FM97.5 / LIVE

ასობით სტუდენტს სტატუსის შეჩერება ემუქრება

მთავარისაზოგადოება » განათლება 23.09.2013
ასობით სტუდენტი, რომელთაც ერთწლიანი სამხედრო სავალდებულო სამსახური იმ პირობით გაიარეს, რომ სამსახურის მოხდის შემდეგ სახელმწიფო სწავლის ქირას გადაუხდიდა, შესაძლოა აღარ დააფინანსონ და თუ ისინი თანხას თავად არ გადაიხდიან, სტუდენტის სტატუსი შეუჩერდებათ.

ასობით სტუდენტს სტატუსის შეჩერება ემუქრება
აღნიშნულ თემაზე დღეს, 23 სექტემბერს, არასამთავრობო ორგანიზაცია „დემოკრატ მესხთა კავშირის“ იურისტებმა პრესკონფერენცია გამართეს და სტუდენტთა დარღვეულ უფლებებზე ისაუბრეს.

მათი განმარტებით, საქართველოს პრეზიდენტის 2012 წლის 19 სექტემბრის #866 ბრძანების თანახმად,სტუდენტებს, რომლებიც ჩაირიცხებოდნენ უმაღლეს სასწავლებელში, ვერ მოიპოვებდნენ, ან ნაწილობრივ მოიპოვებდნენ სასწავლო გრანტს და სურვილს გამოთქვამდნენ გაევლოთ სამხედრო სავალდებულო სამსახური, გარკვეული პრივილეგიები ექნებოდათ.

"სტუდენტები, რომლებიც 2012-2013 და შემდგომი სასწავლო წლებისთვის ჩააბარებენ ერთიან ეროვნულ გამოცდებს, გადალახავენ მინიმალური კომპეტენციის ზღვარს, ჩაირიცხებიან აკრედიტირებულ უმაღლეს საგანმანათლებლო პროგრამებზე, ვერ მოიპოვებენ, ან/და ნაწილობრივ მოიპოვებენ სახელმწიფო სასწავლო გრანტს და საკუთარი სურვილით აიღებენ ვალდებულებას თორმეტი თვის ვადით გაიარონ სამხედრო სავალდებულო სამსახური საქართველოს თავდაცვის სამინისტროს შეიარაღებულ ძალებში, უზრუნველყოფილნი იქნებიან სახელმწიფო დაფინანსებით ბაკალავრიატის სახელმწიფო სასწავლო გრანტის ოდენობით", - ნათქვამია ბრძანებაში.

არასამთავრობო ორგანიზაცია „დემოკრატ მესხთა კავშირის“ იურისტები ამბობენ, რომ აღნიშნული ბრძანებულების შესაბამისად, საქართველოს აკრედიტებულ უმაღლეს სასწავლებლებში ჩარიცხულმა რამდენიმე ასეულმა სტუდენტმა საკუთარი სურვილით აიღო ვალდებულება საქართველოს შეიარაღებულ ძალებში სამხედრო სავალდებულო სამსახურის გავლაზე.

„უახლოეს პერიოდში სტუდენტთა ეს ნაწილი სამხედრო სამსახურს დაასრულებს. მათი ოჯახების უმეტესობას, არ აქვს შესაძლებლობა სწავლის საფასური გადაიხადოს, რის გამოც, შესაძლოა მათ სტუდენტის სტატუსი შეუჩრდეთ“, - ამბობს იურისტი მამუკა პარუნაშვილი.

სამცხე-ჯავახეთის სახელმწიფო სასწავლო უნივერსიტეტში ასეთი 11 სტუდენტია. ერთ-ერთი სტუდენტის ოჯახმა დახმარებისთვის „დემოკრატ მესხთა კავშირის“ იურისტებს მიმართა.

„აღსანიშნავია ის საკითხი, რომ საერთაშორისო პრაქტიკით მიღებულია, რომ ხელისუფლების ცვლილება არ უნდა იწვევდეს სახელმწიფოს მიერ აღებული ვალდებულების შეუსრულებლობას და ამით არ უნდა ზარალდებოდნენ რიგითი მოქალაქეები, - ამბობს იურისტი ეკა აბაშიძე და ამატებს, რომ მათ წერილობით მიმართეს საქართველოს განათლებისა და მეცნიერების, ასევე თავდაცვის სამინისტროებს, რომ მათ დროულად მოახდინონ ამ საკითხზე რეაგირება, - შესაბამისად მოამზადონ საკანონმდებლო აქტი, სადაც განსაზღვრული იქნება იმ სტუდენტების წყარო და შესაძლებლობები, რომლებმაც მოიხადეს სამხედრო სავალდებულო სამსახური“.

აღნიშნულ საკითხზე რეაგირებისთვის ორგანიზაციის ადვოკატებმა სამინისტროებში წერილი დღეს გააგზავნეს.

„ჩვენ ფაქტობრივად დამოკიდებული ვართ აღნიშნული ორგანიზაციებიდან მიღებულ პასუხებზე, იმედი გვაქვს რომ რეაგირება მოჰყვება“, - ამბობს ეკა აბაშიძე.

[თამარ თოთაძე, ახალციხე]


18.10.2019 ბორჯომელი ბაკურ გელაშვილი საქართველოში ოთხ საუკეთესო მასწავლებელს შორის მოხვდა

18.10.2019 ზარზმაში საჯარო სკოლა გაიხსნა

17.10.2019 განათლების სამინისტრო ესეების კონკურსს აცხადებს

16.10.2019 სამცხე-ჯავახეთში კომპიუტერი 200–მდე წარჩინებულ მოსწავლეს გადაეცემა

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

21.10.2019 ევროპა მაგარია! სოციალური რეკლამა [ვიდეო]

21.10.2019 ახალციხის ცენტრალურ სტადიონზე მძლეოსნობაში შეჯიბრი მიმდინარეობს

20.10.2019 ახალციხის თოჯინების თეატრი ხატია პარუნაშვილის დასახმარებლად სპექტაკლს გამართავს

18.10.2019 აბასთუმნელები: ‘საუბრობენ არაზინდოდან ჩვენს გასახლებაზე’

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

07.10.2019 წართმეული სამშობლო - 'ოქროს მაძიებელი' მესხები [ფოტო/ვიდეო]

07.10.2019 ‘ქალაქური ყაიდის სოფელი’ [ფოტო]

მსგავს თემაზე

ასობით სტუდენტს სტატუსი აღარ შეუჩერდება
თავდაცვის სამინისტრო სამხედრო  სავალდებულო სამსახურში აღარ გაიწვევს
სავალდებულო სამხედრო სამსახურის არგავლის გამო შესაძლოა, საჯარო სამსახურში დასაქმება შეიზღუდოს
ახალწვეულებს სამხედრო სავალდებულო სამსახურის გავლისას სწავლაში ხელი არ შეეშლებათ
სამხედრო სავალდებულო სამსახურში საშემოდგომო გაწვევა დაიწყო
სამხედრო სავალდებულო სამსახურში საშემოდგომო გაწვევა დაიწყო
შეიარაღებულ ძალებში წვევამდელების მიღება განახლებული წესით დაიწყო