერია ბევრ რამეს მთავაზობს. ახალციხეში არ გვაქვს ძლიერი სისტემები, კომპიუტერული ინჟინრები სჭირდებათ და თუ შესაძლებლობა მომეცემა რაღაცის შექმნის, რაღაცა ინოვაციურის, ვფიქრობ რომ დავეხმარები ჩემს კუთხეს“, – ამბობს ნოდარი.

მარიამ სააკიანი ამ ეტაპზე არ ფიქრობს სწავლის დასრულების შემდეგ ახალციხეში დაბრუნებას, რადგან მისთვის მნიშვნელოვანი საერთაშორისო დიპლომი და პროფესიით დასაქმებაა.

„ეს სფერო მრავალფეროვანია და ვერ ვამბობ გადაჭრით თუ სად წარმომიდგენია თავი. ალბათ რომელიმე კარგ კომპანიაში. თუმცა ეს შორეული მომავალია. დიდ გეგმებს არ ვაწყობ, ხოლმე მოცემული სიტუაცი ით ვმსჯელობ“,– ამბობს მარიამი.

ამბობს, რომ სიახლეებისათვის მზადაა, რადგან იცის, რომ წარმატებისკენ მიმავალ გზაზე ბევრის დათმობაზე წასვლა მოუწევს.

ნათია ჩანგლიშვილმაც სან დიეგოს უნივერსიტეტში კომპიუტერულ ინჟინერიაზე ჩააბარა. მან გამოცდების საბოლოო შედეგების გაგებამდე იცოდა, რომ ამ უნივერსიტეტში მოხვდება, რადგან ეროვნულ გამოცდებამდე უნივერსიტეტის დაფინანსება მოიპოვა.

„7 500 დოლარია გადასახადი დ ამას სახელმწიფო გრანტით ვერ დაფარავ. შესაბამისად უნდა მიიღო შიდა დაფინანსება, გასაუბრების და აპლიკაციის შევსების შემდეგ 6 500 დოლარით დამიფინანსეს“.

უნივერსიტეტისგან კი კარგ განათლებასა და მომავალს ელოდება. საკუთარი თავი, რომელიმე კარგ დეველოპერულ კომპანიაში წარმოუდგენია.

[მარიამ ბარძიმაძე, ახალციხე]


09.07.2020 ახალციხეში უფროსი, წამყვანი და მენტორის სტატუსის მქონე პედაგოგებს სერტიფიკატები გადასცეს

08.07.2020 ეროვნულ გამოცდაზე 10 აბიტურიენტი არ გამოცხადდა

07.07.2020 საფეხური: ეთნიკურ უმცირესობებთან მძიმე მდგომარეობაა – მანანა რატიანი მასწავლებელთა სერთიფიცირებაზე

07.07.2020 ეროვნული გამოცდების მეორე დღეს 8 აბიტურიენტი არ გამოცხადდა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

07.07.2020 წინუბნის ტყეში მბეჭდავი ქერქიჭამიას წინააღმდეგ სანიტარული ჭრები დაიწყება

07.07.2020 პროტესტი სათხეში – რატომ გადაკეტეს გზა ადგილობრივებმა

07.07.2020 ახალციხის მერია შშმ პირს საცხოვრებელ კორპუსში ლიფტის დამონტაჟებას 4 წელია პირდება

07.07.2020 კაცს, რომელმაც სოფელ კლდეში დამწვრობა მიიღო, ოპერაციას გაუკეთებენ

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.07.2020 მივდივართ საროში [ფოტო]

03.07.2020 ზაზალო – სოფელი, სადაც მხოლოდ დაპირებები ახსოვთ [ფოტო/ვიდეო]

13.03.2020 სანამ მარცვალი ჩამოიცლება - უდელი მეწისქვილეს ამბავი [ფოტო/ვიდეო]

12.03.2020 ეკო-დერეფნის დამცველი ბუნების ქომაგები ადიგენიდან [ფოტო/ვიდეო]

მსგავს თემაზე

სან დიეგოს უნივერსიტეტის წარმომადგენლები ახალციხეში უფროსკლასელებს შეხვდნენ
სან დიეგოს უნივერსიტეტში სამცხე–ჯავახეთის სკოლებიდან ექვსი აბიტურიენტი ჩაირიცხა
სამცხე-ჯავახეთიდან 5–მა სტუდენტმა სან დიეგოს უნივერსიტეტში სრული დაფინანსება მოიპოვა
ქართულსა და უნარებში ახალციხელმა აბიტურიენტებმა მაღალი ქულები მიიღეს
‘წინ ბევრი კარგი თავგადასავალი გველის’ – 100%–იანი გრანტის მფლობელი სტუდენტები ახალციხიდან
სან–დიეგოს უნივერსიტეტის სტუდენტები ახალციხიდან
100–პროცენტიანი გრანტის მფლობელი აბიტურიენტები ახალციხიდან