FM97.5 / LIVE

მომხმარებელი.ge: 'სურსათის რამდენიმე პროდუქტი არასაკვებ საღებავებს შეიცავს'

მთავარისიახლე, საზოგადოება 16.08.2019
"კულას", "მარნეულისა" და "სუპრიმოს" პროდუქტებში არასაკვები საღებავები აღმოჩნდა. ამის შესახებ, არასამთავრობო ორგანიზაცია "მომხმარებელი.ge" აცხადებს. საკვები პროდუქტების მწარმოებლები განცხადებას ეხმაურებიან.

მომხმარებელი.ge: 'სურსათის რამდენიმე პროდუქტი არასაკვებ საღებავებს შეიცავს'

მომხმარებელი.ge-ს ინფორმაციით, თბილისის სხვადასხვა მაღაზიაში შეძენილ ექვს პროდუქტში, არასაკვები საღებავი აღმოჩნდა.

მათივე თქმით, შედეგები გერმანული ლაბორატორიისგან მიიღეს, სადაც 42 დასახელების ტყემლის, პომიდვრის საწებლის, აჯიკისა და წითელი წიწაკის (დაფქვილი) ნიმუშები გაგზავნეს.

არასაკვები საღებავები აღმოჩნდა შემდეგი დასახელების პროდუქტში:

ტყემალი წითელი, კლასიკური, შპს გსქ კულა;

ტრადიციული წითელი ტყემალი, შპს მარნეულის სასურსათო ქარხანა;

ტომატის საწებელი Supremo, შპს ფუდსერვისი;

ეს აჯიკა, შპს ეს;

ჩილი სოუსი ცხარე, შპს Soledo;

მშრალი აჯიკა, თეთნულდი.

„მართალია, არასაკვები საღებავები უმეტესად მცირე ოდენობითაა ზემოთ მითითებულ სურსათში აღმოჩენილი, მაგრამ ამ საღებავების სისტემატური მოხმარება ხელს უწყობს ან სიმსივნის წარმოქმნას ან გენების გადაგვარებას. „სუდანის“ ჯგუფის საღებავები გამოიყენება სურსათისათვის მოწითალო შეფერილობის მისაცემად“, - ნათქვამია ორგანიზაციის განცხადებაში.

მათივე თქმით, საქართველოში მოქმედ ლაბორატორიებს არ გააჩნიათ აკრედიტაცია სურსათში ზემოთ დასახელებული საღებავების საკვლევად.

მომხმარებელი.ge-ს განცხადებას გამოეხმაურნენ „კულასა“ და „მარნეულის“ ადმინისტრაციები.

კომპანია "კულას" დირექტორი ივანე გოგლიძე უარყოფს ვებგვერდის – „მომხმარებელი.ge“ მიერ გავრცელებულ ინფორმაციას: „საერთოდ არ ვიყენებთ საღებავს მით უმეტეს, საუბარია ისეთ პროდუქციაზე, რომელიც წითელი ფერისაა და არ სჭირდება არანაირი შეფერვა. ან ლაბორატორიის შეცდომაა, ან პროვოკაცია. ჩვენ ამ პროდუქციას ვგზავნით გერმანიაში, ამერიკაში, ისრაელში. 25 ქვეყანაში ხორციელდება ექსპორტი და ყველგან მოწმდება. დარღვევის შემთხვევაში, აღნიშნული ქვეყნები ამ პროდუქტის თავიანთ ბაზრებზე რეზლიზაციის უფლებას არ მოგვცემდნენ,“ – განმარტა გოგლიძემ "პირველ არხთან".

რაც შეეხება მარნეულის ქარხანას, მან წითელი ტყემლის წარმოება შეაჩერა. კომპანიის მიერ გავრცელებულ განცხადებაში ნათქვამია, რომ მათი ყველა პროდუქტი იწარმოება მხოლოდ ადგილობრივი ნედლეულისგან გარდა დამხმარე მასალებისა, რომელთა წარმოებაც საქართველოში არ ხდება (მარილი, შაქარი, სპეციალური დაფქვილი სახით სანელებლები და ასე შემდეგ) თუმცა, დამხმარე მასალების წილი 1% ზე ნაკლებია.

"ყველა მომწოდებელი არის საქართველოდან და ყველა მომწოდებელს წარმოდგენილი აქვს ხარისხის შესაბამისობის სერთიფიკატი. ჩვენ ყველა დამხმარე მასალას და ასევე, მზა პროდუქტს გავაგზავნით საერთაშორისო, ევროპულ ლაბორატორიებში, რისი დიდი გამოცდილებაც უკვე გვაქვს, დაველოდებით მათ პასუხს და შედეგებს ვაცნობებთ მომხმარებელს. პასუხებამდე ვაჩერებთ კონკრეტული პროდუქტის რეალიზაციას", — ნათქვამია განცხადებაში.

[sknews.ge]


06.08.2020 სამხედროებსა და მათ ოჯახის წევრებს სახელმწიფო სწავლის საფასურის ნახევარს გადაუხდის

06.08.2020 კოლეჯ ‘ოპიზარში’ ავტორიზაცია კიდევ 8 პროგრამამ გაიარა

06.08.2020 სოციალურად დაუცველი სტუდენტების გარკვეულ კატეგორიას სწავლის საფასური დაუფინანსდება

05.08.2020 ქართულ ენასა და ლიტერატურაში ეროვნული გამოცდების შედეგები ცნობილია

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

09.08.2020 ახალციხეში ტაძრის გახსნის ცერემონიას გიორგი გახარია ესწრება

09.08.2020 ‘არის რამდენიმე დაშავებული, საგამოძიებო მოქმედებები გრძელდება ’ – შს მინისტრის მოადგილე ახალქალაქში მომხდარ დაპირისპირებაზე

09.08.2020 'ბენზინიან ნაჭრებს ცეცხლს უკიდებდნენ და სახლში ყრიდნენ' – ადგილობრივები ახალქალაქში მომხდარ დაპირისპირებაზე

09.08.2020 ახალციხეში შალვა ახალციხელის სახელობის ტაძარი გაიხსნა [ფოტო]

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

03.08.2020 სამი ციხის ისტორია

29.07.2020 მესხების მუსხი [აუდიო]

28.07.2020 წადი ამ ზაფხულს ზააბახას

06.07.2020 მივდივართ საროში [ფოტო]

მსგავს თემაზე

5 დასახელების კოსმეტიკურ საშუალებაში აკრძალული ნივთიერებები აღმოჩნდა
შეურაცხმყოფელი წარწერები და წითელი საღებავები – ენმ–ს ოფისები ყველა ქალაქში შეღებეს
შოკოლადში აღმოჩენილი პლასტმასის გამო Mars-ი  55 ქვეყნიდან პროდუქციას უკან გაიტანს
40 კოსმეტიკურ საშუალებაში საფრთხისშემცველი ნივთიერება აღმოჩნდა
'ნაციონალების' ოფისების წითელი საღებავით გადაღებვა – შეფასებები ახალციხიდან [Video]
დღის კითხვა: ამოწმებს თუ არა მომხმარებელი პროდუქტის ვარგისიანობას [Video]
7 დასახელების რძის პროდუქტში მცენარეული ცხიმი გამოვლინდა – სეს