FM97.5 / LIVE

საკურორტო სეზონის ამბები ბორჯომიდან [ფოტო]

მთავარისიახლე, რეპორტაჟი 31.07.2019
ჩივილი ცუდ სეზონზე, სესხით ნაყიდი ბატუტები, გაძვირებული პური და ნაკლები დამსვენებელი.

საკურორტო სეზონის ამბები ბორჯომიდან [ფოტო]

2019 წლის ივლისი, ბორჯომი

მანანა ცერცვაძე ბორჯომის მკვიდრია. გრიგოლ რობაქიძის ქუჩაზე ბერძნული პურის ფურნე აქვს გახსნილი. ამბობს, რომ ყველაფერი გაძვირდა და ფურნეში პურიც გააძვირა.

„ერთ ტომარა ფქვილს შარშან ზაფხულში 37 ლარად ვყიდულობდი, ახლა 55 ლარად ვყიდულობ. რა ვქნა, ამიტომაც გავაძვირე პური. შარშან პურის ფასი 60 თეთრი იყო, წელს 80 გახდა. ხალხი პურს მაინც ყიდულობს, რა ქნას აბა. შაქრის, მაკარონის, ზეთის ფასმაც მოიმატა. გამოსავალს ვერ ვხედავ, ან მე რა გამოსავალზე უნდა ვიფიქრო? მთავრობამ უნდა იფიქროს“, – ამბობს ის.

მანანა ცერცვაძე ამბობს, რომ წელს დამსვენებლების ნაკლებობაცაა.

„კანტიკუნტად თუ შემოვა ვიღაც, შარშანდელთან შედარებაც არაა. სეზონია და ახლაა გაჭირვება, ზამთარში სულ ჩაკვდება ყველაფერი“, – გვითხრა მანანა ცერცვაძემ.

საკურორტო სეზონის ამბები ბორჯომიდან [ფოტო]

„გასულ წლებთან შედარებით, საკურორტო სეზონი ჩავარდა“, – ამბობენ ბორჯომელები.

ალექსანდრე ნოზაძეს ბორჯომში პატარა სასტუმრო აქვს. სასტუმრომ წელს პირველი სტუმრები მიიღო.

„ოთხი ნომერი მაქვს და წელს პირველად გავხსენი, ამიტომაც ვერაფერს გეტყვით. სეზონს არ ვუჩივი, თუმცა სხვები წუხან და ამბობენ, რომ ცუდი სეზონი აქვთ“, – გვითხრა ალექსანდრე ნოზაძემ.

საოჯახო სასტუმროების მეპატრონეებიც ამბობენ, რომ, გასულ წლებთან შედარებით, წელს ტურისტების სიმცირეა. მათი თქმით, საოჯახო სასტუმროებს, ძირითადად, ქართველები სტუმრობენ.

საოჯახო სასტუმროს მფლობელი მანანა ღამბარაშვილი ამბობს: „უფრო ნაკლები ტურისტია წელს, სასტუმროს ფასიც არ მაქვს მაღალი“.

ადგილობრივი მამაკაცი, რომელიც დაახლოებით 35 წლისაა და ბატუტი აქვს გამართული, გვეუბნება, რომ წელს სამი ბატუტი იყიდა, რადგან გასულ წლებში მისმა ახლობელმა ბატუტით კარგი მოგება ნახა.

„სამი ბატუტი სესხით ვიყიდე. ჯერ არაფერი ჩანს. აგვისტოს იმედი მაქვს. იქნება რამე გამოვიდეს. დიდი სასწაული თანხა არ ამიღია, მაგრამ გადახდა ხომ უნდა. ამხელა კურორტია და გგონია იხეირებ, მაგრამ... “ – ამბობს ის დაღონებით.

ვიღაც სიმინდს ყიდის, ვიღაც ცხენს აქირავებს, ვიღაც წყლის სასროლი პლასტმასის რევოლვერების გაყიდვით ცდილობს თავის გატანას.

კაფეებიც ღიაა. ფერად–ფერად სუვენირებს, გასაყიდად გამოდებულ ათას წვრილმანს აქვს ათვისებული მაღლა პარკისკენ მიმავალი ტროტუარები. ღია ავტობუსების სიმრავლეცაა. საბაგიროზეც რიგებია. თუმცა ადგილობრივები ამბობენ, რომ ტურისტების ნაკლებობაა.
ფოტო – სათამაშოები

საკურორტო სეზონის ამბები ბორჯომიდან [ფოტო]

საკურორტო სეზონის ამბები ბორჯომიდან [ფოტო]

[გულო კოხოძე, ბორჯომი]


07.11.2019 ახალციხეში წარჩინებული მოსწავლეები დაასაჩუქრეს

06.11.2019 საუკეთესო სპეციალური მასწავლებლის გამოსავლენად კონკურსი გამოცხადდა

05.11.2019 განათლების კოალიცია სკოლის ლიდერობის ეროვნულ კონკურსს აცხადებს

04.11.2019 ახალციხეში მასწავლებელთა გამოცდები მიმდინარეობს

22.04.2014 ჯილეხისა და თურქულის ვაქცინაცია დაიწყო

08.04.2014 ასპინძის საავადმყოფოს ექიმებმა შპს „ადითს“ სასამართლო მოუგეს

05.04.2014 რა იცვლება სასწრაფო სამედიცინო დახმარებაში?

21.03.2014 საქართველოში ჰოსპიტალური საწოლების რაოდენობამ იკლო

14.11.2019 თამარაშვილის ქუჩაზე სანიაღვრე არხის რეაბილიტაციისთვის ტენდერი გამოცხადდა

14.11.2019 რა გაკეთდება რეგფონდიდან მიღებული 1 158 695 ლარით ნინოწმინდაში

13.11.2019 ახალციხის სკვერში ატრაქციონის ჩამოვარდნის დროს საქანელაზე ბავშვი იჯდა [ვიდეო]

13.11.2019 თბილისში ნანი მანველიშვილის წიგნის პრეზენტაცია გაიმართა

24.12.2013 ბორჯომში ახალ წელს ერთი დღით ადრე იზეიმებენ

27.11.2013 რეჟისორი ვახტანგ ბერიძე მესხეთის თეატრს მადლობას უხდის

25.10.2013 ახალციხეში ანსამბლ „სეუს“ კონცერტი მიმდინარეობს

24.10.2013 მესხეთის თეატრში "წვიმის გამყიდველს" წარმოადგენენ

06.11.2019 ‘დატოვეთ კომფორტის ზონა’ – ახალციხელი ნათია ჯინიუზაშვილის წარმატება ჰოლანდიაში

01.11.2019 მატარებლის მოლოდინში [ფოტო/ვიდეო]

18.10.2019 აწყვიტაში ველიჯანაშვილების ოჯახი ღამეს მეზობელთან ათევს [ფოტო/ვიდეო]

09.10.2019 ‘უბრალო პროფესიის’ რთული საქმე - 83 წლის ფოსტალიონი ახალციხიდან [ფოტო/ვიდეო]

მსგავს თემაზე

ბორჯომში წელს ტურისტების დიდ რაოდენობას ელიან
ბორჯომელებს საკურორტო სეზონმა იმედები გაუცრუა
ახალციხეში პური გაძვირდა
ბორჯომში  სეზონის ჩავარდნის ეშინიათ
რა ღირს დასვენება აბასთუმანში
‘ფქვილის ფასმა სამი ლარით მოიმატა’ – ახალციხეში პური ძვირდება
‘ხალხი უნდა ჩამოვიდეს, სტიქია იყო, ომი ხომ არა’ – ადგილობრივები სტიქიის შემდეგ [Photo]