FM97.5 / LIVE

ბორჯომში დაკავებული ექიმი ბრალს არ აღიარებს

მთავარისიახლე, სამართალი 01.08.2019
ბორჯომში, ექიმს რომელსაც ბრალად ფსიქოტროპული ნივთიერების შესაძენად ყალბი რეცეპტის დამზადება და გასაღება ედება, აღკვეთის ღონისძიებად პატიმრობა შეეფარდა. დაცვის მხარე გადაწყვეტილებას გაასაჩივრებს.

ბორჯომში დაკავებული ექიმი ბრალს არ აღიარებს

ახალციხის რაიონულმა სასამართლომ, ექიმ რ.ჯ–ს აღკვეთის ღონისძიებაზე დღეს, პირველ აგვისტოს იმსჯელა.

სასამართლო სხდომაზე დაცვის მხარემ გირაოს შეფარდებით, ხოლო ბრალდების მხარემ პატიმრობაში დატოვებით იშუამდგომლა. მოსამართლე მარიკა ჩიტაშვილმა პროკურორის შუამდგომლობა დააკმაყოფილა და ექიმი პატიმრობაში დატოვა.

მოსამართლემ სხდომაზე განმარტა, რომ გათავისუფლების შემთხვევაში, შესაძლებელია ექიმმა ფსიქოტროპული ნივთიერებების შესაძენად ყალბი რეცეპტები ისევ გასცეს.

პროკურატურა, რ.ჯ – ს ფსიქოტროპული ნივთიერების შესაძენად ყალბი რეცეპტის დამზადებას და გასაღებას ედავება. ბრალდების მხარის თქმით, ექიმი რეცეპტს პაციენტის შემოწმების გარეშე გასცემდა.

ბრალს ექიმი არ აღიარებს. როგორც მისი ადვოკატი სოსო ხითარიშვილი „სამხრეთის კარიბჭესთან“ განმარტავს, ბრალდებული ყველა პაციენტს ამოწმებდა და რეცეპტის გაცემის გადაწყვეტილებას ისე იღებდა.

დაცვის მხარე ამბობს, რომ მოსამართლის მიერ მიღებულ გადაწყვეტილებას, კანონით გათვალისწინებულ ვადაში, 48 საათის განმავლობაში, თბილისის სააპელაციო სასამართლოში გაასაჩივრებს.

ექიმი რ.ჯ ქალაქ ბორჯომში ცხოვრობს, თუმცა ბოლო წლებში სამედიცინო დაწესებულებაში არ მუშაობდა, იგი პაციენტებს საკუთარ სახლში იღებდა და ისე მკურნალობდა.

საქართველოს პროკურატურამ ექიმი 31 ივლისს დააკავა. საქმეზე გამოძიება მიმდინარეობს საქართველოს სსკ-ის 268-ე მუხლის მე-2 ნაწილის „ბ“ და ამავე მუხლის მე-3 ნაწილის „ა“ ქვეპუნქტებით, რაც სამსახურეობრივი მდგომარეობის გამოყენებით, დიდი ოდენობით ფსიქოტროპული ნივთიერების შესაძენად ყალბი რეცეპტის დამზადებას, გასაღების მიზნით, და გასაღებას გულისხმობს.

დანაშაულისთვის სასჯელის სახედ და ზომად გათვალისწინებულია ექვსიდან თერთმეტ წლამდე ვადით თავისუფლების აღკვეთა.
ახალციხის რაიონულ სასამართლოში წინასასამართლო სხდომა 25 სექტემბერს ჩაინიშნა.

[ლუბა გიორგაძე, ახალციხე]


03.12.2019 'ჩვენ შეგვიძლია გავაკეთოთ' - ინკლუზიური განათლება საქართველოსა და სომხეთში

02.12.2019 ეროვნული გამოცდების უცხოური ენების ტესტებში ცვლილებებია

14.11.2019 პენსიონერ პედაგოგებზე ჯილდოს გაცემის მეორე ეტაპი დაიწყო

07.11.2019 ახალციხეში წარჩინებული მოსწავლეები დაასაჩუქრეს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

04.12.2019 5 დეკემბერს ახალციხეში დენი აღარ გაითიშება – 'ენერგო–პრო ჯორჯია'

04.12.2019 ახალციხის ცხრა სოფელს ახალი ამბულატორია ექნება

04.12.2019 მართლმადიდებლები ღვთისმშობლის ტაძრად მიყვანებას აღნიშნავენ

04.12.2019 5 დეკემბერს ახალციხეში დენი გაითიშება

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

29.11.2019 საჯარო სკოლა, სადაც ბავშვებს ყვავილების მოვლას ასწავლიან [ვიდეო]

21.11.2019 მიქელწმინდას ამბები [ფოტო]

20.11.2019 ‘თუ წარმატებული ვიქნები, თემსაც დავეხმარები და ქვეყანასაც’ – აქტიური ახალგაზრდა სხვილისიდან

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

მსგავს თემაზე

ბორჯომში ექიმი დააკავეს
ბორჯომში დაკავებული ექიმი სამედიცინო დაწესებულებაში არ მუშაობს
‘საექიმო საქმიანობას სამუდამოდ ვწყვეტ’ – ყალბი რეცეპტების საქმე
სამცხე–ჯავახეთში დაკავებული 7 პირიდან 6–ს წინასწარი პატიმრობა შეეფარდა
საქონლის ქურდობაში ბრალდებულებს  სასამართლომ გირაო შეუფარდა
‘ლენდოს’ დაყაჩაღებაში ბრალდებულს  აღკვეთის ღონისძიება პატიმრობა არ შეუცვალეს
თაღლითობაში ბრალდებული თარჯიმანი სასამართლომ გირაოთი გაათავისუფლა